Revelation -9 -

ဗျာဒိတ်ကျမ်း - ၉

1ပဉ်စမကောငျးကငျတမနျသညျ တံပိုးမှုတျသောအခါ၊ ကွယျတစျလုံးသညျ ကောငျးကငျက မွကွေီးပေါျသို့ ကသြညျကို ငါမွငျ၏။ သူ၌ အနကျဆုံးသောတှငျး၏ သော့ကို အပျပေးသညျဖွစျ၍၊- 2သူသည် အနက်ဆုံးသောတွင်းကို ဖွင့်လျှင်၊ ကြီးစွာသော မီးဖို၏အခိုးကဲ့သို့သော အခိုးသည် တွင်းထဲက တက်လေ၏။ ထိုတွင်း၏ မီးခိုးကြောင့်၊ နေနှင့် အာကာသကောင်းကင်သည် မှောင်မိုက်လေ၏။-က၊ ၁၉:၂၈။ 3ကျိုင်းကောင်တို့သည် မီးခိုးအထဲက မြေကြီးအပေါ်သို့ထွက်၍ မြေကင်းမြီးကောက် တန်ခိုးကဲ့သို့သော တန်ခိုးကို ရကြ၏။-ထွ၊ ၁၀:၁၂-၁၅။ 4မြေ၏မြက်ပင်မှစ၍ စိမ်းသောအရာများ၊ သစ်ပင်များအပေါင်းတို့ကို ထား၍၊ နဖူး၌ဘုရားသခင်၏ တံဆိပ်ခတ်ခြင်းကို မခံသောလူတို့ကိုသာ ညှဉ်းဆဲမည်အကြောင်း သူတို့အား ပညတ်ထား၏။-ယေဇ၊ ၉:၄။ 5တံဆိပ်ခတ်ခြင်းကို မခံသောသူတို့ကိုကား သတ်ရသောအခွင့်မရှိ။ ငါးလပတ်လုံး ပြင်းစွာသောဝေဒနာ ဖြစ်စေသောအခွင့် ရှိ၏။ ထိုကျိုင်းကောင် ဖြစ်စေသော ဝေဒနာသည်ကား၊ ကင်းမြီးကောက်သည် လူကိုထိုးသော ဝေဒနာကဲ့သို့ ဖြစ်သတည်း။

6ထိုနေ့ရက်ကာလ၌ လူတို့သည် သေခြင်းကို ရှာကြလိမ့်မည်။ ရှာသော်လည်း မတွေ့ရကြ။ အလွန် သေချင်သော်လည်း သေမင်းသည် သူတို့ထံမှ ပြေးသွားလိမ့်မည်။-ယောဘ၊ ၃:၂၁။ ယေ၊ ၈:၃။ 7ထိုကျိုင်းကောင်တို့၏ အဆင်းသဏ္ဌာန်သည် စစ်တိုက်ခြင်းငှာ ပြင်ဆင်သောမြင်း၏ အဆင်းသဏ္ဌာန်နှင့် တူ၏။ ခေါင်းပေါ်မှ ရွှေသရဖူကို ဆောင်းဟန်ရှိ၏။ မျက်နှာသည် လူမျက်နှာကဲ့သို့ဖြစ်၏။-ယောလ၊ ၂:၄။ 8ဆံပင်သည် မိန်းမဆံပင်ကဲ့သို့ ဖြစ်၏။ သွားသည်လည်း ခြင်္သေ့သွားကဲ့သို့ ဖြစ်၏။-ယောလ၊ ၁:၆။ 9ရင်အုပ်တန်ဆာသည် သံရင်အုပ်တန်ဆာကဲ့သို့ ဖြစ်၏။ အတောင်ခတ်သော အသံသည် စစ်တိုက်၍ ပြေးလာသော မြင်းရထားအများ၏ အသံကဲ့သို့ဖြစ်၏။-ယောလ၊ ၂:၅။ 10အမြီးသည် ကင်းမြီးကောက်နှင့် တူ၏။ အမြီး၌လည်း ဆူးရှိ၏။ လူတို့ကို ငါးလပတ်လုံး ညှဉ်းဆဲရသော အခွင့်တန်ခိုးရှိ၏။- 11သူတို့၏ ရှင်ဘုရင်မူကား၊ ဟေဗြဲဘာသာအားဖြင့် အဗဒ္ဒုန်ဟူ၍လည်းကောင်း၊ ဟေလသဘာသာအားဖြင့် အပေါလျုန်ဟူ၍လည်းကောင်း ခေါ်ဝေါ်သော အနက်ဆုံးသောတွင်းတမန် ဖြစ်၏။- 12အမင်္ဂလာတစ်ပါး လွန်ပြီ။ ထိုနောက်မှ အမင်္ဂလာ နှစ်ပါး လာလေဦးမည်။

13ဆဋ္ဌမကောင်းကင်တမန်သည် တံပိုးမှုတ်သောအခါ၊ ဘုရားသခင့် ရှေ့တော်၌ရှိသော ရွှေယဇ်ပလ္လင်၏ ချိုလေးချောင်းထဲက ထွက်သောအသံကား၊-ထွ၊ ၃၀:၁-၃။ 14ဥဖရတ်မြစ်ကြီးနားမှာ ချည်နှောင်လျက်ရှိသော ကောင်းကင်တမန်လေးပါးကို လွှတ်လော့ဟု တံပိုးရှိသော ဆဋ္ဌမကောင်းကင်တမန်အား ဆိုသည်ကို ငါကြား၏။- 15ထိုအခါ လူသုံးစုတစ်စုကို အသေသတ်ခြင်းငှာ တစ်နာရီ၊ တစ်ရက်၊ တစ်လ၊ တစ်နှစ်အဖို့ ပြင်ဆင်သော ကောင်းကင်တမန်လေးပါးတို့ကို လွှတ်လေ၏။- 16မြင်းစီးသူရဲတို့၏ အရေအတွက်ကား၊ နှစ်သင်္ချေ ဖြစ်၏။ ထိုအရေအတွက်ကို ငါကြားရ၏။

17ထိုအတူ ဗျာဒိတ်ရူပါရုံ၌ ထင်ရှားသော မြင်းတို့ကိုလည်းကောင်း၊ ကန့်၊ မီး၊ ဝှါကိန္သုကျောက်နှင့်ပြီးသော ရင်အုပ်တန်ဆာရှိသော မြင်းစီးသူရဲတို့ကိုလည်းကောင်း ငါမြင်ရ၏။ မြင်းတို့၏ ခေါင်းသည် ခြင်္သေ့ခေါင်းကဲ့သို့ ဖြစ်၏။ သူတို့၏ ခံတွင်းထဲကလည်း ကန့်၊ မီးလျှံ၊ မီးခိုးထွက်ကြ၏။- 18သူတို့၏ခံတွင်းထဲက ထွက်သော ကန့်၊ မီးလျှံ၊ မီးခိုးတည်းဟူသော ဘေးသုံးပါးကြောင့်၊ လူသုံးစုတစ်စု သေကြ၏။- 19အကြောင်းမူကား၊ သူတို့တန်ခိုးသည် ခံတွင်း၌လည်းကောင်း၊ အမြီး၌လည်းကောင်း တည်၏။ အမြီးသည် ခေါင်းနှင့်ပြည့်စုံ၍ မြွေနှင့်တူ၏။ အမြီးအားဖြင့် ညှဥ်းဆဲတတ်ကြ၏။- 20ထိုဘေးဒဏ်ကြောင့် မသေဘဲ ကြွင်းသောလူတို့သည် နတ်တို့ကိုလည်းကောင်း၊ မမြင်နိုင်၊ မကြားနိုင်၊ မသွားလာနိုင်သော ရွှေရုပ်တု၊ ငွေရုပ်တု၊ ကြေးနီရုပ်တု၊ ကျောက်ရုပ်တု၊ သစ်သားရုပ်တုတို့ကိုလည်းကောင်း မကိုးကွယ်ဘဲ နေခြင်းငှာ၊ ကိုယ်လက်နှင့် လုပ်သော အရာများကို နောင်တမရဘဲနေကြ၏။-ဆာ၊ ၁၁၅:၄-၇၊ ၁၃၅:၁၅-၁၇။ ဒံ၊ ၅:၂၃။ 21ကိုယ်ကျင့်သော အကျင့်တည်းဟူသော လူအသက်ကို သတ်ခြင်း၊ သူတစ်ပါးကိုပြုစားခြင်း၊ မတရားသောမေထုန်၌ မှီဝဲခြင်း၊ သူ့ဥစ္စာကိုခိုးခြင်း၊ အမှုများကိုလည်း နောင်တမရဘဲ နေကြ၏။

ဗျာဒိတ်ကျမ်း - ၉ (အနက်ဖွင့်)

၉:၁–၂ ကောင်းကင်ပေါ်က ကြယ်ကျလာသည် ဆိုသည်မှာ စာတန်ကိုယ်တိုင် ဖြစ်သည်။ ငရဲအဝီစိတွင်းသို့သွားဖို့ သော့ပေးလိုက်၏ (abyss in GK) ထိုနေရာသည် မကောင်းဆိုးဝါးများ တိုင်းပြည်ဖြစ်သည်။ ထိုအဝီစိငရဲပြည်တံခါး ဖွင့်သောအခါ မီးခိုးများအူထွက်လာသဖြင့် ပတ်ဝန်းကျင်တခုလုံး မှောင်မိုက်သွား၏။

၉:၃–၄ ဂျိုင်းကောင်အုပ်သည် ထိုမီးခိုးမီးငွေ့များ အကြားမှ ပလူပျံလာကြသည်။ ကင်းမြီးကောက်အဆိပ်မျိုးလည်း ရှိကြသည်။ သို့သော် ၎င်းတို့တန်ခိုးအစွမ်းကို အရမ်းကာရော သုံးခွင့်မရကြ။ သီးနှံမြက်စိမ်းပင်များကို ဒုက္ခမပေး။ နဖူးတွင် တံဆိပ်ခတ်နှိပ်ခြင်း မခံရသော မယုံကြည်သူများကိုသာ အန္တရာယ်ပေးသည်။

၉:၅–၆ သို့သော် ထိုဂျိုင်းကောင်များ မှောင့်ဒဏ်သည် သေလောက်သော ဒဏ်ရာ မဟုတ်။ ကင်းမြီးကောက်မှောင့်ခြင်း ဒဏ်ရာကဲ့သို့သာ နာ၍(၅)လခံသည်။ လူကိုသေစေလိုကြသော်လည်း ထိုမျှလောက် အဆိပ်မပြင်း။ ထိုဂျိုင်းကောင်များသည် အဝီစိတွင်းမှ မကောင်းဆိုးဝါးများက လွှတ်ခြင်းဖြစ်၍ ကယ်တင်ခြင်း မရသော မယုံကြည်သူများအား ဒုက္ခပေးရန်ဖြစ်သည်။ ခန္ဓာကိုယ်အား ဒက္ခပေး၍ စိတ်အနှောင့်အယှက် ပေးရန်ဖြစ်သည်။ မာ ၅:၁-၂၀ ပါ နတ်ဆိုးစွဲပုံ ဥပမာအတိုင်းဖြစ်သည်။

၉:၇ ထိုဂျိုင်းကောင်များ၏ ပုံစံမှာ တိုက်ပွဲတစ်ရာ အောင်ပွဲတစ်ရာစစ်သူရဲများ ပုံစံဖြစ်သည်။ တိုက်ပွဲဝင်မည့် မြင်းကဲ့သို့ ဇောင်းထနေသည်။ ရွှေသရဖူဆောင်းထားသကဲ့သို့ ကြွတက်၍ လူများကို အုပ်စိုးတော့်မည့်ဟန်ဖြစ်သည်။ လူ့မျက်နှာပုံစံရှိ၍ အသိဉာဏ်ပါးနပ်သည်။

၉:၈–၁၀ သူတို့အမွှေးအမျှင်သည် မိန်းမဆံပင်ကဲ့သို့ ရှည်လျား၍ ဆွဲဆောင်မှုရှိသည်။ မျက်စိပသာဒ ကျစရာဖြစ်သည်။ ခြင်္သေ့သွားရှိ၍ တမြေ့မြေ့ဝါးဖို့ အံတကြိတ်ကြိတ် ပြင်ဆင်နေကြသည်။ ရင်ဘတ်ကို သံချပ်ကာသဖွယ် ကျည်ကာဝတ်ဆင် ထားသဖြင့်တိုက်ခိုက်ရန် ခက်ခဲသည်။ တောင်ပံခတ်သံများသည်လည်း တဝီဝီမြည်နေ၏။ ကြောက်ရွံ့ထိတ်လန့် စရာဖြစ်သည်။ အမြီးများသည် ကင်းမြီးကောက် ကဲ့သို့ရှိသဖြင့် စိတ်ဓာတ်မာကြောလျက် ယုံကြည်မှု အပြည့်အဝ ရှိကြသည်။ သူတို့ မှောင်ဒဏ်(၅ လခံရသည်ဆိုသည်မှာ ဝေဒနာခံစားရမည်ဟုဆိုလိုသည်။

၉:၁၁ သူတို့မှာလည်း ဟေဗြဲဘာသာဖြင့် အဗဒ္ဒုန်ဟုခေါ်သော ရှင်ဘုရင်ရှိသည်။ အဗဒ္ဒုန်ဆိုသည်မှာ ဖျက်ဆီးခြင်းဖြစ်သည်။ (ဂရိစကားဖြင့် apollyo-n) အားလုံးကောက်ချက်ဆွဲလိုက်လျှင် စာတန်ကို ရည်ညွှန်းကြောင်းနားလည်ရသည်။

၉:၁၂ အမင်္လာတပါး လွန်မြောက်ပြီး၍ အမင်္ဂလာနှစ်ပါးလာဦးမည်။ သူ့ထက်ငါ လူစွမ်းကောင်းများဖြစ်သည်။

၉:၁၃–၁၅ ဘုရားသခင် ရှေ့တော်၌ရှိသော ရွှေယဇ်ပလ္လင်ဆိုသည်မှာ အဖိနှိပ်ခံဘုရားသခင်၏ လူများဖြစ်သည်။ ဆဌမ တံပိုးသံက ဥဖရတ်မြစ်ကြီး နားမှာ ချည်နှောင်ထားသော ကောင်းကင်တမန် လေးပါးကို စေလွှတ်ခိုင်းလိုက်သည်။ ထိုကောင်းကင်တမန်လေးပါးဆိုသည်မှာ လူသုံးစုတစုကို အသေသတ်ရန် နောက်ဆုံးအချိန် စောင့်ဆိုင်းနေသော စာတန်ဆိုးများဖြစ်နိုင်သည်။

၉:၁၆–၁၇ မြင်းများနှင့် ရင်ဘတ်များတွင် ကန့်၊ မီး၊ ဝှာကိနုကျောက်များဖြင့် ပြုလုပ်သော ကျည်ကာချပ်ဝတ်တန်ဆာ ဝတ်ဆင်သော မြင်းစီးသူရဲကောင်း နှစ်သင်္ချေ၁၉ ပေါ်ထွက်လာမည်။ မြင်းခေါင်းများသည် ခြင်္သေ့ကဲသို့ မာန်ဝင့်၍ ပါးစပ်များသည်လည်း မီးဟုန်းဟုန်းတောက်လောင်သည်။ ကန့်မီးရှို့ထားသကဲ့သို့ အငွေ့တလူလူထွက်နေသည်။

၉:၁၈–၁၉ ဤကန့်၊ မီးလျှံ၊ မီးခိုးသည် လူသုံးစုတစုကို သတ်သေစေသော ရောဂါဆိုး(၃)ဆမျိုးဖြစ်သည်။ ထိုမြင်းများသည် ပါးစပ်အားဖြင့်သာ လူကိုသေစေကြသည်မဟုတ်၊ မြီးနှင့်လည်းဒုက္ခပေးတတ်သည်။

မဖြေနိုင်သော မေးခွန်းများစွာရှိသည်။ ကောင်းကင်တမန်များသည် ၇:၁ နှင့်အတူတူလား။ မြင်းစီးသူရဲကောင်းဆိုသည်မှာ လူတွေလား၊ ရောဂါပိုးများလား (သို့) အဖျက်ဒုစရိုက်များလား။ မီး၊ မီးခိုးနှင့် ကန့်များသည် မည်သည့် ရောဂါဆိုးများကို ဆိုလိုသနည်။

မြင်းနှင့်မြင်းစီးသူရဲများသည် သေခြင်းမရဏများကို ယူဆောင်သူများမဟုတ်ပါ။ ဆရာကြီးတပါးက “ထိုမြောက်များလှစွာသော မြင်းစီးသူရဲများသည် အရှေ့ကလာသော မကောင်းဆိုးဝါး ဒုစရိုက်များကို ဆိုလိုဟန်တူသည်” ဟုဆိုထားသည်။ Hamilton Smith ကမူ-

“သူတို့တန်ခိုးသည် ပါးစပ်ထဲမှာ ရှိသည်ဟု ဆိုထားသောကြောင့် အပြောကြွယ်ကြွယ်၊ မူယာမာယာဖြင့် လိုက်လံဖျက်ဆီးသူများကို ရည်ညွှန်သည်။ အမြီးတွင် အဆိပ်ရှိသည်ဟု ဆိုလေရာ စာတန်၏ လက်နက်သဘောဖြစ်၍ မြွေဟောက်ကဲ့သို့ အဆိပ်ပြင်းသည်” ဟုဆိုထားသည်။

၉:၂၀–၂၁ သို့သော်လည်း သုံးပုံနှစ်ပုံသောလူများသည် ထိုရောဂါဆိုးများနှင့် မကြုံကြိုက်သော်လည်း နောင်တရခြင်းမရှိ၊ စာတန်ရှေ့မှာ ဒူးထောက်လျက်၊ အသက်မရှိသော ရုပ်တုဆင်းတုကို ကိုးကွယ်မြဲ ကိုးကွယ်နေသည်။ လူသတ်မှု၊ ပြုစားခြင်း(မူးယစ်ဆေးဝါးလည်းပါသည် ၂၁) မတရားသော မေထုန်နှင့် ခိုးမှုများကို လုပ်မြဲလုပ်နေကြသည်။ မည်သည့် အပြစ်ဒဏ်နှင့် ဆင်းရဲဒုက္ခကမှ သူတို့အကျင့်စရိုက်များကို မပြုပြင်ပေးနိုင် အသစ်တဖန် မွေးဖွားခြင်းကသာ ပြုပြင်ပေးနိုင်သည်။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

ကြည့်ရှုသူဦးရေ 0

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။

ကြည့်ရှုသူဦးရေ 0