Isaiah -36 -

ဟေရှာယအနာဂတ္တိကျမ်း - ၃၆

ယေရုရှလင်မြို့ကိုခြောက်လှန့်ခြင်း

(၄ရာ၊ ၁၈:၁၃-၃၇။ ၆ရာ၊ ၃၂:၁-၁၉)

1ဟေဇကိမင်းကြီး နန်းစံဆယ်လေးနှစ်တွင် အာရှုရိရှင်ဘုရင် သနာခရိပ်သည်၊ ယုဒပြည်၌ ခိုင်ခံ့သောမြို့ ရှိသမျှတို့ကိုစစ်ချီ၍ လုပ်ကြံပြီးလျှင်၊ 2ရာဗရှာခကိုခန့်ထား၍ များစွာသော ဗိုလ်ခြေနှင့်တကွ၊ လာခိရှမြို့မှ ယေရုရှလင်မြို့၊ ဟေဇကိမင်းကြီးထံသို့ စေလွှတ်လေ၏။ ထိုဗိုလ်ချုပ်မင်းသည်ရောက်၍၊ ခဝါသည်၏ လယ်နားမှာလျှောက်သောလမ်း၊ အထက်ရေကန်ပြွန်ဝ၌ ရပ်နေ၏။ 3ထိုအခါ ဟိလခိသားဖြစ်သော နန်းတော်အုပ် ဧလျာကိမ်၊ စာရေးတော်ကြီးရှေဗန၊ အာသပ်သား အတွင်းဝန်ယောအာတို့သည် သူ့ထံသို့ထွက်ပြီးလျှင်၊ 4ရာဗရှာခက၊ မဟာအရှင်မင်းကြီး၊ အာရှုရိရှင်ဘုရင်သည် ဟေဇကိကိုမိန့်တော်မူသည်ကား၊ သင်ခိုလှုံသဖြင့် ခိုလှုံရာကား အဘယ်သို့နည်း။ 5စစ်တိုက်လောက်အောင် ဉာဏ်သတ္တိ၊ အစွမ်းသတ္တိနှင့် ငါပြည့်စုံသည်ဟု အချည်းနှီးသောစကားကို သင်ဆိုပါသည်တကား။ ငါ့ကို ပုန်ကန်ခြင်းငှာ အဘယ်သူကို ကိုးစားသနည်း။ 6ကျိုးသော ကျူလုံးတောင်ဝှေးတည်းဟူသော အဲဂုတ္တုပြည်ကို ကိုးစားပါသည်တကား။ ထိုကျူလုံးသည် မှီသောသူ၏လက်ကိုဖောက်၍ လျှိုသွားလိမ့်မည်။ ထိုသို့ အဲဂုတ္တုမင်းကြီး ဖာရောဘုရင်သည် မိမိ၌မှီသောသူ အပေါင်းတို့ကို ပြုလိမ့်မည်။ 7သင်တို့က၊ ငါတို့သည် ငါတို့၏ဘုရားသခင် ထာဝရဘုရားကို ကိုးစားသည်ဟု ဆိုပြန်လျှင်၊ ဟေဇကိသည် မြင့်သောအရပ်ဌာနနှင့် ယဇ်ပလ္လင်တို့ကိုပယ်၍၊ ဤမည်သောယဇ်ပလ္လင်ရှေ့၌သာ ကိုးကွယ်ရမည်ဟု ယုဒပြည်သူ၊ ယေရုရှလင်မြို့သားတို့ကို မှာထားသဖြင့်၊ သင်တို့ပြစ်မှားသောဘုရား ဖြစ်သည်မဟုတ်လော။ 8သို့ဖြစ်၍၊ ယခုတွင် ငါ့သခင်၊ အာရှုရိရှင်ဘုရင်၌ အာမခံတို့ကိုအပ်ပါလော့။ သင်၌ မြင်းစီးသူရဲလုံလောက်အောင်ရှိလျှင်၊ မြင်းနှစ်ထောင်တို့ကို ငါပေးမည်။ 9သင်သည် ငါ့သခင်၏ကျွန်တို့တွင် အငယ်ဆုံးသောဗိုလ်ကို အဘယ်သို့ လှန်နိုင်မည်နည်း။ အဲဂုတ္တုပြည်မှ ရထားများ၊ မြင်းစီးသူရဲများကိုရမည်ဟု ယုံပါသည်တကား။ 10ထာဝရဘုရား၏အခွင့်မရှိဘဲ၊ ဤပြည်ကိုဖျက်ဆီးခြင်းငှာ ငါလာသလော။ ထိုပြည်ကိုသွား၍ ဖျက်ဆီးလော့ဟု ထာဝရဘုရားသည် ငါ့အားမိန့်တော်မူပြီ။ ဤအကြောင်းအရာများကို ပြန်ပြောကြလော့ဟု ပြောဆို၏။

11ထိုအခါ ဧလျာကိမ်၊ ရှေဗန၊ ယောအာတို့က၊ ရှုရိဘာသာစကားအားဖြင့် ကျွန်တော်တို့အား အမိန့်ရှိပါလော့။ ထိုစကားကို ကျွန်တော်တို့သည် နားလည်ပါ၏။ မြို့ရိုးပေါ်မှာရှိသောသူတို့သည် ကြားရအောင်၊ ယုဒဘာသာစကားအားဖြင့် အမိန့်မရှိပါနှင့်ဟု ရာဗရှာခကို ဆိုကြလျှင်၊ 12ရာဗရှာခက၊ ငါ့သခင်သည် သင်၏သခင်နှင့် သင့်အားသာ ဤစကားကိုပြောစေခြင်းငှာ ငါ့ကို စေလွှတ်တော်မူသလော။ မြို့ရိုးပေါ်မှာ ထိုင်လျက်၊ သင်တို့နှင့်အတူ မိမိတို့မစင်ကိုစား၍၊ မိမိတို့ရေဟောင်းကို သောက်ရသော သူတို့ရှိရာသို့ စေလွှတ်တော်မူသည် မဟုတ်လောဟု ဆိုပြီးလျှင်၊ 13ရာဗရှာခသည် ထ၍ ယုဒဘာသာစကားအားဖြင့် ကျယ်သောအသံနှင့် ကြွေးကြော်လျက်၊ မဟာအရှင်မင်းကြီး အာရှုရိရှင်ဘုရင်၏ အမိန့်တော်ကို နားထောင်ကြလော့။ 14ရှင်ဘုရင်မိန့်တော်မူသည်ကား၊ ဟေဇကိသည် သင်တို့ကို မလှည့်စားစေနှင့်။ သူသည်သင်တို့ကို ကယ်ယူခြင်းငှာ မတတ်နိုင်။ 15ဟေဇကိက၊ ထာဝရဘုရားသည် ငါတို့ကို ဧကန်အမှန်ကယ်ယူတော်မူမည်။ ဤမြို့သည် အာရှုရိရှင်ဘုရင် လက်သို့ မရောက်ရဟု ဆိုသဖြင့်၊ ထာဝရဘုရားကို မကိုးစားစေနှင့်။ 16ဟေဇကိစကားကို နားမထောင်ကြနှင့်။ အာရှုရိရှင်ဘုရင် မိန့်တော်မူသည်ကား၊ ငါနှင့် မိတ်သဟာယဖွဲ့ကြ။ ငါ့ထံသို့ ထွက်လာကြ။ 17သင်တို့ပြည်နှင့် တူသောပြည်တည်းဟူသော၊ ဆန်စပါးစပျစ်ရည်နှင့် ပြည့်စုံသောပြည်၊ မုန့်နှင့် စပျစ်ဥယျာဉ်များသောပြည်သို့၊ သင်တို့ကိုပို့ခြင်းငှာ ငါမလာမီတိုင်အောင်၊ သင်တို့သည် ကိုယ်စပျစ်ပင်၏အသီး၊ ကိုယ်သင်္ဘောသဖန်းပင်၏ အသီးကိုစား၍၊ ကိုယ်ရေကန်က ရေကို သောက်လျက်နေကြဦးလော့။ 18ဟေဇကိက၊ ထာဝရဘုရားသည် ငါတို့ကို ကယ်ယူတော်မူမည်ဟု မဖြားယောင်းစေနှင့်။ အပြည်ပြည်သောဘုရားတို့သည် မိမိတို့ပြည်များကို အာရှုရိရှင်ဘုရင်လက်မှ ကယ်လွှတ်ကြပြီလော။ 19ဟာမတ်ပြည်၏ဘုရား၊ အာပဒ်ပြည်၏ဘုရားတို့သည် အဘယ်မှာရှိကြသနည်း။ သေဖရဝိမ်ပြည်၏ဘုရားတို့သည် အဘယ်မှာရှိကြသနည်း။ သူတို့သည် ရှမာရိပြည်ကို ငါ့လက်မှ ကယ်လွှတ်ကြပြီလော။ 20ထိုအပြည်ပြည်သော ဘုရားတို့တွင်၊ အဘယ်မည်သော ဘုရားသည် မိမိပြည်ကို ငါ့လက်မှ ကယ်လွှတ်ဖူးသနည်း။ ထာဝရဘုရားသည် ယေရုရှလင်မြို့ကို ငါ့လက်မှ အဘယ်သို့ကယ်လွှတ်နိုင်မည်နည်းဟု ဆိုလေ၏။ 21ယုဒလူတို့လည်း၊ စကားတစ်ခွန်းကိုမျှမပြန်ဘဲ တိတ်ဆိတ်စွာနေကြ၏။ အကြောင်းမူကား၊ ပြန်မပြောနှင့်ဟု ရှင်ဘုရင် အမိန့်တော်ရှိသတည်း။

22ထိုအခါ ဟိလခိသားဖြစ်သော နန်းတော်အုပ် ဧလျာကိမ်၊ စာရေးတော်ကြီး ရှေဗန၊ အာသပ်သား အတွင်းဝန်ယောအာတို့သည် မိမိတို့အဝတ်ကိုဆုတ်လျက်၊ ဟေဇကိမင်းထံသို့လာ၍၊ ရာဗရှာခစကားကို ကြားလျှောက်ကြ၏။

ဟေရှာယအနာဂတ္တိကျမ်း - ၃၆ (အနက်ဖွင့်)

၂။ ခေတ်သမိုင်းကြောင်းပြောင်းလဲခြင်း၊ဟိဇကိမင်း၏အတ္ထုပတ္တိ (အခန်း၃၆-၃၉)

အခန်းကြီး၃၆-၃၉အချို့ကျမ်းစာပညာရှင်များက ဟိဇကိမင်း၏အတ္ထုပတ္တိဟုနာမည်ပေးကြသည်။ ဟေရှာယကျမ်းမှသမိုင်းရာဇဝင်ကဏ္ဍဖြစ်သည်။ (၃၈:၉-၂၀)မှလွဲ၍ကျန်ကျမ်းချက်များသည်(၄ရာ၁၈:၁၃-၁၇၊၂၀:၁၉)ပြန် လည်ဖေါ်ပြခြင်းဖြစ်သည်။

(က)အာရှုရိမှ ဟိဇကိကရွေးထုတ်ခြင်း(အခန်း၃၆-၃၇)

၁။ အာရှုရိတို့ဘုရားတရား၌အားနည်းခြင်း(အခန်း၃၆)

၃၆:၁-၃ အခန်းကြီး၃၆မှ ရာဗရှာခသည်(အရက်အိုးသူကြီးအနက်ရသည်၊ သို့သော်လက်တွေ့တွင်မူနိုင်ငံတော်အကြီးအမှူး)အာရှုရိဘုရင်သနာခရိပ်က ဟိဇကိမင်းထံသံတမန်တော်အဖြစ်စေလွှတ်ခြင်းခံရသည်။ ခဝါသည်၏လယ်နား လမ်းမကြီးရှိအထက်ကကန်ပြွန်ဝရပ်၌ဟိဇကိမင်း၏ကိုယ်စလှယ်တော်များ နှင့်တွေ့ဆုံသည်။ ဤနေရာသည်အာဟပ်မင်းကအာရှုရိများထက်ယေဟောဝါ ဘုရားကိုယုံကြည်၍ကွယ်ကာစောင်မဖို့ရန်အလိုငှာရှုရိ-ဧဖရိမ်မဟာမိတ်ပြုကြ သည့်နေရာဖြစ်သည်(၇:၃)။

၃၆:၄-၁၀ ရာဗရှာစက အဲဂုတ္တုတို့၏ကတိယုံကြည်ခြင်းသည်မိုက်မဲခြင်း ဖြစ်သည်ဟုသတိပေးလိုက်သည်။ အဘယ့်ကြောင့်ဆိုသော်ထိုပြည်သည်အား ကိုးယုံကြည်ရလောက်သည်မဟုတ်။ ထို့ထက်စာ လျှင်ယေဟောဝါဘုရားကို ကိုးစားသင့်သည်။ ဟေဇကိမင်းကမြင့်သောအရပ်မှယေဟောဝါဘုရား၏ပလ္လင် တော်များကိုရွေ့ယူလိုက်ပြီဟုဆိုသည်။ အမှန်စင်စစ်ထိုစကားသည်မသိနားမ လည်ခြင်းလို့မဟုတ်မှားယွင်းပြောဆိုခြင်းဖြစ်နိုင်သည်။ ဟိဇကိသည်မြင့်သောကုန်းပေါ်မှာရုပ်တုဆင်းတုများကိုဖယ်ရှား၍ဗိမာန်တော်၌ယေဟောဝါဘုရား အားကိုးကွယ်ခြင်းဖြစ်သည်။ အကယ်၍သနာခရိပ်ကမြင်းနှစ်ရာလှူငှာန်းစစ် ကူလျှင်ယုဒဘုရင်တွင်အန်တုနိုင်သောမြင်းစီးသူရဲကောင်းမရှိဟုထပ်ဆိုသည်။ အဲဂုတ္တုများကကူညီသည့်တိုင်အောင်ယုဒများသည်အာရှုရိများကိုတိုက်နိုင် အောင်မြင်မည်ဟုမျှော်လင့်ချက်ထားနိုင်မည်လား။ နောက်ဆုံးတွင်ဘုရားသခင် ကအာရှုရိများအားယုဒပြည်တိုက်ခိုက်ဖျက်ဆီးခိုင်းသည်ဟုမှားယွင်းစွာအနက် ကောက်ကြသည်။

၃၆:၁၁-၂၀ ဟိဇကိမင်း၏လူများသည်သနာခရိပ်၏ကြွားလုံးလေသံ များကိုကောင်းကောင်းနားမလည်ကြ။ ထို့ကြောင့်အာရမိဘာသာစကားဖြင့် ရှင်းပြရန်တောင်းဆိုကြသည်။ သနာခရိပ်ကလည်းမငြင်းပယ်။ လိုက်လျော သည်။ သို့သော်လည်းဟိဇကိမင်းသည်ပြည်သူများလိမ်ညာကြောင်း၊ဘဝလုံခြုံ ရေးအာမခံချက်အပြည့်အဝမပေးနိုင်ကြောင်းအသံကျယ်ကျယ်ဖြင့်အပုပ်ချ သည်။ အကယ်၍ယုဒလူများအနေနှင့်အညံ့ခံပန်းပေးကြလျှင်အစာရေစာလုံ လောက်စွာစားသောက်အသက်ရှင်ခွင့်ရကြမည်။ ထို့အပြင်မိမိအရပ်ဒေသတွင် အေးချမ်းစွာနေခွင့်ရကြမည်ဟုဆိုသည်။ သူတို့အောင်မြင်သိမ်းပိုက်ခဲ့သောတိုင်း နိုင်ငံများ၏အမည်စာရင်းကိုလည်းရေတွက်၍ကြွားလုံးထုတ်သည်။ (ထိုအထဲ တွင်ရှမာရိပြည်လည်းပါသည်)မည်သည့်ဘုရားများကအာရှုရိတို့ကိုမတွန်းလှန် အံ့မတုနိုင်ဟုဆိုသည်။ ထို့ကြောင့်ယေရုရှလင်အားနောက်ဆုံးအခွင့်အရေးပေး ခြင်းဖြစ်သည်။ ရာဗရှခသည်ရှည်ရှည်ဝေးဝေးမစဉ်းစား၊ကျယ်ပြန့်ပြန့်တွေးဆ ခြင်းမရှိဘဲဘုရားသခင်၏လူများကအညံ့ခံရန်ဆုံးဖြတ်လိုက်သည်။

၃၆:၂၁-၂၂ ဟိဇကိမင်း၏အခြွေအရံတော်များသည်ရာဗရှာခ၏စကားကို ခွန်းတုံ့ပြန်ဖို့မစဉ်းစား။ ဘုရင်မကြီးကိုသာသံတော်ဦးတင်ကြသည်။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။