ဆာ ၄၆ ငါတို့နှင့် အတူရှိတော်မူသောဘုရား

          ပထမကမ္ဘာစစ်အတွင်းတွင် စကော့တလန်ပြည်တွင် လူငယ်လူရွယ်များအားလုံး စစ်တပ်ထဲသို့ ဝင်ရောက်ဖို့ စစ်မှုထမ်းဆင့်ခေါ်ရာ ကျွန်းတကျွန်းမှ လူငယ်အသိုက်သည်လည်း ပင်မကျွန်းသို့ ရွက်လွှင့်၍ စစ်မှုထမ်းစာရင်းလာသွင်းကြသည်။ စစ်မှုထမ်းဖို့ လူစုဝေးနေကြစဉ် မိဘဆွေမျိုးများနှင့် မိတ်ဆွေအပေါင်း အသင်းများက အောက်ပါသီချင်းကို သီဆိုပေးကြသည်။

ဘုရားရှင်သည် ငါတို့ကွယ်ကာရာ ခိုလှုံရာ

စဉ်သဖြင့် ကူညီစောင့်ရှောက်လျက်ရှိ။

ကမ္ဘာမြေမတည်ရွှေ့လျားသွားလည်း

စိုးရိမ်သောကမရှိ။

တောင်ကြီးတောင်ငယ်တွေ ပင်လယ်ထဲကျ၍

လှိုင်းလုံးကြီးတွေ ခက်ထန်လေလည်း

တုန်လှုပ်ကြောက်လန့်ခြင်းမရှိ။

ဘုရားရှင်တော်ထံမှ ဝမ်းမြောက်ခြင်းမြစ်

တသွင်သွင်စီးဆင်းလို့နေ။

ကိုယ်တော်ထံမှ မြင့်မြတ်သော တောင်ကုန်း

ဆင်းရဲဒုက္ခအလယ်မှ ဘုရားရှင်ပေါ်ထွန်း၍

ကူညီမစကြောင်း အစဉ်ခံယူထား။

ဘုရားရှင်ကို သိကျွမ်းကိုးစားသူတိုင်း

ရန်သူလူမျိုးလက်ထဲမှ ချီးမြှင့်ခြင်းခံရ

ဘုရားရှင်သည် ငါတို့ခိုလှုံကိုးကွယ်ရာအရှင်

ယာကုပ်ခိုလှုံရာ အရှင်သခင်။

Scottish Psalter

ဤမြင်ကွင်းသည် ဘုရားသခင်၏ သန့်ရှင်းသူလူတသိန်းထဲမှ တပွဲ၏ဆာလံသီချင်းဖြင့် ခွန်အားယူကြ ပုံဖြစ်သည်။ သေလုဆဲဖျားနာဆောင်မှ လူနာဆောင်မှ လူနာ၏ခံစားချက်အိမ် လွမ်းနာ၊ ညှဉ်းပန်းနှိပ်စက်ခြင်း နောက်ချေပုံဆင်းရဲဒုက္ခကြပ်တည်းစွာ ခံနေရသူများ၏ စိတ်နှလုံးနာကျင်မှုကို မည်သူမှ မျှဝေမခံစားပေးနိုင်ကြပါ။ ဤဆာလံသီချင်းကို မှီး၍ သြဂုတ်စတင်းဘုန်းတော်ကြီး မာတင်လုသာက “တန်ခိုးကြီးသောခံတပ် ငါတို့ဘုရား ကမ္ဘာကျော်သီချင်းရေးစပ်လာခဲ့သည်။ ထိုသီချင်းသည် ခေတ်အဆက်ဆက်တွင် ခွန်အားယူကြသော ဓမ္မသီချင်း ဖြစ်လာသည်။

ဤဆာလံသီချင်းကို G. Campbell Morgan က အောက်ပါအတိုင်း (၃)ပိုင်းခွဲပြထားသည်။

၁-၃      ဘုရားသခင်သည် ငါတို့ခိုလှုံရာဖြစ်၏ ယုံကြည်မှုကို စိန်ခေါ်ခြင်း

၄-၇      ယေရုရှလင်တွင် သရဖူဆောင်းသည် ယုံကြည်မှု၏ဌပနာ

၈-၁၁    ကမ္ဘာအဝန်း၌ ငြိမ်သက်ချမ်းမြေ့ခြင်း ယုံကြည်သူကို ကောင်းချီးမင်္ဂလာပေးခြင်း

ဤဆာလံကျမ်း၏ နောက်ခံသမိုင်းကြောင်းကို ပြန်ကြည့်လျှင် အာရှုရိဝံပုလွေသနာခရိပ်က ဝိုင်းရံစဉ် (၂ရာ ၁၈:၁၃-၁၉:၃၅၊ ဟေရှာ ၃၆:၁-၃၇:၁၆) ဘုရားသခင်က အံ့သြဘွယ်ရာ ယေရုရှလင်မြို့ကို ကယ်တင်ခြင်း အကြောင်း ဖြစ်သည်။ ထိုစဉ်ကာလတွင် ယုဒလူများသည် ဘုရားသခင်နှင့်အတူရှိနေကြကြောင်း တမူထူးခြားစွာ ခံစားကြသည်။ သို့ဖြင့် ဆာလံဆရာက ငါတို့နှင့်အတူရှိတော်မူသော ဧမာနွေလဘုရားအကြောင်းကို စပ်ဆိုထားသည်။

၄၆:၁–၃ ဘုရားသခင်သည် ငါတို့ခိုလှုံရာဖြစ်၍ ခွန်အားကိုပေးတော်မူ၏။ ဘေးရောက်သည့်ကာလ၌ အထူးသဖြင့် ကူမတော်မူသည်။ လိုလေသေးမရှိအောင် ကူညီဖြည့်ဆည်းပေးသည် (NASB ကျမ်းမူ)။ ဘဝအိုးအိမ် လုံခြုံရာသည် ဥစ္စာဓနကြွယ်ဝခြင်း၌ မတည်သကဲ့သို့ စစ်တပ်အင်အားကြီးမားခြင်း၌လည်း မတည်ပါ။ ယေဟောဝါဘုရားသခင်၌သာ တည်ပါသည်။ ထိုအသိတရားရှိသူများသည် မင်္ဂလာရှိကြသည်။

အဆိုးဝါးဆုံးအခြေအနေကို မှန်းဆကြည့်ပါ။ ကမ္ဘာမြေကြီးသည် မီးတောင်ချော်ရည်အဖြစ်သို့ အရည် ပျော်ဝင်သွားနိုင်သည်။ မြေငလျင်ကြီးများ လှုပ်၍ ပင်လယ်ယံထဲသို့ တောင်ကုန်းတောင်တန်းကြီးများ ဟုန်းဟုန်း ထ၍ တောင်တန်းကြီးများ တုန်ရီနိုင်ကြသည်။

ဤနေရာတွင် တောင်ကုန်းများသည် မြို့ပြကြီးများကို ရည်ညွှန်း၍ ပင်လယ်လှိုင်းလုံးကြီးများသည် တိုင်းနိုင်ငံများကို ဖော်ဆောင်သည်။ လူတို့အဖွဲ့အစည်းကြီးပြိုလဲ၍ တိုင်းနိုင်ငံများ ဖရိုဖရဲကွဲပြားနိုင်ကြသည်။ ကမ္ဘာ့တိုင်းပြည်များ၊ နိုင်ငံရေး၊ စီးပွားရေး၊ လူမှုရေးပြဿနာပေါင်းစုံဖြင့် တခုပြီးတခု ရင်ပူနေရသည်။

သို့သော်လည်း ငါတို့နှင့်အတူ ဘုရားသခင်ရှိကြောင်း သိရှိလျှင် ပူပန်သောကရောက်စရာမရှိ။ စိုးရိမ်စရာ မရှိ။ မည်သည့်အဆိုးဝါးဆုံးအခြေအနေတွင်မဆို ငြိမ်သက်ချမ်းမြေ့မှုရရှိသည်။

၄၆:၄ ဘုရားရှင်ကိုယ်တော်တိုင်သည် ဝမ်းမြောက်ခြင်းမြစ်ရေသဖွယ် စီးဝင်၍ မှီဝဲသူတိုင်း ဝမ်းမြောက် ရွှင်လန်းကြသည်။ စင်စစ်တွင် ယေရုရှလင်မြို့၌ မြစ်မရှိပါ။ သို့သော်လည်း ဘုရားသခင်ကိုယ်တိုင် မြစ်ရေပမာ ဘုရားသခင်၏မြို့တော်မှ စီးဆင်းသည်။ ထိုမြစ်ရေသည် အသက်မြစ်ရေ၊ ဘဝသစ်လောင်းခြင်းမြစ်ရေ၊ ကရုဏာ တော်နှင့် ကောင်းမြတ်ကြောင်းမြစ်ရေဖြစ်သည်။

ထိုမြို့တွင် ဘုန်းကြီးသော ထာဝရဘုရားသည် ငါတို့၌ ကျယ်သောမြစ်များဆုံရာအရပ်ဖြစ်တော်မူ လိမ့်မည်။ ထိုအရပ်၌ တက်သောရဲလှေ၊ အားကြီးသော သင်္ဘောတစင်းမှ မရှောက်မသွားရ။ (ဟေရှာ ၃၃:၂၁)။

            ၄၆:၅ ဘုရားသခင်ကိုယ်တိုင် ယေရုရှလင်မြို့၌ နန်းစံသောကြောင့် ယေရုရှလင်မြို့သည် ပျက်ဘုန်းတော့ မည်မဟုတ်။ နံနက်မိုးလင်းချိန်မှစ၍ ဘုရားသခင်က ကွယ်ကာစောင်မမည်။ ဘုရားသခင်၏လူများအတွက် ညဉ့်တာရှည်လွန်းခဲ့ပြီ။ ခရစ်တော်ဘုရား နန်းတည်သည့်အချိန်မှစ၍ မိုးသောက်ယံရောက်လေပြီ သူ့လူများ ကိုယ်စား အစွမ်းသတ္တိရှိကြောင်း ပြတော်မူမည်။

၄၆:၆ ကမ္ဘာအရပ်ရပ်ရှိ တိုင်းနိုင်ငံများ တဏှာမငြိမ်ပြေးလွှားကြမည်။ နိုင်ငံများပြိုကွဲကြမည်။ ဘုရားသခင်က အမိန့်တော်ရှိလိုက်သည်နှင့်တပြိုင်နက် ကမ္ဘာမြေကြီးသည် အရည်ပျော်ဝင်သွားမည်။

၄၆:၇ ဤကျမ်းပိုဒ်သည် ဘေးဒဏ်ကြီးကာလကို ရည်ဆောင်သည်။ နိုင်ငံရေးအယူဝါဒ၊ စစ်မက်ရေးရာ၊ အနာရောဂါနှင့် စိတ်ဓါတ်ပျက်ပြားမှုကြောင့် လူ့ဘုံလောကအဖွဲ့အစည်း ရုန်းရင်းဆန်ခတ် ပြိုကွဲပျက်စီးလာမည်။ ထိုသို့ ဖြောင့်မတ်သူများ ငြိမ်သက်ချမ်းမြေ့စွာ နေထိုင်နိုင်ဖို့ရန် ကောင်းကင်ဘုံမှ ဘုရားရှင်တော်ပေါ်လာမည်။ ပုန်ကန်သောင်းကျန်သူများ၊ လူဆိုးလူသွမ်းများကို ပဲ့ပြင်ဆုံးမမည်။ ယုံကြည်သူလူနည်းစု ဣသရေလများက “ထာဝရဘုရားသည် ငါတို့နှင့်အတူရှိတော်မူ၏။ ယာကုပ်အမျိုး၏ဘုရားသည် ငါကိုခိုလှုံရာဖြစ်တော်မူ၏“ ဟုဆိုကြသည်။

ဤကျမ်းစကား၏ အာမခံချက်သည် နှလုံးစိတ်ဝမ်း ချမ်းမြေ့ပါပေသည်။ ထာဝရဘုရားသည် ငါတို့နှင့် အတူရှိတော်မူသည်။ ထိုဘုရားရှင်သည် ကောင်းကင်တပ်မတော်ကို ပိုင်ဆိုင်ထားသည်။ သို့သော်လည်း ယာကုပ်အမျိုးတည်းဟူသော လူဆိုးလူသွမ်း ဣသရေလအမျိုး၏ ဘုရားဖြစ်တော်မူသည့်အတိုင်း ထိုလူဆိုး သူယုတ်များကို စွန့်ပစ်မသွား။ ဘုရားသခင်သည် စင်ကြယ်သောကောင်းကင်တမန်များ၏ ဘုရားသခင် ဖြစ်သကဲ့သို့ အပြစ်သားအမျိုး ယာကုပ်လည်းဖြစ်သည်ကို သတိပြုပါ။ ထိုဘုရားရှင်က သူ့ကိုယုံကြည်ကိုးစား သူများ၏ ခြေလှမ်းတိုင်းကို ဂရုစိုက်စောင့်ထိန်းပေးသည်။

၄၆:၈ အပိုဒ်ငယ် ၈တွင် ဘေးဒုက္ခပြဿနာများ ချုပ်ငြိမ်းသွားပြီ။ နေ့ရက်များ လွန်မြောက်သွားပြီ။ ရှင်ဘုရင်ကြီးသည် ယေရုရှလင်နန်းတော်တွင် စိုးစံနေပြီ။ တိုင်းခန်းလှည့်လည်ဖို့ပင် ဖိတ်ကြပြီ။ နေရာတိုင်းမှာ အတုံးအရုံးကျဆုံးသော ရန်သူ့အပျက်အစီးများတွေ့မြင်နိုင်သည်။ ဘေးဒဏ်ကြီးကာလတွင် အဖြစ်ဆိုးကြုံရသူများ၊ တရားစီရင်ပြီး ရင်ဆိုင်ရသူများ ဒုနှင့်ဒေးဖြစ်ရသည်။ ထိုမြင်ကွင်းနှင့်တပြိုင်နက် ဘုရားသခင်၏ ဘုန်းတန်ခိုး ဖူးမြင်ကြရပြီ။

၄၆:၉ ငြိမ်းချမ်းရေးမင်းသားကြီး သရဖူဆောင်နေပြီ။ ကမ္ဘာမြေပေါ်တွင် စစ်ခိုးစေစ်ငွေ့ ကင်းစင်ပြီ။ အဖွဲ့အစည်းများသမဂ္ဂများ ပပျောက်ကုန်ပြီ။ သံလှံတံတော်စွဲကိုင်သော ယေရှုကိုသာ မော်ကြည့်နေရပြီ။ စစ်လက်နက်ပစ္စည်းများ မလိုတော့ပါ။ စစ်မက်ရေးရာ နိုင်ငံရေးရာ အသုံးစရိတ် သက်သက် မလိုတော့ပါ။ ထိုငွေကြေးများ လယ်ယာသီးနှံဖြစ်ထွန်းဖို့ စည်ပင်သာယာ ဝပြောဖို့ သုံးစွဲနေကြပြီ။

၄၆:၁၀ ဘုရားသခင်၏ အသံတော်ကို လောက ကြီးတစ်ခုလုံးက ဖိတ်ဖိတ်တုန်ကြားသိကြရပြီ။ ငြိမ်သက်လျက်နေကြလော့။ ငါကား ဘုရားသခင်ဖြစ်သည်ဟု သိမှတ်ကြလော့။ လူမျိုးတို့တွင် ငါသည်ဘုန်းပွင့်မည်။ မြေကြီးပေါ်မှာ ဘုန်းပွင့်မည်။ ထိုအခါစိုးရိမ်ကြောက်လန့်စိတ်များ ငြိမ်သက်ချမ်းသာရကြမည်။ ဘုရားသခင်၏ လူများ ချမ်းမြေ့ကြမည်။ ထိုအသံရှင်သည် ဘုရားသခင်ဖြစ်သည်။ အရာခပ်သိမ်းကို အောင်မြင်သော အရှင်တိုင်းနိုင်ငံများ၏ အကြီးအကဲ၊ ကမ္ဘာလောကကြီးကို အုပ်စိုးသူ အရှင်သခင်ဖြစ်သည်။

ဤအပိုဒ်ငယ် ၁၀ကို Katherina Von Schlegel က “Be Still, My Soul” တေးသီချင်းသည် ဤသို့စပ်စပ်ဆိုထားသည်။

အို၊ ငါ့ဝိညာဉ်ငြိမ်သက်ချမ်းမြေ့စေ

ကိုယ်တော်ဖေးမနေ၊

အတိတ်သို့နှယ် အနာဂတ်မှာလမ်းပြစေ

ကိုယ်တော်ကို မျှော်လင့်လို့ မတုန်လှုပ်ပေ

ဇဝေဇဝါမသေချာမှုများ အလင်းမှာ တည်တံ့ပြီ

အိုငါ့ဝိညာဉ် ငြိမ်သက်ချမ်းမြေ့စေ

လေပြင်းတိုက်၍ မုန်တိုင်းထန်ပါစေ

အသံတော်ကြားနေသမျှ ချမ်းမြေ့ပါပေသည်။

၄၆:၁၁ အမှောင်ထုမှောင်မိုက်၍ ပတ်ဝန်ကျင် တစ်ခုလုံးတုန်လှုပ်နေသည်။ ကိုယ်တော်ကို ယုံကြည်ကိုးစားသောသူသည် စိုးရိမ်သောကအလျဉ်းမရှိ။ အဘယ်သို့ဆိုသော် ထာဝရဘုရားသည် ငါတို့နှင့် အတူရှိသည်။ ယာကုပ်၏ ဘုရားသခင်သည် ငါတို့ခိုလှုံရာ ဖြစ်တော်မူပြီ။ ကောင်းကင်တပ်မတော်ကြီးက ငါတို့ဘက်မှ ရှိတော်မူလျှင် မည်သည့်ရန်သူတို့ကို ကြောက်ရတော့မည်နည်း။ လူလိမ်လူဆိုးယာကုပ်၏ ဘုရားဖြစ်တော်မူသည့်အတိုင်း အပြစ်သားများကို ချစ်ခင်မြတ်နိုးသော ဘုရားဖြစ်သည်။ သူ့ကို ခိုလှုံသူတိုင်း ဘဝမုန်တိုင်းဒဏ်မှ ကင်းလွတ်ကြသည်။

ငြမ်ဝပ်လော့၊ ညတာလွန်မြောက်

နံနက်မိုးသောက်တော့မည်

ခရစ်တော်အလင်းပေါ်ထွန်းလာမည်။

မိတ်ဆွေယုံကြည်လိုက်စမ်းပါ။

ကိုယ်တော်သည် ဘုရားရှင်တော်

ချစ်သက်သေညွှန်းလိုက်ချင်

ပြုတော်မူသမျှ ကောင်းမွန်ပြည့်စုံသည်

စောင့်မျှော်ကြည့်ပါလေ။

Florence Wills