ဆာ ၂၁၊ အောင်စည်အောင်မောင်းဖြင့်

ကျေးဇူးတော် ချီးမွမ်းခြင်းပြီးခဲ့သော ဆာလံကျမ်းနှင့် လာမည့်ကျမ်းနှစ်ခုအကြားချိတ်ဆက်ဖြစ်သည်။ ရှင်ဘုရင်ကြီး တိုက်ပွဲဝင်ခါနီးတွင် ပြည်သူများက အောင်စေရတုဆုတောင်းမေတ္တာပို့ကြသည်။ ထိုဆုတောင်းသံများကို ဘုရားရှင်က အဖြေပေးကြောင်း ပြန်လည်ကြားသိကြသည်။ဘုရားသခင်ပေးသော အောင်နိုင်ခြင်းအတွက် ဝမ်းသာရွှင်မြူးကြသည် (ငယ် ၁-၇)။ ရန်သူများအား အပြီးအပိုင်ချေမုန်းကြပုံကို (ငယ် ၈း၁၂)တွင် တွေ့ရသည်။နောက်ဆုံးတွင် ယေဟောဝါဘုရား၏ ဘုန်းတန်ခိုးနှင့်ခွန်အားကို ချီးမွမ်းကြသည် (ငယ် ၁၃)။

အောင်နိုင်ခြင်း အရသာမြည်းစမ်းခြင်း(၂၁း၁-၇)၂၁း၁-၄ တိုက်ပွဲကာလတွင် ဘုရားသခင်ကတိုက်စွမ်းအားပြသတော်မူသောကြောင့် ရှင်ဘုရင်ကြီးသည် ဝမ်းမြောက်ဝမ်းသာရှိသည်။ အချိန်နှင့်တပြေးညီဘုရားရှင် စစ်ကူပေးသောကြောင့် ဝမ်းသာပီတိမဆုံးနိုင်။ ယေဟောဝါဘုရားထံ စစ်အောင်နိုင်အောင်ဆုတောင်းခဲ့ချက်များပြီးပြည့်စုံလာသည်။ ယခုယေဟောဝါဘုရားက အောင်နိုင်ခြင်းစည်းစိမ် ချီမြင့်ဖို့ ကြွချီတော်မူပြီ။ ရွှေစင်သရဖူကို ခေါင်းပေါ်မှာတင် တော်မူပြီ။ ရှင်ဘုရင်၏ ဆုတောင်းချက်ကိုဘုရားသခင်က အဖြေပေးတော်မူ၍ အသက်ချမ်းသာရာရစေပြီ။ အသက်ပါမက ထာဝရအသက်လည်းပေးတော်မူပြီ။ ထိုကျမ်းစကားဖြင့် ဒါဝိဒ်သည် ဖိုးသက်ရှည်ဖြစ်ခဲ့သည်။ စာပေကျမ်းဂန်အရမူ မေရှိယသခင်၏ ပြန်လည်ထမြောက်ခြင်းဖြင့် အတောမသတ်နိုင်အောင်အသက်ရှည်သည်။

၂၁း၅-၇ ဤကျမ်းချက်ကို ခရစ်တော်၏ သက်တော်စဉ်၌ ပိုမိုပီပြင်သည်။ ဘုရားရှင်က ကယ်မလျှက်ကြီးမြတ်သောဂုဏ်ပြုသည်။ မရဏနိုင်ငံမှ ပြန်လည်ထမြောက်စေပြီး ကောင်းကင်ဘုံလက်ယာတော်၌စိုးစံစေတော်မူသည်။ ဘုရားသခင်က ဘုန်းအသရေတော် ပတ်ရစ်၏ (ဟေဗြဲ ၂း၉)။ ဟုတ်ပါပြီ။ ဘုရားရှင်အမြင့်ဆုံးသော ကောင်းချီးမင်္ဂလာပေးထားပါသည်။ ထိုမှတဆင့် ကမ္ဘာအစွန်းသို့ ကောင်းချီးမင်္ဂလာစီးဆင်းစေတော်မူပြီ။ ထိုကျမ်းစကားအတိုင်းပင်ခရစ်တော်သည် အမြင့်ဆုံးဌာနတော်၌တည်၍ခမည်းတော်ဘုရားကို ပျော်ရွှင်ချမ်းမြေ့စေပြီ။ ဘုရားသခင်ကို ယုံကြည်ကိုးစားသည့်အလျောက် ချီးမြင့်ခြင်းခံရပြီ။ မင်းကြီးသည် ထာဝရဘုရားကို ကိုးစားသောကြောင့် အမြင့်ဆုံးသော ဘုရားသခင်၏ ကရုဏာတော်ခံစားရပါသည်။

ရန်သူများ၏ ဘေးကံကြမ္မာ (၂၁း၈-၁၂)

၂၁း၈-၁၀ ယခင်ကျမ်းပိုဒ်များတွင် ပြည်သူကသခင်ဘုရားကို တိုင်တည်ကြ၍ ဤကျမ်းချက်မှာမူရှင်ဘုရင်ထံသို့ တိုက်ရိုက်လိပ်မူတိုင်တည်ကြသည်။ထို ရှင် ဘုရင်ကို မေရှိယသခင်ဟု ကောက်ယူလျှင်ကျမ်းစာသားသည် ခရစ်တော်ဘုရား ဒုတိယအကြိမ်ပြန်လည်ကြွလာချိန် ၌ ခရစ်တော် ၏ ရန် သူ များဘေးကံကြမ္မာအကြောင်းဖြစ်ပေမည်။လက်ယာလက်ဖြင့် ဝှေ့ရမ်းသောအခါ ရန်သူများသည် တယောက်မှမကျန်၊ ကိုယ်တော် အားမုန်းတီးသူများတယောက်မှ မလွတ်၊ ပြိုလဲပျက်စီးကြမည်။ မီးလောင်ပြာကျကုန်မည်။ “တန်ဖိုးရှိသောကောင်းကင်တမန်များနှင့် အတူ ကြွလာသောအခါဘုရားသခင်မသိသောသူ၊ ယေရှုခရစ်၏ ဧဝံဂေလိတရားကို နားမထောင်သောသူရှိသမျှကို မီးလျှံဖြင့်ဒဏ်ပေးတော်မူမည်” (၂သက် ၁း၇-၈)၊ မြေကြီးပေါ်မှာ မျိုးနွယ်ဆက်မကုန်ရှိရလေအောင် အကုန်အစင်ရှင်းထုတ်ပစ်မည်။

၂၁း၁၁-၁၂ ကမ္ဘာမြေလောကတပြင်လုံးခရစ်တော်၏ အုပ်စိုးမှုကို ဖီဆန်ခြင်းဟူသမျှ (ဆာ ၂း၂-၃ကိုလည်းကြည့်) ပျက်စီးပပျောက်ကုန်မည်။ ဘုရားသခင်၏အမျက်ဒေါသသင့်ကြသောအခါ ထိုသူပုန်သူကန် များသည် ကြောက်လန့်တုန်လှုပ်ကြမည်။

ဘုရားရှင်အား ချီးမွမ်းခြင်း (၂၁း၁၃)

နိဂုံးချုပ်အပိုဒ်တွင် ဘုရားသခင်အား ချီးမွမ်းထောမနာပြုသည်။ အဘယ်သို့ဆိုသော် ဘဝလမ်းခရီးတလျှောက်တွင် ဘုရားရှင်၏ဘုန်းတန်ခိုး ထင်ရှားတော်မူသည်။ ရန်သူများကို အစအနမကျန်အောင်ချေမုန်းသုတ်သင်ပေးသောကြောင့် ဘုရားရှင်၏ဘုန်းတန်ခိုးကြီးမားပုံ တေးဖွဲ့သီဆိုကြပြီ။ ဣသရေလလူတို့အား ရွေးနှုတ်ခြင်း၊ မေရှိယသခင်အား ချီးမြောက်ခြင်း၊ ကိုယ်တော်အား ဘုရားရှင်မှန်ကန်ကြောင်း ဝန်ခံကြလေပြီ။