Isaiah -50 -

ဟေရှာယအနာဂတ္တိကျမ်း - ၅၀

1ထာဝရဘုရား မိန့်တော်မူသည်ကား၊ ငါလွှတ်လိုက်သော သင်တို့အမိ၏ ဖြတ်စာသည် အဘယ်မှာရှိသနည်း။ ငါ၌ကြွေးရှိ၍ အဘယ်မည်သော ကြွေးရှင်ထံ၌ သင်တို့ကို ငါရောင်းသနည်း။ သင်တို့သည် ကိုယ်ပြုသော ဒုစရိုက်အတွက် ကျွန်ခံရကြ၏။ သင်တို့အပြစ်ကြောင့်၊ သင်တို့အမိကို ငါလွှတ်လိုက်၏။ 2ငါလာသောအခါ အဘယ်ကြောင့် လူမရှိသနည်း။ ငါခေါ်သောအခါ အဘယ်ကြောင့် မထူးသနည်း။ ငါသည် မရွေးမနုတ်နိုင်အောင် လက်တိုသလော။ ကယ်ချွတ်နိုင်သော တန်ခိုးမရှိသလော။ ကြည့်ရှုလော့။ ငါဆုံးမသဖြင့် ပင်လယ်ရေသည် ခန်းခြောက်၏။ မြစ်တို့ကို လွင်ပြင်ဖြစ်စေ၏။ ရေမရှိသောကြောင့် ငါးတို့သည်နံကြ၏။ ရေငတ်၍ သေကြ၏။ 3ငါသည် မိုးကောင်းကင်ကို နက်သောအဝတ်ဝတ်စေ၍၊ လျှော်တေအဝတ်နှင့် ခြုံ၏။

အစေခံ၏နှိမ့်ချခြင်း

4ငါသည် ပင်ပန်းသောသူအား မစခြင်းငှာ စကားပြောတတ်မည်အကြောင်း၊ အရှင်ထာဝရဘုရားသည် လူတတ်၏နှုတ်သတ္တိကို ငါ့အားပေးတော်မူပြီ။ နံနက်အစဉ်အတိုင်း ငါ့ကိုနှိုးတော်မူ၏။ စာသင်သောသူကဲ့သို့ နားထောင်စေမည်အကြောင်း ငါ့နားကို နှိုးဆော်တော်မူ၏။ 5အရှင်ထာဝရဘုရားသည် ငါ့နားကိုဖွင့်တော်မူ၍၊ ငါလည်း မငြင်းမဆန်၊ နောက်သို့မဆုတ်၊ 6ရိုက်သောသူတို့အား ငါ့ကျောကိုလည်းကောင်း၊ နားပန်းဆံကို နုတ်သောသူတို့အား၊ ငါ့ပါးကိုလည်းကောင်း ငါအပ်၏။ အရှက်ခွဲခြင်းနှင့် တံတွေးထွေးခြင်းမှ ငါသည် ကိုယ်မျက်နှာကိုမလွှဲ။ 7အရှင်ထာဝရဘုရားသည် ငါ့ကို စောင့်မတော်မူလိမ့်မည်။ ထိုကြောင့်၊ ငါမရှုံးရသည်ဖြစ်၍၊ ကိုယ်မျက်နှာကို မီးကျောက်ကဲ့သို့ထားလျက်၊ ရှက်ကြောက်ခြင်းသို့ မရောက်ရဟု ငါသိ၏။ 8ငါ့ကို အပြစ်လွှတ်သောသူသည် အနီးမှာရှိ၏။ အဘယ်သူသည် ငါနှင့် တရားတွေ့မည်နည်း။ ပြိုင်၍ နေကြကုန်အံ့။ အဘယ်သူသည် ငါနှင့် ရန်ဘက်ပြုမည်နည်း။ ထိုသူသည် ချဉ်းကပ်စေ။ 9ကြည့်ရှုလော့။ အရှင်ထာဝရဘုရားသည် ငါ့ကို စောင့်မတော်မူမည်။ အဘယ်သူသည် ငါ့ကို တရားရှုံးစေမည်နည်း။ ထိုသို့သော သူအပေါင်းတို့သည် အဝတ်ကဲ့သို့ ဟောင်းနွမ်းခြင်းသို့ ရောက်ကြလိမ့်မည်။ ပိုးကိုက်စားခြင်းကိုလည်း ခံရကြလိမ့်မည်။

10သင်တို့တွင် အဘယ်သူသည် ထာဝရဘုရားကို ကြောက်ရွံ့သနည်း။ ထိုသူသည် ကိုယ်တော်ကျွန်၏စကားသံကို နားထောင်ပါစေ။ အဘယ်သူသည် အလင်းမရှိဘဲ မှောင်မိုက်၌ သွားလာသနည်း။ ထိုသူသည် ထာဝရဘုရား၏နာမတော်ကို ခိုလှုံ၍၊ မိမိဘုရားသခင်ကို အမှီပြုပါစေ။ 11မီးကိုညှိ၍ မိမိတို့ကို မီးပွားတို့နှင့် ဝန်းရံစေသော သူအပေါင်းတို့၊ သင်တို့မီး၏အလင်း၌လည်းကောင်း၊ သင်တို့ပြုစုသော မီးစများ၌လည်းကောင်း သွားလာကြလော့။ ငါ့လက်၌ခံရသော အကျိုးဟူမူကား၊ သင်တို့သည် ဝမ်းနည်းလျက် အိပ်ရကြလိမ့်မည်။

ဟေရှာယအနာဂတ္တိကျမ်း - ၅၀ (အနက်ဖွင့်)

၂။ တပည့်တော်စင်စစ်မေရှိယ(အခန်း၅၀)

၅၀:၁-၃ ယေဟောဝါဘုရားကဣသရေလလူမျိုးတို့နှစ်ကိုယ်ကြားပြောစ ကားဖြစ်သည်။ ပြောစကားနားမထောင်လျှင် ကွာရှင်းပစ်မည်ဟုသတိပေး သည်။ (သို့သော်ကွာရှင်းခြင်းအလျဉ်းမပြုယေ၃:၈) နမူနာအဖြစ်ခါလဒဲတပါး အမျိုးသားများလက်ထဲသို့ထည့်ခဲ့သည်။ ထိုသို့ပြုခြင်းမှာခေါင်းမာ၍ဒုစရိုက်ပြု ကြသောကြောင့်ဖြစ်သည်။ မည်သည့်တိုင်းနိုင်ငံသားကမှကိုယ်တော်အားလက် ခံကြိုဆိုခြင်းမပြု၊ ခေါ်သံလည်းမထူးကြ။ အစွမ်းတန်ခိုးမရှိဟုထင်မှတ်ကြလေ ရော့သလား။ ပင်လယ်နီနှင့်ယော်ဒန်မြစ်ကိုခမ်းခြောက်စေနိုင်စွမ်းဟုထင်မှား ကြသလား။ ကောင်းကုန်တန်ဆာမထိုက်တန်ဟုထင်ယောင်မှားကြသလား။

၅၀:၄-၉ မေရှိယသခင်အကြောင်းနောက်တစ်ခုမှာဓမ္မဟောင်းကာလမှ ယေဟောဝါသည်ဓမ္မသစ်ကာလတွင်ယေရှုဖြစ်လာသည်ကို တိုင်းနိုင်ငံသားများသိ ကြားစေချင်သည်။ စစ်မှန်သောတပည့်တော်ဖြစ်သည်နှင့်အညီဘုရားသခင်၏ နှုတ်တော်ထွက်စကားများကိုသာပြန်လည်ဖောက်သည်ချသည်။ နှုတ်ကပတ် တော်အတိုင်းသွန်သင်သည်။ နံနက်မိုးလင်းတိုင်းတနေ့တာလုပ်ငန်းဆောင် တာကို ခမည်းတော်ဘုရားသခင်ထံမှနာခံသည်။ ညွှန်ကြားချက်ရယူသည်။ ဘု ရားသခင်၏အလိုတော်အတိုင်း ကျေနပ်စွာလိုက်လုပ်သည်။ အလိုတော်ရှိသည့် အတိုင်းလက်ဝါးကပ်တိုင်သို့သွားသည်။ အရှက်တကွဲအကျိုးနည်းခဲ့၍လက်ဝါး ကပ်တိုင်လမ်းမှနောက်ပြန်မလှည့်။ ဘုရားသခင်ကိုအပြည့်အဝယုံကြည်ကိုးစား သည်။ ယေရုရှလင်ဘက်သို့အစဉ်အမြဲမျက်နှာတော်ပြုသည်။ ရှင်ပြန်ထမြောက် ခြင်းဖြင့်သက်သေပြသည်။ ယခုရန်မူသူများကိုစိန်ခေါ်နေပြီ။ စာတန်ကကိုယ် တော့်ကို မလိုတမာပြစ်တင်ရှုတ်ချသည်(ယနေ့ခေတ်ကာလတွင်လည်းယုံ ကြည်သူများထိုကဲ့သို့ခံစားရသည် ရော ၈:၃၁-၃၉)။ ကိုယ်တော်၏ရန်သူများ သည်အချိန်ကြာလာသည်နှင့်အမျှသံချေးပိုးရွကိုက်စား၍ပျက်စီးကြပေမည်။

၅၀:၁၀ နောက်ဆုံးကျမ်းပိုဒ်နှစ်ခုတွင်လူတန်းစား(၂)ရပ်အကြောင်းရှင်း ပြသည်။ ပထမလူတန်းစားမှာဘုရားသခင်အပေါ်တွင်မှီကိုးအားထားသူများ ဖြစ်သည်။ ဘုရားသခင်၏လမ်းညွှန်မှုကိုအပြည့်အဝနာခံသည်။ ဘုရားသခင်၏ နာမတော်ကိုယုံကြည်သည်။ ဘုရားသခင်ကိုကိုးစားကြသည်။ ဘဝတစ်ခုလုံးဘုရားသခင်၌အပ်နှံထားကြသည်။

၅၀:၁၁ ဒုတိယလူတန်းစားမှာဘုရားသခင်ကိုယုံကြည်ကိုးစားခြင်းမရှိ။ မိမိအစွမ်းအစကိုယုံကြည်သူ၊မိမိသာလျှင်မိမိဘဝ၌အရှင်သခင်ဟုခံယူသူများ ဖြစ်သည်။ ဘုရားသခင်၏လမ်းပြစရာမလို။ မိမိတန်ခိုးအလင်းဖြင့်လမ်းမြင်သူ များဖြစ်သည်။ ထိုသူများသည်ခလုတ်ကန်သင်းအသေးအမွှားတိုက်မိသည်နှင့် ချော်လဲမည့်သူများဖြစ်သည် အားပြတ်လဲကျမည့်သူများဖြစ်သည်။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။