Isaiah -49 -

ဟေရှာယအနာဂတ္တိကျမ်း - ၄၉

ထာ၀ရဘုရား၏အစေခံ

1တစ်ကျွန်းတစ်နိုင်ငံအရပ်တို့၊ ငါ့စကားကိုကြားကြလော့။ ဝေးစွာသောလူမျိုးတို့၊ စေ့စေ့နားထောင်ကြလော့။ ငါဖွားစကပင် ထာဝရဘုရားသည် ငါ့ကိုခေါ်တော်မူ၏။ အမိဝမ်းထဲမှစ၍ ငါ၏နာမကို မှတ်တော်မူ၏။ 2ငါ့နှုတ်ကို ထက်သောဓားကဲ့သို့ ဖြစ်စေ၍၊ လက်တော်အရိပ်၌ ဖုံးထားတော်မူ၏။ ငါ့ကိုလည်း ဦးသစ်သော စည်းသွားဖြစ်စေ၍၊ မိမိမြားတောင့်ထဲမှာ ဝှက်ထားတော်မူ၏။ 3အို ဣသရေလ၊ သင်သည် ငါ၏ကျွန်ဖြစ်၏။ သင့်အားဖြင့် ငါ့ဘုန်းသည် ထင်ရှားလိမ့်မည်ဟု ငါ့အားမိန့်တော်မူပြီ။ 4ငါကလည်း၊ အကျိုးမရှိဘဲ ငါလုပ်ဆောင်ရပြီ။ အချည်းနှီးသက်သက် ငါ့ခွန်အားကုန်ရပြီ။ သို့သော်လည်း၊ ငါ့အမှုသည် ထာဝရဘုရားရှေ့တော်၌ရှိ၏။ ငါခံရသောအခလည်း ငါ၏ဘုရားသခင်လက်တော်၌ ရှိသည်ဟုဆို၏။ 5ငါသည် ထာဝရဘုရားရှေ့တော်၌ အသရေထင်ရှား၍၊ ငါ၏ဘုရားသခင်သည် ငါ့ကို ခိုင်ခံ့စေတော်မူသည်အကြောင်းနှင့်တကွ၊ ဣသရေလအမျိုးသည် အထံတော်၌ စုဝေးစေခြင်းကို မခံသော်လည်း၊ ငါသည် ယာကုပ်အမျိုးကို အထံတော်သို့ တစ်ဖန်ဆောင်ခဲ့ရသောကျွန် ဖြစ်စေမည်အကြောင်း၊ ငါ့ကိုအမိဝမ်းထဲမှစ၍ ဖန်ဆင်းတော်မူသော ထာဝရဘုရား မိန့်တော်မူသည်ကား၊ 6သင်သည် ယာကုပ်၏အမျိုးအနွယ်တို့ကို ချီးမြှောက်ခြင်း၊ ဘေးလွတ်သော ဣသရေလသားတို့ကို အရင်ကဲ့သို့ ဖြစ်စေခြင်းအလိုငှာသာ၊ ငါ့အမှုကိုဆောင်ရွက်သောအမှုသည် သာမညအမှု ဖြစ်၏။ ထိုအမှုမက၊ သင်သည် မြေကြီးစွန်းတိုင်အောင် ငါ၏ကယ်တင်ခြင်းကို ပြုစိမ့်သောငှာ၊ သင့်ကို တစ်ပါးအမျိုးသားတို့ လင်းစရာဖို့ ငါခန့်ထားသည်ဟု မိန့်တော်မူ၏။

ယေရုရှလင်မြို့ကိုပြန်လည်ထူထောင်ခြင်း

7ဣသရေလအမျိုးကို ရွေးနုတ်တော်မူ၍၊ ထိုအမျိုး၏ သန့်ရှင်းသော ထာဝရဘုရားသည်၊ အဘယ်သူမျှ မနှစ်သက်၊ တစ်ပြည်လုံး ရွံရှာဖွယ်ဖြစ်၍၊ မင်းထံ၌ ကျွန်ခံရသောသူအား မိန့်တော်မူသည်ကား၊ သစ္စာရှိတော်မူသော ထာဝရဘုရား၊ သင့်ကို ရွေးကောက်တော်မူသော ဣသရေလအမျိုး၏ သန့်ရှင်းသောဘုရား၏ ကျေးဇူးတော်ကြောင့်၊ ရှင်ဘုရင်တို့သည် မြင်၍ ထကြလိမ့်မည်။ မင်းသားတို့သည်လည်း ကိုးကွယ်ကြလိမ့်မည်။ 8ထာဝရဘုရားမိန့်တော်မူသည်ကား၊ နှစ်သက်ဖွယ်သောအချိန်၌ သင်၏စကားကို ငါနားထောင်ပြီ။ ကယ်တင်ရာကာလ၌ သင့်ကိုမစပြီ။ သင့်ကိုလည်း ငါစောင့်ရှောက်၍၊ သင်သည် ပြည်တော်ကို ပြုပြင်လျက်၊ ဆိတ်ညံသော အမွေခံရာအရပ်တို့ကို အမွေပေးစေမည်အကြောင်း၊ 9ထွက်ကြလော့ဟု ချုပ်ထားသောသူတို့အားလည်းကောင်း၊ ပေါ်လာကြလော့ဟု မှောင်မိုက်ထဲမှာနေသော သူတို့အားလည်းကောင်း ပြောစေမည်အကြောင်း၊ လူမျိုးအား ပဋိညာဉ်တရားကို ပြုစရာဖို့ သင့်ကိုခန့်ထားမည်။ သို့ဖြစ်၍၊ ထိုသူတို့သည် လမ်းခရီးတို့အနားမှာ စားရ၍၊ မြင့်သောအရပ်ရပ်တို့၌ ကျက်စားရာကို တွေ့ရကြလိမ့်မည်။ 10သူတို့သည် ရေစာကို မငတ်မမွတ်ရ။ အပူကိုလည်း မခံရကြ။ နေရောင်ခြည် မထိရ။ အကြောင်းမူကား၊ သူတို့ကို သနားသောသူသည် သူတို့ကို ပို့ဆောင်၍၊ စမ်းရေတွင်းအနားသို့လမ်းပြလိမ့်မည်။ 11ငါ၏တောင်ရှိသမျှတို့ကို သွားရာလမ်းဖြစ်စေမည်။ ငါ၏မြေတန်တားများကိုလည်း ငါဖို့မည်။ 12ကြည့်ရှုလော့။ ဤသူတို့သည် ဝေးသောအရပ်မှ လာကြလိမ့်မည်။ ကြည့်ရှုလော့။ ထိုသူတို့သည် မြောက်မျက်နှာနှင့် အနောက်မျက်နှာမှလည်းကောင်း၊ ထိုသူတို့သည်လည်း၊ သိနိမ်ပြည်မှလည်းကောင်း လာကြလိမ့်မည်ဟု မိန့်တော်မူ၏။

13အို မိုးကောင်းကင်တို့၊ သီချင်းဆိုကြလော့။ အို မြေကြီး၊ ဝမ်းမြောက်ခြင်းရှိလော့။ အို တောင်များတို့၊ ရွှင်လန်းစွာ သီချင်းဆိုကြလော့။ အကြောင်းမူကား၊ ထာဝရဘုရားသည် မိမိလူတို့ကို နှစ်သိမ့်စေတော်မူ၏။ ဆင်းရဲခံရသော မိမိလူတို့ကို ကယ်မသနားတော်မူ၏။

14ဇိအုန်ကလည်း၊ ထာဝရဘုရားသည် ငါ့ကိုစွန့်ပစ်တော်မူပြီ။ ဘုရားရှင်သည် ငါ့ကိုမေ့လျော့တော်မူပြီဟု ဆိုလေသော်၊ 15မိန်းမသည် မိမိဖွားသောသားကို မသနားသည်တိုင်အောင်၊ မိမိနို့စို့သူငယ်ကို မေ့လျော့နိုင်သလော။ အကယ်၍ မေ့လျော့သော်လည်း၊ သင့်ကို ငါမမေ့လျော့။ 16ငါသည် ကိုယ်လက်ဝါး၌ သင့်ကိုစာထိုးပြီ။ သင်၏မြို့ရိုးသည် ငါ့ရှေ့မှာအစဉ်ရှိ၏။ 17သင်၏သားသမီးတို့သည် အလျင်အမြန် ပြုကြလိမ့်မည်။ သင့်ကို လုယူဖျက်ဆီးသော သူတို့သည် သင့်ထံမှ ထွက်သွားကြလိမ့်မည်။ 18အရပ်ရပ်သို့ မျှော်ကြည့်လော့။ ဤသူအပေါင်းတို့သည် စုဝေး၍ သင့်ထံသို့ လာကြ၏။ ထာဝရဘုရား မိန့်တော်မူသည်ကား၊ ငါအသက်ရှင်သည်ဖြစ်၍၊ သင်သည် တင့်တယ်သောအဝတ်ကို ဝတ်သကဲ့သို့၊ ဤသူအပေါင်းတို့ကို ဝတ်လိမ့်မည်။ မင်္ဂလာဆောင် သတို့သမီး ပြုသည်နည်းတူ တန်ဆာဆင်လိမ့်မည်။ 19သင်၌ သုတ်သင်ပယ်ရှင်းသော အရပ်၊ ပျက်စီးသောပြည်သည် နေသူများသောကြောင့် ကျဉ်းကြလိမ့်မည်။ သင့်ကို ကိုက်စားသော သူတို့သည်လည်း ဝေးကြလိမ့်မည်။ 20သင်၏သားများဆုံးပြီးမှ၊ တစ်ဖန်ရပြန်သောသားတို့က၊ နေရာမလောက်ပါ။ နေစရာအရပ်ကိုပေးပါဟု သင့်အား တောင်းကြလေဦးမည်။ 21သင်ကလည်း၊ ဤသူတို့ကို ငါ့အား အဘယ်သူ ဖြစ်ဖွားစေသနည်း။ ငါသည် သားဆုံးသောသူ၊ ဆိတ်ညံလျက် နေရသောသူ၊ နှင်ထုတ်ခြင်းကို ခံရသဖြင့်၊ အဝေးသို့ လည်ရသောသူဖြစ်၍၊ ဤသူတို့ကို အဘယ်သူ မွေးစားသနည်း။ ငါသည် တစ်ယောက်တည်း နေရသည်ဖြစ်၍၊ ဤသူတို့သည် အဘယ်မှာရှိကြသနည်းဟု အောက်မေ့လိမ့်မည်။

22အရှင်ထာဝရဘုရား မိန့်တော်မူသည်ကား၊ ကြည့်ရှုလော့။ ငါသည် အတိုင်းတိုင်းအပြည်ပြည်၌ နေသော လူမျိုးတို့အား လက်ကိုချီ၍ အလံကိုထူသဖြင့်၊ သူတို့သည် သင်၏သားသမီးတို့ကို လက်နှင့်ပွေ့လျက်၊ ပခုံးပေါ်မှာထမ်းလျက် ဆောင်ခဲ့ကြလိမ့်မည်။ 23ရှင်ဘုရင်တို့သည် သင်၏ဘထွေး၊ မိဖုရားတို့သည် သင့်ကို မွေးစားသောအမိ ဖြစ်ကြလိမ့်မည်။ သင့်ရှေ့မှာ ဦးညွှတ်ပျပ်ဝပ်၍၊ သင်၏ခြေ၌ မြေမှုန့်ကို လျက်ကြလိမ့်မည်။ ငါသည် ထာဝရဘုရားဖြစ်ကြောင်းကိုလည်းကောင်း၊ ငါ့ကို မျှော်လင့်သောသူတို့သည် ရှက်ကြောက်ခြင်း မရှိကြောင်းကိုလည်းကောင်း သင်သိလိမ့်မည်။

24လုယူရာဥစ္စာကို အားကြီးသောသူ၏လက်မှ ယူရမည်လော။ တရားသောသူ သိမ်းသွားသော လူတို့ကို နုတ်ရမည်လော။ 25ထာဝရဘုရား မိန့်တော်မူသည်ကား၊ အကယ်စင်စစ် အားကြီးသောသူ သိမ်းသွားသော လူတို့ကို ယူရမည်။ ကြောက်မက်ဖွယ်သောသူ လုယူရာဥစ္စာကို နုတ်ရလိမ့်မည်။ အကြောင်းမူကား၊ သင်နှင့် ရန်တွေ့သောသူကို ငါသည် ရန်တွေ့၍၊ သင်၏သားတို့ကို ကယ်တင်မည်။ 26သင့်ကို ညှဉ်းဆဲသောသူတို့ကို သူတို့၏အသားနှင့် ငါကျွေးမည်။ ချိုသောစပျစ်ရည်ကို သောက်သကဲ့သို့၊ သူတို့သည် မိမိအသွေးကိုဝစွာ သောက်ရကြမည်။ သို့ဖြစ်၍၊ ငါထာဝရဘုရားသည် သင့်ကို ကယ်တင်သောအရှင်၊ သင့်ကို ရွေးနုတ်သောသခင်၊ ယာကုပ်အမျိုး၌ တန်ခိုးကြီးသောဘုရားဖြစ်ကြောင်းကို လူအပေါင်းတို့သည် သိရကြလိမ့်မည်ဟု မိန့်တော်မူ၏။

ဟေရှာယအနာဂတ္တိကျမ်း - ၄၉ (အနက်ဖွင့်)

(ခ)ဣသရေလများကမေရှိယသခင်ငြင်းပယ်ကြခြင်း(အခန်း၄၉-၅၇)

၁။ အစေခံမေရှိယသခင်(အခန်း၄၉)

အခန်း၄၉-၅၃ တွင်သူ့လူများကမေရှိယသခင်ငြင်းပယ်ကြသည့်အ ကြောင်းပြောထားသည်။ ဤသင်ခန်းစာသည်ယေဟောဝါဘုရားသခင်၏အစေ ခံတော်ဆင်းရဲဝေဒနာခံရသည့်အခန်းဖြစ်သည်။

၄၉:၁-၆ အခန်းကြီး(၄၉)တွင် ဣသရေလကိုယေဟောဝါဘုရားသခင်၏ အစေခံအဖြစ်ဖော်ပြထားသည်။ အပိုဒ်ငယ်၁-၃သည်ဣသရေလလူမျိုးဟုထင် မှတ်စရာရှိသော်လည်းအမှန်စင်စစ်မှာသခင်ယေရှုဖြစ်သည်။ အပိုဒ်ငယ်(၃)တွင် ဣသရေလဟုနာမည်တပ်သော်လည်းအမှန်တကယ်မူခရစ်တော်ဖြစ်သည်။ ဘုရားသားတော်ယေရှုကိုဆိုလိုသည်။ ဣသရေလလူမျိုးမဟုတ်ပါ။ အပိုဒ်ငယ်၅-၆ တွင်ပါရှိသည့်အစေခံသည် ဣသရေလလူမျိုးနှင့်တခြားစီဖြစ်သည်။ ဣသရေလ တို့ပြန်လည်စုစည်း၊ နာလံထူကြမည့်အကြောင်းကျမ်းပိုဒ်များတွေ့ရသည်။ ပထ မဦးစွာကုရုမင်းလက်ထက်ဖြစ်သည်။ မေရှိယနိုင်ငံတော်တည်ထောင်သောအခါ စုစည်းခြင်းပြီးပြည့်စုံသွားမည်။

အစေခံဆိုသည်မှာအထံတော်သို့စုစည်းသောကမ္ဘာသူကမ္ဘာသားအားလုံး နှင့်ဆိုင်သည်။ ဖွားမြင်တော်မူခြင်း၊မမွေးဖွားမီကပင်နာမတော်ပေးထားခြင်း (မ၁:၂၁)။ ဩဇာပါရှိသောသတင်းစကား၊အစေခံအဖြစ်ဘုရားသခင်ကခန့်အပ် ခြင်း၊ ဘုရားသားတော်(ဣသရေလ)များသည်ဘုရားသခင်ဘုန်းတော်ထင်ရှား စေဖို့ဖြစ်သည်။ ဣသရေလတို့၏ငြင်းပယ်မှုကြောင့်ဝိညာဉ်ရေးရာတွင်ခါးသီးမှု ကြုံတွေ့ရသည်(မ ၁၁:၁၆-၂၄ကိုကြည့်)။ သို့သော်လည်းဘုရားသခင်ကဆု လက်ဆောင်ပြန်လည်ချီးမြင့်ဖြည့်ဆည်းသည်(အငယ်၄နှင့်မ၁၁:၂၅-၂၆တို့ကို ယှဉ်ဖတ်)။

ဣသရေလလူမျိုးတို့ဝိညာဉ်ရေးရာတွင်ပြန်လည်မွေးဖွားစေဖို့သာလျှင် မေရှိယကိုအစေခံအဖြစ်စေခိုင်းခြင်းမဟုတ်။ တပါးအမျိုးသားများလည်းကယ် တင်ခြင်းရရှိစေဖို့ဖြစ်သည်။ အပိုဒ်ငယ်၆နောက်ပိုင်းလမ်းညွန်ချက်သည်(တ ၁၆:၄၇)ကိုကိုးကားထားသည်။ ခရစ်တော်ကိုဆိုလိုသည်။

၄၉:၇ ခရစ်တော်ဘုရားပထမအကြိမ်ကြွရောက်လာရာတွင် ဣသရေလလူ မျိုးများကမဖွယ်မရာနိုင်ထက်စီးနင်းပြုကြသည်။ တပါးအမျိုးသားမင်းများ ထက်နိမ့်ကျသည်။ သို့သော်ဒုတိယအကြိမ်ကြွလာသောအခါတွင်မူကမ္ဘာကြီးတ ခုလုံးအုပ်စိုးမှုအာဏာချုပ်ကိုင်ထားမည်။ “မင်းထဲ၌ကျွန်ခံရသူ”ဆိုသောစကား ရပ်သည်ဣသရေလလူမျိုးဖြစ်သည်။ ယောသပ်၊မော်ဒကဲ၊ဧဇရ၊နေဟမိနှင့်ဒံယေလတို့နှင့်ယှဉ်ဖတ်ပါ။

၄၉:၈-၁၃ ခရစ်တော်အားရှင်ပြန်ထမြောက်စေခြင်းဖြင့်ခရစ်တော်ဆု တောင်းသံ၊ဘုရားရှင်နားညောင်းကြောင်းထင်ရှားသည်။ ထိုကဲ့သို့ပင်ဣသရေ လများကိုလည်း ဘူမိနက်သန်နေရပ်မှန်သို့ပြန်ပို့သည်။ ဘုရားသခင်၏အစေခံ တော်ကသူ့လူများအားနေရပ်ဌာနေသို့ပြန်လာကြဖို့ဆင့်ခေါ်သည်။ လမ်းခရီးတ လျှောက်လိုအပ်သောအထောက်အပံ့များကူညီဖြည့်ဆည်းပေးမည်။ ကမ္ဘာအနှံ့အ စွန်အဖျားမှပြန်လာကြမည်။ ဝေးလံသောသိနိမ်ပြည်(တရုတ်ပြည်ဖြစ်ဖို့များ သည်)မှလည်းပြန်လာကြမည်။ ဣသရေလတို့နေရပ်ဌာနေသို့ပြန်လည်စုစည်း ခြင်းကိုကမ္ဘာတဝှမ်းလုံးကလည်းကြိုဆိုထောက်ခံကြသည်။

၄၉:၁၄-၁၆ ထိုကာလတွင်ဇိအုန်ပြည်သည်ဘုရားသခင်ကမေ့လျှော့သ လားဟုအားငယ်မည်။ ယေဟောဝါဘုရားသခင်ကထိုအတွေးကိုဖြေထားသည်။ နို့စို့သားသည်မိခင်က ရင်သွေးငယ်မေ့ကောင်းမေ့မည်။ သင့်ကိုအလျဉ်းငါမမေ့ ဟုဆိုသည်။ ဇိအုန်သည်ဘုရားရှင်လက်ထက်တွင်ကိုင်ဆောင်သောသံလွင်ခက် ဖြစ်သည်။ မြို့ရိုးများကိုလည်းဘုရားရှင်ကအမြဲမှတ်ထားသည်။ ယေဟောဝါဘု ရားသခင်၏လက်ထဲမှသံလွင်ခက်ဟုကြားသည်နှင့်ခရစ်တော်ဘုရား၏ဒဏ် ရာဒဏ်ချက်များကိုအမြဲသတိရသင့်သည်။ အင်္ဂလိပ်တေးဆရာတစ်ဦးကဤသို့ ဖွဲ့နွဲ့ထားသည်။

ကိုယ်တော်လက်ထဲ သံလွင်ခက်မှာငါ့နာမည်

ရေးထား

ဖျောက်ဖျက်မရနိုင်အောင်မြဲ

ကိုယ့်ရင်ထဲမှာစွဲထင်ထား

ကျေးဇူးတော်အမှတ်အသားပါလား။

-Augustus Moplady

၄၉:၁၇-၁၈ သင်္ဘောပျက်မှသင်္ဘောသားများခုန်ဆင်းထွက်ပြေးသကဲ့သို့ ဣသရေလလူမျိုးသို့ဇိအုန်တောင်သို့ဒရောသောပါးပြေးလာကြမည်။ လူအုပ်လူ စုကြီးဖြစ်လာမည်။ ကြက်ပျံမကျလူစည်ကားလာမည်။ ထိုသူများကိုကိုယ်တော် ဘုရားကသတို့သမီးကဲ့သို့ဆင်ယင်ပေးမည်။

၄၉:၁၉-၂၁ ပလပ်မြေနှင့်လူမနေဖုန်ထူမြေပေါ်များတွင်ဣသရေလလူတို့ ပြွတ်သိပ်ကျပ်တိုးဝေလာကြမည်။ အဘယ်ကလူများဤမျှလောက်များပြားကြ သနည်းဟုဇိအုန်တောင်လည်းအံ့ဩသွားမည်။ ထို့နောက်တွင်မူဇိအုန်တောင် သည်မုဆိုးမကဲ့သို့ညီးတွားလိမ့်မည်။

၄၉:၂၂-၂၃ ဘုရားသခင်ကအချက်ပေးသောအခါကမ္ဘာအရပ်ရပ်မှတိုင်း နိုင်ငံများသည်ဣသရေလသားတို့အားလေယာဉ်ဖြင့်ချီမသွားကြမည်။ ဘုရားသခင်၏လူများကိုတပါးအမျိုးသားမင်းများကချီးမြှောက်ကြမည်။ ဣသရေ လတို့သည်လည်းဘုရားသခင်၏အမှုအရာဖြစ်ကြောင်းသိရှိသွားကြသဖြင့် ကိုယ်တော်ဘုရားကိုမျှော်လင့်ကြမည်။

၄၉:၂၄-၂၆ အကယ်၍ဗာဗုလုန်လက်တော်မှလွတ်မြောက်ခြင်းသည်မိမိ တို့အစွမ်းအစဟုထင်မှတ်ကြလျှင်သူတို့သားသမီးများဘုရားသခင်ကကယ် တင်မည့်အကြောင်းကိုထောက်ရှုသိရှိကြပါစေ။ ရန်သူများအပေါ်သို့ဘုရားသ ခင်၏ပရောဂပါဝင်မှုကိုမြင်တတ်ကြပါစေ။ ဖိစီးနှိပ်စက်သူများသည်မိမိတို့ကြဲ သည့်အတိုင်းရိတ်ကြမည်။ ဣသရေလတို့၏သားသမီးများထွန်းကားပုံမြင်ကြ ရသောအခါဣသရေလတို့၏ဘုရားသခင်သည်ကယ်တင်ရှင်ရွေးနှုတ်သောသ ခင်၊ယာကုပ်၏ဘုရားဟုသိကြလိမ့်မည်။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။