(ဆ) လူမျိုးများ၏ မျိုးနွယ်စာရင်း (အခန်း ၁၀)

ရှေမ၊ ဟာမ၊ ယာဖက် တို့သည် လူမျိုးနွယ်စု၏ ဖခင်ကြီးများ အသီးသီးဖြစ်လာကြသည်။

ရှေမ၊ ဆီမိုမျိုးနွယ်စု ဖြစ်သော ဂျူး၊ အာရပ်၊ အာရှုရီး၊ အာရမိ နှင့် ဖုနိလျှန် လူမျိုး။

ဟာမ။ ဟာမစ်တစ်လူမျိုးနွယ်စုဖြစ်သော အဲသယောပိ၊ အဲဂုတ္တု၊ ခါနာန်၊ ဖိလိတိန်း၊ ဗာဗုလုန် အမျိုးဖြစ်သည်။ အာဖရိကမျိုးနွယ်စုနှင့် အရှေ့တိုင်းသားများဖြစ်နိုင်သည်။ အချို့ ကျမ်းစာ ပညာရှင်များကမူ အရှေ့တိုင်းသားများသည် ယာဖက်အမျိုးဖြစ်သည်ဟု ဆိုကြသည်။

ယာဖက်။ ယာဖက်မျိုးနွယ်စုဖြစ်သော မိဒျန်း၊ ဂရိ cypriotsမျိုးနွယ်စုများဖြစ်သည်။ များသောအားဖြင့် ကော့ကေးရှ ဥရောပ အနွယ်နှင့် အာရှမြောက်ပိုင်း အစွန်များရှိ လူများဖြစ်သည်။ အချို့ ကျမ်းစာပညာရှင်များက အရှေ့ပိုင်းအာရှ တိုင်းရင်းသားများ ပါ၀င်သည် ဟုဆိုကြသည်။

အခန်းငယ် ၂-၅ တွင် ယာဖက်၏သား မြေးစဉ်ဆက်စာရင်း ရေးပြထားသည်။ ဟာမ၏ သားမြေး စဉ်ဆက်ကို ငယ် ၆-၂၀ တွင်၎င်း၊ ရှေမ၏ နောက်လာနောက်သားများကို ငယ် ၂၁-၃၁ တွင် ရေတွက်ပြထားသည်။ ဓမ္မဟောင်းကျမ်းတွင် ရှေမ၏ သားစဉ်မျိုးနွယ်စဉ်အား ဘုရားသခင် ဝိညာဉ်တော်က အလေးပေးရေးမှတ်ခိုင်းသည်။ ဘာသာစကား ကွဲပြားခြားနားသွားကြခြင်းကို အပိုဒ်ငယ် ၅ တွင် ရှင်းပြထားသည်။ ထိုသို့ ကွဲပြားကြရခြင်းအကြောင်းရင်းမှာ ဗာဗုလုန် မျှော်စင် တည်ဆောက်ကြသောကြောင့် ဖြစ်သည်။ (၁၁:၁-၉)

ဤအခန်း (၁၀)တွင် လူတန်းစာ (၃)မျိုးကွဲပြား ကြကြောင်း တွေ့ရမည်။ အပိုဒ်ငယ် (၅)တွင် ယာဖက်မျိုးနွယ်စု အစိပ်စိပ် အမွှာမွှာ ကွဲပြားကြကြောင်း တွေ့ရသည်။ ပိုဒ်ငယ် (၂၅)တွင် ဖာလတ် လက်ထက်၌ မြေကြီး (အာဗေလတွင်) ခွဲဝေကြသည့် အကြောင်း တွေ့ရမည်။  အပိုဒ်ငယ် (၃၂)တွင် အခန်း(၁၁)ရှိ အာဗေလမျှော်စင်အကြောင်း စာမြည်း မိတ်ဆက်ပေးထားသည်။ နောဧ၏ သားများသည် မိသားစုအလိုက် နေရာဒေသအသီးသီးသို့ ပြန့်ကြဲ၍ ဘာသာစကား အမျိုးမျိုး ကွဲပြားကြသည်။ တိုင်းနိုင်ငံ အသီးသီး ထူထောင်သွားကြသည်။

အပိုဒ်ငယ် ၈-၁၀ တွင် နိပ်ရောဒ အမည်တွေ့ရသည်။ ထိုနာမည်၏ အဓိပ္ပါယ်မှာ ပုန်ကန်ခြင်းဟု အနက်ရသည်။ ရေလွှမ်းမိုးခြင်းခံရပြီး နောက်ပိုင်းတွင် မြေကြီးပေါ်တွင် အဦးစွမ်း နိုင်သောသူ အင်အားတန်ခိုးကြီးမားသူ ဖြစ်သည်။ မြို့ပြနိုင်ငံများ တည်ထောင်ခဲ့သည် (ငယ် ၁၀)။ ဘုရားသခင်ကို ပုန်ကန်အန်တုရန် (ဗာဗုလုန်၌) ဗာဗေလမျှော်စင် တည်ဆောက်သည်။ အာရှုရိပြည်တွင် နိနေဝေမြို့ တည်သည် (ငယ် ၁၁) ဘုရားသခင်၏ လူများကို ဆန့်ကျင် ပုန်ကန်သည်။

ယာဖက်၏ အစ်ကိုရှေမ၏ မျိုးရိုးစဉ်ဆက်ကို အငယ် (၂၁)တွင် ရေတွက်ပြထားသည်။

အတိအကျမှန်ကန်သည်ဟု မဆိုနိုင်သော်လည်း နေရပ်ဒေသ အသီးသီးတွင် တိုင်းနိုင်ငံ ထူထောင်ကြသော လူမျိုးမျိုးများကို အောက်ပါအတိုင်း လေ့လာသိရှိနိုင်သည်။

တာရှု (ငယ် ၄)                           စပိန်

ကိတ္တိမ် (ငယ် ၄)                                    ကုပရုကျွန်း

ကုရှ (ငယ် ၆)                            အဲသယောပိ

ဖိဇရိမ် (ငယ် ၆)                          အဲဂုတ္တု

ဖုတ (သို့မဟုတ် ပုတ (ငယ် ၆)    လစ်ဗျား

ခါနာန် (ငယ် ၆)                         ပါက်စတိုင်း

အာရှုရ (ငယ် ၁၁)                       အာရှုရိ

ဧလမ် (ငယ် ၂၂)                                    ပါရှား

အာရမ် (ငယ် ၂၂)                       ဆီးရီးယားနှင့် မက်ဆိုပိုတေးမီးယား (မေသောပေါတာမိ)