Zechariah -7 -

ဇာခရိအနာဂတ္တိကျမ်း - ၇

ဟန်ဆောင်အစာရှောင်မှု

1ဒါရိမင်းကြီး နန်းစံလေးနှစ်၊ ခိသလုမည်သော နဝမလ လေးရက်နေ့တွင်၊ 2ထာဝရဘုရားရှေ့တော်၌ ဆုတောင်းခြင်းငှာလည်းကောင်း၊ 3နှစျပေါငျးမြားစှာပွုသကဲ့သို့ ပဉ်စမလတှငျ ငိုကွှေး၍ ခွိုးခွံစှာကငြျ့ရပါမညျလောဟု ကောငျးကငျဗိုလျခွအေရှငျ ထာဝရဘုရား၏ အိမျတောျ၌ရှိသော ယဇျပုရောဟိတျနှငျ့ ပရောဖကျတို့အား မေးလြှောကျခွငျးငှာလညျးကောငျး၊ ရှရဇော၊ ရဂေငျ်မလေကျနှငျ့ သူတို့လူမြားကို ဘုရားသခငျ၏အိမျတောျသို့ စလှှေတျကွသောအခါ၊ 4ကောင်းကင်ဗိုလ်ခြေအရှင် ထာဝရဘုရား၏ နှုတ်ကပတ်တော်သည် ငါဇာခရိသို့ ရောက်လာ၍၊ 5ယဇျပုရောဟိတျတို့နှငျ့ ပွညျသူပွညျသားအပေါငျးတို့အား သငျဆငျ့ဆိုရမညျမှာ၊ အနှစျခုနစျဆယျပတျလုံး သငျတို့သညျ ပဉ်စမလနှငျ့ သတ်တမလတှငျ အစာရှောငျ၍ ငိုကွှေးမွညျတမျးသောအခါ၊ အကယျစငျစစျ ငါ့အလိုရှိသညျအတိုငျး ငါ့အား အစာရှောငျကွသလော။ 6စားသောက်သောအခါ၌လည်း ကိုယ်အလိုအလျောက် စားသောက်ကြသည် မဟုတ်လော။ 7ယေရုရှလင်မြို့မပျက်၊ စည်ပင်၍ ပတ်လည်၌ရှိသော မြို့ရွာ၊ တောင်မျက်နှာအရပ်နှင့် မြေညီသောအရပ်၌ လူများသေးသောအခါ၊ ရှေးပရောဖက်တို့ဖြင့် ထာဝရဘုရားကြွေးကြော်တော်မူသော အမိန့်တော်ပြည့်စုံပြီ မဟုတ်လောဟု မိန့်တော်မူ၏။

စကားတော်မနာခံမှု

8ထိုအခါ ထာဝရဘုရား၏ နှုတ်ကပတ်တော်သည် ဇာခရိသို့ ရောက်လာသည်ကား၊ 9တရားအမှုကို တရားသဖြင့် စီရင်ကြလော့။ သနားခြင်းကရုဏာစိတ်နှင့် တစ်ယောက်ကို တစ်ယောက် ကျေးဇူးပြုကြလော့။ 10မိဘမရှိသောသူ၊ မုဆိုးမ၊ တစ်ကျွန်းတစ်နိုင်ငံသား၊ ဆင်းရဲသားကို မညှဉ်းဆဲကြနှင့်။ တစ်ယောက်ကို တစ်ယောက် မကောင်းသောအကြံကို မကြံကြနှင့်ဟု ကောင်းကင်ဗိုလ်ခြေအရှင် ထာဝရဘုရား မိန့်တော်မူသော်လည်း၊ 11သူတို့သည် နားမထောင်ဘဲ လွတ်အောင်ရုန်းကြ၏။ မကြားစေခြင်းငှာ နားကို ပိတ်ကြ၏။ 12တရားစကားကိုလည်းကောင်း၊ ကောင်းကင်ဗိုလ်ခြေအရှင် ထာဝရဘုရား၏ ဝိညာဉ်တော်သည် ရှေးပရောဖက်တို့ဖြင့် ထားတော်မူသော စကားကိုလည်းကောင်း သူတို့သည် မကြားစေခြင်းငှာ၊ မိမိတို့နှလုံးကို စိန်ကျောက်ကဲ့သို့ မာစေကြ၏။ ထိုကြောင့်၊ ကောင်းကင်ဗိုလ်ခြေအရှင် ထာဝရဘုရားသည် အလွန် အမျက်ထွက်တော်မူ၏။ 13ငါဟစ်ခေါ်၍ သူတို့သည်နားမထောင်သကဲ့သို့၊ တစ်ဖန် သူတို့သည်ဟစ်ခေါ်၍ ငါလည်း နားမထောင်ဘဲနေပြီဟု ကောင်းကင်ဗိုလ်ခြေအရှင် ထာဝရဘုရား မိန့်တော်မူ၏။ 14သူတို့မသိသော လူမျိုးအပေါင်းတို့တွင် လေပွေတိုက်၍ ငါလွှင့်ပြီ။ ထိုကြောင့်၊ သူတို့ ပြည်သည် လူဆိတ်ညံလျက်ရှိ၍ အဘယ်သူမျှ မသွားမလာ။ သာယာသောပြည်သည် သုတ်သင်ပယ်ရှင်းရာ ဖြစ်လေပြီတကားဟု မိန့်တော်မူ၏။

ဇာခရိအနာဂတ္တိကျမ်း - ၇ (အနက်ဖွင့်)

၄။ ဗေသလယုဒများ အစာရှောင်ခြင်းမေးခွန်း (အခန်း ၇–၈)

(က) အစာရှောင်ခြင်းအကြောင်းမေးခွန်း (၇:၁–၃)

အခန်း ၇နှင့်၈သည် အခန်းနှစ်ခုအဖြစ်ခွဲခြားသော်လည်း အခန်းနှစ်ခုစလုံးသည် အစာရှောင်ခြင်း အကြောင်းဖြစ်သည်။ ဗေသလမှကိုယ်စားလှယ်များ (NKJV Marg)၈သည် ယေရုရှလင်မြို့ပျက်သုဉ်းခြင်း နှစ်ပတ်လည်အခါသမယရောက်လေတိုင်း ခြိုးခြံကျင့်ကြံလေ့ရှိသော အစာရှောင်ခြင်းကို ဆက်လက်ဆောင်တည် ရန် လိုမလို လာရောက်မေးမြန်းကြသည်။ သူတို့သည် နှစ်ပေါင်း(၇၀)လုံးလုံး ထိုသို့အစာရှောင်လာခဲ့ကြပြီး ဖြစ်သည်။

(ခ) ပထမနှုတ်ကပတ်တော် (၇:၄–၇)

အဓိပ္ပါယ်- အစာရှောင်ခြင်းမှာ ဘုရားသခင်၏အကြံအစည်မဟုတ်။ သူတို့သဘောဆန္ဒအတိုင်း ကောင်းသည်ဟု ထင်၍ လုပ်ဆောင်ခြင်းဖြစ်သည်။ ဘုရားအလိုရှိသည်မှာ ထုံးတမ်းဓလေ့ မဟုတ်ဘဲ စစ်မှန်ခြင်း တရားသာ ဖြစ်သည်။

အထက်ပါမေးခွန်းကို (၇:၄-၇။ ၇:၈-၁၄၊ ၈:၁-၁၇။ ၈:၁၈-၂၃)တို့တွင် ပုံစံလေးမျိုးဖြင့် အဖြေပေးထား သည်။ ပထမဗျာဒိတ်မှာ ပဉ္စမလနှင့် သတ္တမလ အစာရှောင်ခြင်းနှစ်ခုစလုံးသည် ဘုရားသခင်က ပြဋ္ဌာန်းပေးခြင်း မဟုတ်။ သူတို့သဘောအတိုင်း အစာရှောင်ခြင်းဖြစ်သည်။ ဘုရားသခင်အတွက် ရည်ရွယ်ခြင်းမဟုတ်ဘဲ၊ မိမိတို့ အတွက်သာ ရည်ရွယ်သည်။ ယေရုရှလင်မပျက်သုဉ်းမီကပင် ရှေးပရောဖက်များက ဘုရားသခင်သည် ဓလေ့ထုံး တမ်းထက် ဖြောင့်မတ်ခြင်းကိုသာ လိုလားတော်မူကြောင်း သတိပေးခဲ့ကြပြီးဖြစ်သည်။

(ဂ) ဒုတိယနှုတ်ကပတ်တော် (၇:၈–၁၄)

အဓိပ္ပါယ်- လူများသည် တရားမျှတစွာမကျင့်၊ ဖြောင့်မတ်ခြင်းနှင့် ကရုဏာတရားမရှိကြသောကြောင့် အပြစ်စီရင်ခြင်းခံကြမည်။

ဒုတိယနှုတ်ကပတ်တော်တွင် အဘယ်ကြောင့် တရားစီရင်မည့်အကြောင်း ရှင်းပြထားသည်။ လူမျိုးများ အား မျှတခြင်းတရား၊ မေတ္တာတရား၊ ကရုဏာတရားထားကြဖို့ သွန်သင်သော်လည်း လိုက်နာခြင်းမရှိကြ။ တရားတော်ကို နင်းခြေပစ်ကြသည်။ ထိုသို့ မနာခံ ငြင်းဆန်ကြသောကြောင့် သူတို့ဆုတောင်းသံများကိုလည်း ဘုရားရှင်က နားမညောင်း၊ အမျက်တော်သင့်၍ ထိုလူမျိုးအား ဖရိုဖရဲအရပ်ရပ်ကွဲလွင့်စေသည်။ ထိုအရပ်ဒေသကို လည်း ကန္တာရ လွင်တီးခေါင်ဖြစ်စေသည်။ တနည်းအားဖြင့် သူတို့၏အစာရှောင်ဆုတောင်းခြင်းသည် မနာခံခြင်း နှင့် အပြစ်ကျူးလွန်ကြောင်း အထုပ်ဖြေခြင်းဖြစ်သည်။ ထိုအကြောင်းကို William Kellyက ဤသို့ သတိပေး ထားသည်။

မည်သို့ပင်ဆိုစေ၊ အမိန့်ပြန်တမ်းအားဖြင့် ဖြောင့်မတ်သော အသက်တာကို အစားမထိုးနိုင်ပါ။ ဘုရား အမြင်၌ ၎င်းတွင် ယုံကြည်ခြင်း ချို့တဲ့နေသည်။၉

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။