Song of Solomon -5 -

ရှောလမုန်သီချင်း - ၅

1ငါနှမ၊ ငါ့ခင်ပွန်း၊ ငါ့ဥယျာဉ်ထဲသို့ ငါဝင်လာပြီ။ ငါ့မုရန်နှင့် နံ့သာမျိုးကို ခံယူပြီ။ ငါ့ပျားရည်နှင့် ပျားလပို့ကို စားရပြီ။ ငါ့နို့နှင့် စပျစ်ရည်ကို သောက်ရပြီ။ ငါ့အဆွေတို့၊ စားကြလော့။ ငါ့မိတ်ဆွေတို့၊ သောက်ကြ။ ဝစွာသောက်ကြလော့။

ခွဲခွာရခြင်း၏သောက

2ငါသည် အိပ်ပျော်စဉ်၊ နှလုံးနိုးလျက်ရှိ၏။ ငါချစ်ရာသခင်၏စကားသံပေ။ ငါ့နှမ၊ ငါချစ်သောအမိ၊ ငါ့ချိုး၊ ငါ၏စုံလင်သူ၊ ငါအားဖွင့်ပါ။ ငါ့ခေါင်းသည် နှင်းနှင့်လည်းကောင်း၊ ငါ့ဆံပင်သည် ည၌ကျတတ်သော နှင်းစက်များနှင့်လည်းကောင်း စိုပြီဟုဆိုလျက်၊ ခေါက်၍နေတော်မူ၏။ 3ကျွန်မသည် အဝတ်ကိုချွတ်ပါပြီ။ အဘယ်ကြောင့် ဝတ်ပြန်ရမည်နည်း။ ခြေကိုလည်းဆေးပါပြီ။ တစ်ဖန်ညစ်အောင် အဘယ်ကြောင့် ပြုရပါမည်နည်း။ 4ငါချစ်ရာသခင်သည် လက်တော်ကို တံခါးပေါက်အထဲသို့ သွင်းတော်မူသည်ဖြစ်၍၊ သူ့ကိုချစ်သနားသော စိတ်အားကြီးသဖြင့်၊ 5ငါချစ်ရာသခင်အား တံခါးကိုဖွင့်အံ့သောငှာ ထသောအခါ၊ ငါ့လက်မှ မုရန်ဆီ၊ ငါ့လက်ချောင်းတို့မှ ပကတိမုရန်ဆီသည် တံခါးကျင်တိုင်ပေါ်မှာ စက်စက်ကျလေ၏။ 6ငါချစ်ရာသခင်အား ငါဖွင့်သည်ရှိသော်၊ ငါချစ်ရာသခင်သည် ထွက်သွားနှင့်ပြီ။ စကားသံတော်ကို စေ့စေ့ နားထောင်လျက်၊ သခင်ကိုငါရှာသော်လည်း မတွေ့။ ခေါ်သော်လည်း ထူးတော်မမူ။ 7မြို့တွင်လည်သော ကင်းစောင့်တို့သည် ငါ့ကိုတွေ့သော်၊ နာကျင်စွာ ရိုက်ကြ၏။ မြို့ရိုးစောင့်တို့သည် ငါ့မျက်နှာဖုံးကို လုယူကြ၏။ 8အိုယေရုရှလင်မြို့သမီးတို့၊ သင်တို့သည် ငါချစ်ရာသခင်ကို တွေ့လျှင်၊ သူ့ကိုငါချစ်၍ နာနေကြောင်းကို ကြားပြောကြပါဟု၊ ငါမှာထားတောင်းပန်ပါ၏။

သတို့သမီးအလှချီးမွမ်းခန်း

9မိန်းမတကာတို့ထက် အဆင်းလှသောအစ်မ၊ သင်ချစ်ရာသခင်သည် အခြားတစ်ပါးသော ချစ်ရာသခင်ထက် အဘယ်သို့ သာသနည်း။ အကျွန်ုပ်တို့ကို ထိုသို့မှာထားတောင်းပန်ရမည်အကြောင်း၊ သင်ချစ်ရာသခင်သည် အခြားတစ်ပါးသော ချစ်ရာသခင်ထက် အဘယ်သို့သာသနည်း။

10ငါချစ်ရာသခင်သည် ဖြူသောအဆင်း၊ နီသောအဆင်းနှင့် ပြည့်စုံ၍၊ လူတစ်သောင်းတို့တွင် အထွတ်အမြတ် ဖြစ်တော်မူ၏။ 11ဦးခေါင်းတော်သည် ရွှေစင်နှင့်တူ၏။ ဆံပင်တော်သည် ထူထပ်၍၊ ကျီးအဆင်းကဲ့သို့နက်၏။ 12မျက်စိတော်တို့သည် နို့၌ချိုးလျက် မြစ်ရေပေါ်မှာ ပုံ့ပုံ့ကြွကြွဝပ်သော ချိုးနှင့်တူကြ၏။ 13ပါးတော်တို့သည် နံ့သာတော၊ မွှေးကြိုင်သော ပန်းတောကဲ့သို့လည်းကောင်း၊ နှုတ်ခမ်းတော်တို့သည် ပကတိ မုရန်ဆီယိုသော နှင်းပွင့်ကဲ့သို့လည်းကောင်း ဖြစ်ကြ၏။ 14လက်တော်တို့သည် မျက်ရွဲစီသော လက်စွပ်ကဲ့သို့လည်းကောင်း၊ ကိုယ်တော်သည် နီလာကျောက်ဖြင့် စီချယ်သော ဆင်စွယ်ဖြူကဲ့သို့လည်းကောင်းဖြစ်၏။ 15ခြေထောက်တော်တို့သည် ရွှေစင်ဖိနပ်ပေါ်၌တည်သော ကျောက်ဖြူတိုင်နှင့် တူကြ၏။ မျက်နှာတော်သည် လေဗနုန်တောင်ကဲ့သို့ဖြစ်၍၊ အာရဇ်ပင်ကဲ့သို့ထူးမြတ်ပေ၏။ 16နှုတ်တော်သည် အလွန်ချိုပေ၏။ တစ်ကိုယ်လုံး၌ ချစ်ဖွယ်သော ဂုဏ်တော်အပေါင်းတို့နှင့် ပြည့်စုံတော်မူ၏။ ယေရုရှလင်မြို့သမီးတို့၊ ဤသူသည် ငါချစ်ရာသခင်၊ ငါ့မိတ်ဆွေ ဖြစ်တော်မူသတည်း။

ရှောလမုန်သီချင်း - ၅ (အနက်ဖွင့်)

၅း၁ က ရှုလမိတျ၏ ဖိတျခေါျခွငျး(၄း၁၆) ကိုသိုးကြောငျးသားက စတငျအဖွပေေးသညျ။ ဖိတျခေါျသညျ့အတိုငျး မြှောျလငျ့ခကြျသငျးရနံ့နှငျ့အတူ ပနျးဥယြာဉျ သို့ရောကျလာပွီး။ ပြားလပို့အခစြျဝိုငျနှငျ့ မတေ်တာနို့ရညျလညျးယူဆောငျလာသညျ။

၅း၁ ခ အပိုဒ်ငယ် ၁ ဒုတိယပိုင်းသည် ဤသမီးရည်းစားစုံတွဲ၏ ချစ်တင်းနှီးနှောပုံ၊ မေတ္တာရောရှက်လိမ်ဖက်ပုံကို ချစ်သူစုံတွဲများ အတုတူဖို့ခွန်အားပေးသည်။၁၅

၁၁။ ရှုလမိတ်ငေးမှိုင်သဖြင့် စိတ်ကူးယဉ်ပြောပြဖို့ မေ့ခြင်း (၅း၂-၈)

၅း၂-၇ သူငယ်မက သူ့စိတ်ကူးယဉ်အိမ်မက်ပြောပြသည်။ တံခါးဖွင့်ပေးဖို့ သူ့ချစ်သူက တံခါးတဒေါက်ဒေါက်ခေါက်၍ ဖွင့်ခိုင်းမည်။ သူ့ရည်းစားသည် ညနေစောင်းတွင် နှင်းရည်များစိုစွတ်လို့၊ ရေမိုးချိုးအလှပြင်ပြီး ညဉ့်အနားယူဖို့ ပြင်ဆင်ချိန်မို့ တံခါးကို အသော့အနှင်းပြေးဖွင့်လေရဲ့။ သူ့ရည်းစားသည် တံခါးကိုင်ထားသော လက်ကိုရုပ်လို့ထွက်ခွာသွားလေပြီ။ ချစ်သူလက်ကို ရိပ်ကနဲ့လှမ်းမြင်တော့ တံခါးနားသို့ရောက်မိသည်။ သူ့ချစ်သူကိုင်ထားသော တံခါးလက်ကိုင်သွားကိုင် မိတော့ မုရန်သင်းရနံ့စွဲကျန်သည်။ သို့သော်သူ့ကိုမမှီလိုက်ပါ လိုက်ကြည့်သည်။ လိုက်ခေါ်မိသည်။ သို့သော်သူ့ကိုမမှီလိုက်ပါ။ လိုက်ကြည့်သည်။ လိုက်ခေါ်မိသည်။ သို့သော်ရှာမတွေ့တော့ပါ။ ကင်းစောင့်သမီးများကလညး သူမ၏ အမူအရာများကို နားမလည်ပါ။ ရိုက်ပုတ်လို့ မျက်နှာဖုံးများကို လုခွာကြသည်။

၅း၈ ၀မ်းနည်းစွာ နှင့် ယေရုရှလင်သမီးများကို စကားမှာလိုက်သည်။ သူ့ချစ်သူကိုတွေ့ ကြရင်ဖြင့် သူ့ကို ချစ်မြဲချစ်နေကြောင်းပြောပြပေးကြပါ။

၁၂။ သူမ၏ အလှရှုပကာသည် သူ့ချစ်သူအတွက်သာ (၅း၉-၆း၃)

၅း၉ ထိုသူမ၏ သူ့ချစ်သူသိုးထိန်းအပေါ်ကြီးမားသော မေတ္တာရှိပုံကို ယေရုရှလင်သမီးပျိုများ စိတ်၀င်စားသွားသည်။ ဤမိန်းမ၏ ချစ်ရီးစားသည် အဘယ်မျှလောက်ချစ်အားပို၍ ရှောလမုန်မင်းကို လက်မခံလိုက်ပါလိမ့်။ သို့ကြောင့်လည်း အသင့်ချစ်သူသက်ထားမောင်သည် ပဇာသို့မျှချစ် သွေးကြွယ်ကြောင်းသိချင်ကြ။

၅း၁၀-၁၆ သူ့ချစ်သူ ကိုခန့်ထွား၏ ဗလအလှပြောပြခွင့်ရသည်။ သူ့ချစ်သူသက်ထား၊ ယောင်္ကျားသားသည် လူ့တသောင်းမှာအထွဋ်အမြတ်ဖြစ်တော်မူ၏။ ဦးခေါင်းရွှေစင် ဆံပင်ရောင်သည် ကျီးအဆင်းသို့ထူထပ်သည်။ မျက်စိသာလျက် ပါးသည်လည်း ပန်းကဲ့သို့ ချစ်လိုဖွယ်ရှိ၏။ နှုတ်ခမ်းလက်တော်ဆိုဖွယ်မရှိ။ ဆင်စွယ်ကဲ့သို့ အဖိုးတန်စီချယ်၏။ ခြေထောက်လှလျက် နှုတ်စကားလည်း ချိုမြိန်သည်။ အားလုံးခြုံလိုက်လျှင် အပြစ်ဆိုဖွယ်မြူတမှုံမတွေ့။ နှစ်လိုဖွယ် အတိပြည့်စုံ၏။၁၆

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။

Recent Views: 0