ဗျာဒိတ်ကျမ်း - ၄

ကောင်းကင်ဘုံရှိပလ္လင်
1ထိုနောက်မှ ငါကြည့်လျှင်၊ ကောင်းကင်၌ တံခါးဖွင့်ထားလျက်ရှိ၏။ ရှေ့ဦးစွာကြားရသော အသံဟူမူကား၊ ဤအရပ်သို့ တက်လော့။ နောင်ကာလ၌ ဖြစ်ရမည်အရာတို့ကို ငါပြမည်ဟု ငါနှင့်ပြောလျက်ရှိသော တံပိုးခရာသံကဲ့သို့ မြည်လေ၏။- 2ထိုအခါ ဝိညာဉ်တော်ကို ငါသည်ချက်ချင်းခံရ၍၊ ကောင်းကင်ဘုံ၌ ပလ္လင်တစ်ခုတည်လျက်ရှိ၏။ ပလ္လင်ပေါ်မှာ ထိုင်သောသူလည်းရှိ၏။-ယေဇ၊ ၁:၂၆-၂၈။ ၁၀:၁။ 3ထိုသူ၏ အဆင်းအရောင်သည် နဂါးသွဲ့ကျောက်၊ ပတ္တမြားကျောက်နှင့် တူ၏။ ပလ္လင်၏ပတ်ဝန်းကျင်၌ကား၊ မြကျောက် အဆင်းအရောင်နှင့်တူသော သက်တံရှိ၏။- 4ထိုပလ္လင်၏ ပတ်ဝန်းကျင်၌ အခြားသောပလ္လင် နှစ်ဆယ်လေးပလ္လင်ရှိ၏။ ထိုပလ္လင်တို့အပေါ်၌ အသက်ကြီးသူနှစ်ဆယ်လေးပါးတို့သည် ဖြူသောအဝတ်ကို ဝတ်ဆင်လျက်၊ ခေါင်းပေါ်၌ ရွှေသရဖူကို ဆောင်းလျက် ထိုင်နေကြ၏။- 5ပလ္လင်တော်ထဲက လျှပ်စစ်ပြက်၏။ စကားပြောသံ၊ မိုးကြိုးသံလည်း မြည်၏။ ပလ္လင်တော်ရှေ့၌ ဘုရားသခင်၏ ဝိညာဉ်ခုနစ်ပါးတည်းဟူသော မီးခွက်ခုနစ်လုံးတို့သည် ထွန်းလျက်ရှိကြ၏။-ထွ၊ ၁၉:၁၆။ ဗျာ၊ ၈:၅။ ၁၁:၁၉၊ ၁၆:၁၈။ ယေဇ၊ ၁:၁၃။ ဗျာ၊ ၁:၄။ ဇာ၊ ၄:၂။
6ပလ္လင်တော်ရှေ့၌လည်း၊ ကျောက်သလင်းနှင့် တူသော ဖန်ရေကန်ရှိ၏။ ပလ္လင်တော်၏ အတွင်း၌လည်းကောင်း၊ ပတ်ဝန်းကျင်၌လည်းကောင်း၊ မျက်စိနှင့် တစ်ကိုယ်လုံးပြည့်သော သတ္တဝါလေးပါးရှိ၏။-ယေဇ၊ ၁:၂၂၊ ၅-၁၀၊ ၁၀:၁၄။ 7ပထမသတ္တဝါသည် ခြင်္သေ့နှင့်တူ၏။ ဒုတိယ သတ္တဝါသည် နွားသငယ်နှင့်တူ၏။ တတိယသတ္တဝါသည် လူမျက်နှာရှိ၏။ စတုတ္ထသတ္တဝါသည် ပျံလျက်ရှိသော ရွှေလင်းတနှင့်တူ၏။- 8ထိုသတ္တဝါလေးပါးတို့၏ ကိုယ်ပတ်ဝန်းကျင်၌၊ တစ်ပါးတစ်ပါးလျှင် အတောင်ခြောက်ခုစီရှိ၍၊ အတွင်း၌ မျက်စိနှင့်ပြည့်ကြ၏။ သူတို့ကလည်း၊ အနန္တတန်ခိုးနှင့် ပြည့်စုံ၍၊ ပစ္စုပ္ပန်၊ အတိတ်၊ အနာဂတ်ကာလ အစဉ်ရှိတော်မူသော ထာဝရအရှင်ဘုရားသခင်သည် သန့်ရှင်းတော်မူ၏၊ သန့်ရှင်းတော်မူ၏၊ သန့်ရှင်းတော်မူ၏ဟု နေ့ညမပြတ် ငြိမ်၍မနေဘဲ ပြောဆိုကြ၏။-ယေဇ၊ ၁:၁၈၊ ၁၀:၁၂။ ဟေရှာ၊ ၆:၂-၃။ 9ပလ္လင်တော်ပေါ်မှာ ထိုင်၍ ကမ္ဘာအဆက်ဆက် အသက်ရှင်တော်မူသောသူ၏ ဘုန်းအသရေ၊ ဂုဏ်ကျေးဇူးတော်ကို ထိုသတ္တဝါတို့သည် ချီးမွမ်းကြသောအခါ၊- 10အသက်ကြီးသူ နှစ်ဆယ်လေးပါးတို့သည် ပလ္လင်တော်ပေါ်မှာ ထိုင်တော်မူသောသူရှေ့၌ ပျပ်ဝပ်လျက်၊ ကမ္ဘာအဆက်ဆက် အသက်ရှင်တော်မူသော သူကို ကိုးကွယ်လျက်၊- 11အိုထာဝရဘုရား၊ ကိုယ်တော်သည် ခပ်သိမ်းသောအရာတို့ကို ဖန်ဆင်းတော်မူပြီ။ ထိုအရာတို့သည် အလိုတော်ကြောင့်ဖြစ်၍ ဖန်ဆင်းလျက်ရှိကြပါ၏။ ထိုကြောင့်၊ ကိုယ်တော်သည် ဘုန်းအသရေ တန်ခိုးတော်ကို ခံစားထိုက်တော်မူ၏ဟု လျှောက်ဆို၍၊ ပလ္လင်တော်ရှေ့၌ မိမိတို့သရဖူများကို ချထားကြ၏။

ဗျာဒိတ်ကျမ်း - ၄ (အနက်ဖွင့်)

(ကဘုရားသခင်၏ ပလ္လင်တော်အခန်း )

          : ရှင်ယောဟန်အား ထက်ကောင်းကင်ဘုံမှ ဖိတ်ခေါ်သော အသံရှင်သည် ခရစ်တော်ဖြစ်သည်။ (:၁၀-၂၀)။ ရှင်ယောဟန် ကောင်းကင်ဘုံသို့ ဖိတ်ခေါ်ခြင်း ခံရခြင်းသည် အသင်းတော် ချီဆောင်ခြင်းကဲ့သို့ ဖြစ်မည်ဟု ကျမ်းစာလေ့လာသူများက ယုံကြည်ကြသည် (၁သက် ၄:၁၃-၁၈၊ ၁ကော ၁၅:၅၁-၅၃)။ သခင်ယေရှုအား ရှင်ယောဟန်အား နောက်ဖြစ်လတံ့သောအရာများကို ပြသမည်ဟုဆိုသည်။ ဤကျမ်းစကားသည် ၁:၁၉ နောက်ပိုင်းနှင့် ခပ်ဆင်ဆင်ဖြစ်၍ သင်ခန်းစာ ခေါင်းစဉ်အဖြစ်လည်း သုံးထားသည်။

၄:၂-၃ သန့်ရှင်းသော ဝိညာဉ်တော်က ယောဟန်အား အထူးခေါ်ဆောင်သဖြင့် ထာဝရဘုရားသခင်အား ဘုန်းတန်ခိုး ဖိတ်ဖိတ်တောက်ပြောင်လျက် ပလ္လင်တော်တွင် စိုးစံတော်မူကြောင်း မြင်တွေ့ခွင့်ရသည်။

အချို့ကျမ်းစာများတွင် “ထိုပလ္လင်တော်၌ ထိုင်သောသူ”ဟူသော စကားကို ချန်လှပ်ထားကြသည်။ ပလ္လင်တော်သည် နဂါးသွဲ့ကျောက်နှင့် ပတ္တမြားကျောက် အဆင်းအရောင်ရှိသည်။ ထိုကျောက်အရောင်အသွေးများသည် ကိုယ်တော်တိုင် ဖော်ပြခြင်းဖြစ်သည်။ ယဇ်ပုရောဟိတ်ဆရာကြီး၏ ရင်ဘတ်တွင် နဂါးသွဲ့ကျောက်စီထားရာ ယာကုပ်၏သားဦး ရုဗိမ်ကို ဖော်ဆောင်ခြင်းဖြစ်သည်။ ပတ္တမြားကျောက်သည် ယာကုပ်၏သားထွေး ဘင်ဂျမင်ကို ဖော်ဆောင်သည်။ ရုဗိမ်ဆိုသည်မှာ “ငါ့ချစ်သား”ဟု အဓိပ္ပာယ်ရ၍၊ ဘင်ဂျမင်ဆိုသည်မှာ “ငါ့ညာလက်ရုံးသား”ဟု အနက်ရသည်။ ထို့အပြင် အခြားကျောက်တုံးများကိုလည်း မြင်သည်။ ပလ္လင်တော်ပေါ်မှ လူသားတော်တို့နှင့် ဘုရားသခင်၏ လူများထဲမှ ဣသရေလလူမျိုးတို့ ဆက်နွယ်ပုံဖြစ်သည်။၁၂

ပတ်ဝန်းကျင်၌ မြကျောက်အဆင်းရှိသော သက်တန့်တွေ့ရ၏။ ထိုအဓိပ္ပာယ်မှာ အပြစ်စီရင်ခြင်း ရှိမည်ဖြစ်သော်လည်း ကတိတော်တည်မည့်အကြောင်း ဖြစ်သည်။

          : အသက်ကြီးသူနှစ်ဆယ့်လေးပါး ကိုမူ အသေအချာ မပြောနိုင်။ ဓမ္မဟောင်းနှင့် ဓမ္မသစ်ကာလမှ ရွေးကောက်ခြင်းခံရသူများ ကောင်းကင်သားအဖြစ် တွေ့မြင်ခြင်းဖြစ်မည်။ ဓမ္မသစ်ကာလမှ ရွေးကောက်သူများလည်းဖြစ်နိုင်သည်။ ထိုသူများသည် ဖြောင့်မတ်စင်ကြယ်ခြင်း အဖြူရောင်ဝတ်စုံကို ဝတ်ဆင်လျက် ရွှေသရဖူ ဆောင်းထားကြသည်။ စီရင်ခြင်းခံရပြီးသော သန့်ရှင်းသူ၊ ဆုလက်ဆောင် ရရှိသူများ ဖြစ်ပေမည်။

          : ပလ္လင်တော်တစ်ခုတည်း ထင်ထင်ရှားရှား ရှိသည်။ ပလ္လင်တော်ထဲက လျှပ်စစ်ပြက်၏ စကားသံ၊ မိုးကြိုးသံမြည်၏။ ပလ္လင်တော်ရှေ့၌ ဘုရားသခင်၏ ဝိညာဉ်ခုနှစ်ပါးတည်းဟူသော မီးခွက် ခုနှစ်လုံးထွန်းထား၏။ ဘုရားသခင်၏ ဝိညာဉ်တော် တပါးတည်းရှိသော်လည်း ခုနှစ်ပါးဆိုခြင်းမှာ ပြည့်စုံလုံလောက်ခြင်းဖြစ်သည်။

: ကျောက်သလင်းနှင့်တူသော ဖန်ရေကန်လည်းရှိသည်။ ဆိုလိုသည်မှာ ပလ္လင်တော်သည် အနှောင့်အယှက်၊ ပယောဂ၊ ဆန့်ကျင်ဘက်အရာများက မထိပါးနိုင်သော နေရာတွင်ရှိနေသည်။

ပလ္လင်တော်လေးမျက်နှာ၌ တကိုယ်လုံးတွင် မျက်စိရှိသော သတ္တဝါလေးပါးရှိ၏။ အဓိပ္ပါယ်မှာ ကြည်လင်ခြင်း၊ အမြင်ကျယ်ခြင်းနှင့် ထွင်းဖောက်သိမြင်ခြင်းဖြစ်သည်။

: သတ္တဝါလေးခုအား ရှင်းပြရန် အခက်အခဲရှိသည်။ အားလုံးလက်ခံနိုင်လောက်အောင် ပြောနိုင်သည်မှာ ဘုရားသခင်အား ခစားကိုးကွယ်သူများ ဖြစ်သည်ဟူ၍သာ ပြောရမည်။ ယေဇကျေလ ၁၀တွင် ဖော်ပြသော ခေရုဗိမ်နှင့် ဟေရှာယ ၆မှ ရှေဖရိမ် ပေါင်းစပ်ခြင်းနှင့်တူပါသည်။ အငယ်၇တွင် ခေရုဗိမ်ကို ဖော်ပြ၍ အငယ် ၈တွင် ရှေဖရိမ်၏ ပုံပေါ်သည်။ ထိုကောင်းကင်သားများသည် ဘုရားသခင် ပလ္လင်တော် အစောင့်များဖြစ်သည်။ ခေရုဗိမ်သည် မီးရှို့အပြစ်စီရင်ခြင်းကို ပုံဆောင်၍ ရှေဖရိမ်သည် မီးဖြင့်စင်ကြယ်ခြင်းကို  ပုံဆောင်သည်။

အငယ်၇၏ ဖော်ပြချက်ကို ခရစ်ဝင်ကျမ်းနှင့် နှိုင်းယှဉ် ဖော်ပြကြည့်ကြရအောင်။

ခြင်္သေ့              –  မဿဲ             –  ဘုရင်

နွား                 –  မာကု             –  အစေခံ

လူ                  –  လုကာ           –  လူသားတော်

ရွှေလင်းတ     –  ယောဟန်       – ဘုရားသားတော်

ထိုအသက်ရှင်သောသတ္တဝါများသည်ထာဝရဘုရားသခင်၏ မြင့်မြတ်ခြင်းအကြောင်းကို တချိန်လုံး ချီးမွမ်း သီဆိုကြသည်။ Majority ကျမ်းစာများတွင် မြင့်မြတ်စင်ကြယ်ခြင်းဟူသော စကားလုံးကို (၉)ကြိမ် တိတိဖော်ပြထားသည်။

          :၁၀ ကမ္ဘာအဆက်ဆက် အသက်ရှင်တော်မူသော ဘုန်းအသေရေတော်၊ ဂုဏ်ကျေးဇူးတော်ကို ထိုသတ္တဝါများက ချီးမွမ်းကြသောအခါ၊ အသက်ကြီးသူ နှစ်ဆယ့်လေးပါးတို့သည် ပလ္လင်တော်ပေါ်တွင် စိုးစံနေသော သူရှေ့တော်၌ ပြပ်ဝပ်ကိုးကွယ်ကြသည်။

          :၁၁ အလိုတော်ကြောင့် ဖန်ဆင်းထားပါ၏။ ကိုယ်တော်သည် ဘုန်းအသေရေ တန်ခိုးတော် ခံစားထိုက်ပါ၏ဟု ချီးမွမ်း၍ ပလ္လင်တော်ရှေ့၌ မိမိတို့ သရဖူများ ချထားကြသည်။ အဘယ့်ကြောင့်ဆိုသော် ထိုသခင်ဘုရားက အရာခပ်သိမ်းတို့ကို ဖန်ဆင်းထားပါသည်။

ထိုဗျာဒိတ်ရူပါရုံက မည်သည့် သင်ခန်းစာများကို ပေးပါသနည်း။ ဘုန်းတန်ခိုး အာနုဘော် အပြည့်အလျှံဖြင့် စကြာဝဠာ တစ်ခုလုံးကို  အုပ်စိုးတော်မူသော အဘဘုရားသခင်သည် ပလ္လင်တော်ပေါ်တွင် စိုးစံနေကြောင်း သတ္တဝါများက ဝိုင်းရံချီးမွမ်း ကိုးကွယ်နေကြကြောင်းနှင့် ကမ္ဘာကြီးကို အမူစီရင်မည့်အကြောင်း ဖြစ်သည်။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက  http://bbcmm.net/the-believers-bible-commentary  တွင် လေ့လာနိုင်ပါသည်။

[post-views]

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။