ဆာ ၆၁၊ အကျွန်ုပ်ထက်မြင့်မားသောကျောက်ဆောင်

          ဒါဝိဒ်သည်အံ့သြဘွယ်ရာကောင်းလောက်အောင် ဘုရားသခင်နှင့်ဆက်နွယ်နေသည်။ သူအတွက် ဘုရားသခင်သည်-

• အသက်ရှင်နေသောအမှန်တရား

ယုံကြည်ခြင်းရူပါရုံ

လောကသားများမမြင်နိုင်သောအရာ

ပိုမိုနီးကပ်လေ၊ ပိုမိုတန်ခိုးရလေ

လောကအသက်ထက်နှောင်ဖွဲ့စရာဖြစ်သည်။

ရှေးစာဆိုတစ်ဦး

အထူးသဖြင့်ဘေးဒုက္ခရောက်သည့်ကာလ၊ မျှော်လင့်ချက်ကုန်ဆုံးချိန်များတွင် ဝန်ထုပ်ဝန်ပိုး များကိုအထံတော်သို့ချ၍ အနားယူသည်။

ယခုအကြပ်အတည်းတမျိုးကြုံရပြန်ပြီ။ သောကဗျာပါဒစီး၍ရတက်ပွေနေသည်။ ထိုအပြစ် ဆိုးမှလွတ်မြောက်ရန် ဆုတောင်းနေရသည်။ ယုံကြည်သူများသည်လည်း ပြဿနာပေါင်းတသောင်း ခြောက်ထောင်ကြုံဆုံရတတ်သည်။ နှုတ်ဖြင့်မဖော်ပြနိုင်လောက်အောင်ရင်ထဲ၌ မွမ်းကြပ်စွာခံစားရ တတ်ပါသည်။

၆၁:၁ ဒါဝိဒ်သည် ရင်းနှီးသောအသံဖြင့်ဆုတောင်းနေသည်။

အိုဘုရားသခင်အကျွန်ုပ်အော်ဟစ်ခြင်းကို နားထောင်၍အကျွန်ုပ်ပဌနစကားကို မှတ်တော်မူ ပါ။

          ၆၁:၂ စိတ်နှလုံးညှိုးငယ်လျက်မြေကြီးစွန်းမှ ကိုယ်တော်ကိုအကျွန်ုပ်အော်ဟစ်ပါ၏။

          မြေကြီးစွန်းဆိုသည်မှာ လူ့မျက်စိဖြင့်လှမ်းမြင်ရသောနေရာကိုဆိုလိုသည်။ ဘုရားသခင်၏ ကျေးဇူးတော်အားဖြင့်သာ အသက်ရှင်နေရကြောင်းသိသည်။ သို့ကြောင့်ကိုယ်တော်နှင့်နီးကပ်စွာ အသက်ရှင်လိုသည်။ ဆရာကြီးတပါးကမူ “ဆုတောင်းခြင်းကို ဟန့်တားကန့်ကွက်ခြင်းသည် အဓိပ္ပါယ်မဲ့လုပ်ရပ်ဖြစ်သည်” ဟုဆိုသည်။

အကျွန်ုပ်အထက်၌မြင့်သောကျောက်သို့ အကျွန်ုပ်ကိုပို့ဆောင်တော်မူပါ။

          လူ့အစွမ်းအစထက်မြင့်မားသောမှီတင်းခိုလှုံရာ ကျောက်ဆောင်ဆိုအပ်ကြောင်း ဒါဝိဒ်သိ သည်။ ထိုကျောက်ဆောင်သည် ဒါဝိဒ်အရည်အချင်းအစွမ်းအစထက်မြင့်မားရသည်။ ဘုရားသခင်၏ လမ်းပြမှုလိုအပ်နေသည် ။ထိုကျောက်ဆောင်သည် ဘုရားရှင် (၂ရာ၂၂:၃၂)ကိုဆိုလိုသည် ။ သမ္မာကျမ်းစာတွင် လူကိုကျောက်ဆောင်အဖြစ် တင်စားသုံးနှုန်းခြင်းမပြု။၄၅ ထိုကျောက်ဆောင် သည်လူထက်မြင့်မားသည်။ ပညာရှိသူခမိန်များထက်လေးနက်သည်။ ယေရှုသခင်၏ဖာတိတော်ကို ဆိုလိုသည်။ (ရန်သူဘေးရန်မှပုန်းကွယ်နိုင်သောနေရာကို ကျောက်ဆောင်ဟုသာမန်အားဖြင့် ခေါ်ဝေါ်လေ့ရှိသည်)။ နောက်ဆုံးတွင် ဒါဝိဒ်သည်သူ့ဉာဏ်ပညာအစွမ်းအစ၊ ခွန်အားဖြင့်မရပ်တည် နိုင်ကြောင်းသိရှိသည်။ သို့ကြောင့်ဘုရားသခင်အားသူ့ကို ဦးဆောင်ပါရန်တောင်းပန်သည်။

၆၁:၃ ကိုယ်တော်သည် အကျွန်ုပ်ခိုလှုံရာ၊ ရန်သူတို့ရှေ့မှာခိုင်ခံသောရဲတိုက် ဖြစ်တော်မူ၏။

          ဤကျမ်းစကားအရဘုရားသခင်သည် ကျောက်ဆောင်အဖြစ်ခံယူကြောင်းပိုမိုထင်ရှားသည်။ ဒါဝိဒ်သည်ဘုရားရှင်ကို ဒုက္ခရောက်သူတို့ခိုလှုံရာ၊ ဖြောင့်မတ်သူတို့ဘေး ကင်းရာမျှော်စင် (သု၁၈:၁၀)အဖြစ် ခိုလှုံသည် ။တွေ့မြင်ဖြတ်သန်းခဲ့သည့်အတိုင်း ယုံကြည်အားကိုးသည်။

၆၁:၄ တဲတော်၌ အစဉ်နေပါမည်

                   အတောင်တော်ဖုံးအုပ်ရာ၌ခိုလှုံပါမည်။                    (Selah)

          ထိုသို့ယုံကြည်စိတ်ချစွာဆုတောင်းသူများသည် ဘုရားသခင်၏ပလ္လင်တော်ကို တို့ထိသူများ ဖြစ်သည်။ အားကိုးတကြီးဆုတောင်းသံများကို ဘုရားရှင်ကငြင်းပယ်ရိုးမပြု။ ဒါဝိဒ်သည်ဘုရား သခင်၏စိတ်တော်နှင့်ထိတွေ့သောကြောင့် ဘုရားရှင်ကခေါ်ထားသူဖြစ်သည်။ (၁ရာ ၁၃:၁၄)။ အတောင်တော်ဖုံးအုပ်ရာဆိုသည်မှာ ခေရုဗိမ်တောင်ပန်များဖုံးအုပ်ရာ ကရုဏာပလ္လင်တော်ကို ဆိုလိုသည်။

၆၁:၅ အိုဘုရားသခင်။ အကျွန်ုပ်ပြုသော သစ္စာကတိတို့ကိုကြားတော်မူ၏။ နာမတော်ကို ကြောက်ရွံ့သောသူတို့၏ အမွေကိအကျွန်ုပ်အားပေးတော်မူလိမ့်မည်။

          ဓမ္မာဟောင်းကျမ်းတွင် အမွေသည်ကတိတော်လာခါနာန်မြေ (ထွ ၆:၈)၊ ဣသရေလလူ (ဆာ ၉၄:၅)၊ နှုတ်ကပတ်တော် (ဆာ ၁၁၉:၁၁၀)၊ မိသားစုဝင်သားသမီး (ဆာ ၁၂၇:၃) ဘေးရန်မှကင်း လွတ်ခွင့် (ဟေရှာ ၂၄:၁၇)၊ တဲတော်သို့မဟုတ် ဗိမာန်တော် (ယေ ၁၂:၇)တို့ကိုရည်ညွှန်းသည်။ ဤကျမ်းချက်တွင်မူ ဘုရားသခင်၏တဲတော်၊ တဲတော်ရှိခေရုဗိမ်ကိုဆိုလိုသည်။ ယနေ့ခေတ်ကာလ တွင်ဘုရားသခင်ကို ချစ်ကြောက်သူများသည် ထာဝရအမွေခံကြသည် (ကော ၁:၁၂)။

၆၁:၆–၇ ရှင်ဘုရင်၏အသက်နေ့ရက်ကာလ          

ကို ရှည်တော်မူ၍နှစ်စဉ်မပြတ်နိစ္စ 

ထာဝရတည်ပါစေသာ။

                   ဘုရားသခင်ရှေ့တော်၌အနန္တကာလ

                   ပတ်လုံးနေစေတော်မူတည်း။

                   ကရုဏာနှင့်သစ္စာတော်သည် သူ့ကို

                   စောင့်မစေသတည်း။

          ဤကျမ်းချက်သည် စိတ်ဝင်စားဘွယ်ရာကောင်းသည်။ ဒါဝိဒ်သည်ပထမလူမှ တတိယလူ အဖြစ်သို့ပြောင်းလဲ စကားဆိုသည်။ သူ့အပေါ်သို့ဘုရားသခင်၏ ပဋိညာဉ်ပြည့်စုံမည့်အကြောင်း သံသယမရှိ(၂ရာ၇)။ သူ့စကားများသည် အခြားသောရှင်ဘုရားများသို့လည်း သက်ရောက်စေသည်။ ဒါဝိဒ်အတွက်ရည်မှတ်လျှင် အသက်ရှည်ဖို့နှင့် နိုင်ငံတော်အဓွန့်ရှည်တည်တံ့ဖို့ ဆုတောင်းကြောင်း နားလည်နိုင်သည်။ သခင်ယေရှုအတွက်ဟု ရည်မှတ်လျှင်အောက်ပါအတိုင်း နားလည်ရသည်

ညှဉ်းပန်းနှိပ်စက်ခြင်းခံရသော်လည်း ကိုယ်တော်၏အသက်သည် အဆုံးမရှိနိုင် (ဟေဗြဲ ၇:၁၆)။

ခေတ်အဆက်ဆက်သို့ ထင်ရှားမည် (ဟေဗြဲ ၁:၁၂)။

ဘုရားသခင်ရှေ့တွင် ထာဝရသရဖူဆောင်းလိမ့်မည် (ဟေဗြဲ ၁:၈)။

ချစ်ခြင်းမေတ္တာတော်နှင့် သစ္စာတော်တို့က ကိုယ်ရံတော်တပ်မှူးများသို့နှယ် အစဉ်ဝန်းရံသည် (ဆာ ၉၁:၁.၁၆)။

ရှေးယုဒကျမ်း Targum တွင်မေရှိယသခင်ကို ထိုသို့တွေ့မြင်ခဲ့သည်။

၆၁:၈  သို့ဖြစ်၍ နေ့ရက်စဉ်တိုင်း

သစ္စာဝတ်ကိုဖြေခြင်းငှာ

နာမတော်ကို အစဉ်အမြဲ

ထောမနာသီချင်းဆိုပါလေအံ့နည်း။

ဆာလံဆရာကဆာလံသီချင်းကို တက်ကြွစွာနှင့်လှစ်၍တည်ငြိမ်စွာနိဂုံးချုပ်သည်။ ဆာလံဆ ရာသည်သို့ထက်မြင့်မားသော ကျောက်တော်ကိုတွေ့ခဲ့သည်။ သို့ကြောင့်ထိုကျောက်ဆောင်ကိုအတော မသတ်ချီးမွမ်းမည်။ သစ္စာဝတ်ဖြေမည်။ အမှုတော်ကိုလိုလားစွာ ဆက်ကပ်မည်။ ဘေးဒုက္ခရောက် သည့်ကာလ၌ကဗျာဖြင့် ကယာယဇ်ပူဇော်၍ ပွဲပြီးမီးသေခြင်းမျိုးမဟုတ်။ နှုတ်ဖြင့်တဖွဖွချီးမွမ်းထော မနာပြုနေမည်။

ဆာ ၆၁ ကို ဂီတစာဆိုတပါးက ဤသို့ဖွဲ့ဆိုထားသည်

တခါတလေအရိပ်တွေမှောင်မဲ

ရည်မှန်းချက်မမြင်မမှောင်မိုက်

မငိုနိုင်အောင်ရိုက်ပြီးလှိုက်ဖိုခဲ့

စိတ်နှလုံးနယ်မှာ မုန်တိုင်းထန်ခဲ့ပေါ့။

ထိုစဉ်ကျောက်ဆောင်နားဝဲလာ

ငါ့ထက်မြင့်မားတဲ့ကျောက်ဆောင်

တရံတခါ ရှည်လွန်းလှတဲ့နေ့ရက်တွေ

ခြေဖျားထိအောင် ချွေးစက်ကြွေ

တကိုယ်လုံးလိမ်းကျံပေလည်း

ကျောက်ဆောင်ရိပ်မှာ ခိုလှုံချမ်းမြေ့ပါဘိ။

အို၊ အသင်ကျောက်ဆောင်ချမ်းမြေ့ပါဘိ ငြိမ်းပါဘိ။

ဝမ်းနည်းခြင်းကို ဖယ်ရှားပေးပါ

ကျောက်ဆောင်အထပ်ထပ်အသွယ်သွယ်

အရိပ်ချမ်းမြေ့ပါဘိ၊ လုံပါဘိ။

Eratus Johnson.