ဆာ ၁၀၀ ဂန္တ၀င်ရာပြည်

Geneva Psalter (1551)မှ ဂန္တ၀င်ရာပြည့် တေးသွားကို လူတိုင်းသိရှိ သီဆိုကြပါသည်။ ထိုသီချင်း သည် လောကသားအပေါင်းအား ယေဟောဝါဘုရားသခင်ကို ကိုးကွယ်ဖို့ ပင့်ဖိတ်တေးဖြစ်သည်။ ဣသရေလ လူမျိုးများသာဟု ကျဉ်းမြောင်းသောအယူအဆ အုတ်တံတိုင်းကိုကျော်လွန်၍ အနယ်နယ်အရပ်ရပ်ရှိ တပါးအမျိုးသားများကိုလည်း ဖိတ်ခေါ်သည်။ ထိုအကြောင်းကို Barnes က ဤသို့ရေးထားသည်-

ချီးမွမ်းကိုးကွယ်ခြင်းသည် မောင်ပိုင်စီးစရာမဟုတ်။  တဦးတည်းပိုင် တယောက်တည်းဆိုင်သည် မဟုတ်။ ဟေဗြဲလူမျိုးများသာ ပိုင်ဆိုင်သော အမွေဆိုင်မဟုတ်။ လောကလူသားအားလုံးနှင့် ဆိုင်သည်။ ဘာသာစကားအမျိုးမျိုးဖြင့် ကိုယ်စီကိုယ်ငှ ချီးမွမ်းနိုင်သည်။ အဓိကအချက်မှာ ဖန်ဆင်းရှင်သခင် တပါးတည်းရှိ ၍ ထိုအရှင်ကို ၀န်ခံချီးမွမ်းရသည်။

ကျမ်းပိုဒ်(၅)ပိုဒ်သာပါရှိ၍ ၀တ်ပြုကိုးကွယ်ကြဖို့ တိုက်တွန်းသည်။ စကားလုံးများ ရိုးစင်းသည်။ အရှည်လျားဆုံးစကားမှာ ကျေးဇူးတော်ချီးမွမ်းခြင်း၊ ထာ၀ရတည်တံ့ခြင်း၊ သားစဉ်မြေးဆက်အဆက်ဆက် တို့ဖြစ်သည်။ ဝေါဟာရအားလုံး အသုံးအနှုန်းဘာသာစကားကြောင့် ရှည်လျားထွေပြားခြင်း ဖြစ်နိုင်သည်။ အဓိကဆိုလိုချက်မှာ ၀တ်ပြုကိုးကွယ်ခြင်းဖြစ်သည်။ စကားလုံးတိုင်းသည် လေးနက်သိမ်မွေ့သည်။ ရိုးစင်းသည်။ ရိုးစင်းသောစကားသည် အထူးအဆန်းထက် ရေရှည်ခံသည်။ ဆာလံကျမ်းပါ အောက်ပါ စကားရပ်များကို ကြည့်ပါ။

၀တ်ပြုကိုးကွယ်ကြစို့      (ငယ် ၁-၂)

အဘယ့်ကြောင့်ကိုးကွယ်ရပါ့        (ငယ် ၃)

၀တ်ပြုကိုးကွယ်ကြစို့      (ငယ် ၄)

အဘယ့်ကြောင့်၀တ်ပြုကိုးကွယ်ရပါ့         (ငယ် ၅)

၀တ်ပြုကိုးကွယ်ခြင်းပုံစံ (၇)မျိုးကိုအောက်ပါအတိုင်းရှင်းပြထားသည်-

၀မ်းမြောက်စွာကြွေးကြော်ခြင်း    (ငယ် ၁)

အမှုတော်ကို၀မ်းမြောက်စွာဆောင်ရွက်ခြင်း (ငယ် ၂က)

ရှေ့တော်မှာသီဆိုချီးမွမ်းခြင်း (ငယ် ၂ခ)

ကျေးဇူးတော်၀န်ခံလျက်တံခါးတော်ထဲသို့တိုး၀င်ခြင်း (ငယ်၄က)

ချီးမွမ်းလျက်တံတိုင်းတော်ထဲသို့၀င်ခြင်း (ငယ် ၄ခ)

ကျေးဇူးတော်ချီးမွမ်းခြင်း (ငယ် ၄ဂ)

နာမတော်ကောင်းချီးပေးခြင်း (ငယ် ၄ဃ)

ကိုယ်တော်ကို ချီးမွမ်းထောမနာပြုရသည်။ အဘယ့်ကြောင့်ဆိုသော ကိုယ်တော်သည် ချီးမွမ်း ထိုက်သော အရှင်ဖြစ်သည်။ ကိုယ်တော်သည် လူတို့၏

အရှင်သခင်        (ငယ် ၁)

ဘုရားရှင်တော်   (ငယ်၃က)

ဖန်ဆင်းရှင်        (ငယ် ၃ခ)

ပိုင်ရှင်               (ငယ် ၃ဂ)

သိုးထိန်း            (ငယ် ၃ဃ)ဖြစ်သည်။

ကိုယ်တော်ကိုချီးမွမ်းဂုဏ်ပြုရသည်။ အဘယ်ကြောင့်ဆိုသော် အောက်ပါအချက်များပြည့်စုံသည်-

ကိုယ်တော်သည်ကောင်းမြတ်သည် (ငယ် ၅)

ကရုဏာသည် ထာ၀ရတည်တံ့သည် (ငယ် ၅)

သစ္စာတော်သည် ကာလအဆက်ဆက်တည်တံ့သည် (ငယ် ၅)

ပထမကျမ်းပိုဒ်ငယ် (၃)ခုတွင် ဘုရားသခင်သည် ဖန်ဆင်းရှင်ဖြစ်၍ ကိုးကွယ်ရသည်။ နောက်ဆုံး ကျမ်းပိုဒ်(၂)ခုတွင်မူ ဘုရားရှင်၏ကောင်းမြတ်ခြင်း၊ ကရုဏာတော်နှင့် သစ္စာတော်ကြောင့် ကိုးကွယ်ရသည်ဟု ဆိုသည်။ ထိုအကြောင်း (၃)ချက်ကို ကရာနီကုန်းပေါ်တွင် အထင်အရှားတွေ့မြင်ရသည်။

ဂြိုလ်ကမ္ဘာအားလုံးက ကိုယ်တော်၏ဘုန်းတန်ခိုးကို ၀န်ခံကြ၊

            ပညာတော်ကို အမှုတော်ဖြင့် တွေ့မြင်ရကြ၊

            သို့သော်မေတ္တာတော်သည် ပြောမဆုံးပေါင်

တောသုံးတောင်

            ယေရှုအမှုတော် ကောင်းမြတ်ပြည့်စုံလှ။

Samuel Medlay

အပိုဒ်ငယ် (၃)ခုသည် မမေ့အပ်စရာ အသက်တာ ရွှေကျမ်းချက်ဖြစ်သည်။ ဘုရားသခင်သည် လက်လှမ်းမမှီသောကြောင့် မြင့်ရာအရပ်၌ စိုးစံသည်။ သို့သော် ငါတို့သည် ဘုရားသခင်လူ ဖြစ်သောကြောင့် နီးစပ်ကြပြန်သည်။ အဘယ်သို့ဆိုသော် ငါတို့ကြားတွင် ရှိတော်မူသည်။ သို့ကြောင့်လည်း ဆာလံဆရာသည် စိုးရိမ်ကြောက်လန့်ခြင်းမရှိ။ ၀မ်းမြောက်ရွှင်လန်းစွာ သီဆိုချီးမွမ်းနိုင်သည်။

ဘုရားသခင်နှစ်သက်တော်မူရာ ဆာလံသီချင်းဖြစ်သည်။ ၀မ်းမြောက်ဘွယ်ရာသတင်းစကား ဖြစ်ကြောင်း တေးဖွဲ့သီဆိုကြပါစို့။

            ကမ္ဘာလူသားအပေါင်းတို့လေ

            ၀မ်းမြောက်ရွှင်လန်းစွာ ချီးမွမ်းသီဆိုကြစို့၊

            အမှုတော်ထမ်း၍ ထောမနာပြုစို့

အထံတော်ရှေ့မှာ ၀ပ်တွားကြစို့လေ။

ဘုရားသခင်ပြုတော်မူသောအမှုကို ရေတွက်လေ

လူ့လက်မပါဘဲ အံ့ဘွယ်ပြုခဲ့ပေ

ကိုယ်တော်၏သိုးများကျွေးမွေးလို့

အထံတော်သို့ ခစားကြပါစို့လေ။

အိုချီးမွမ်းဖို့ တံခါးတော်သို့၀င်စို့လေ

တံတိုင်းတော်သို့ ရွှင်လန်းစွာ၀င်စို့လေ

နာမတော်ကိုအစဉ်ချီးမွမ်းလို့

ရွှင်လန်းကြပါစို့လေ။

ပဇာနည်း၊ ကိုယ်တော်ကောင်းမြတ်ပေ

ကရုဏာတော်သည် သေချာလို့

သစ္စာတော်သည် အစဉ်တည်မြဲပေ

ခေတ်ကာလအဆက်ဆက်တည်မြဲလေ။

                                                                                                            Scottish Psalter