ယောဘ၀တ္ထု - ၄၂

ယောဘ၏နှိမ့်ချခြင်းနှင့်ကျေနပ်ခြင်း
1ယောဘသည် ထာဝရဘုရားအား ပြန်လျှောက်သည်ကား၊ 2ကိုယ်တော်သည် အလုံးစုံတို့ကို တတ်နိုင်တော်မူကြောင်းကိုလည်းကောင်း၊ အကြံအစည်တော်ကို အဘယ်သူမျှ မဆီးတားနိုင်ကြောင်းကိုလည်းကောင်း အကျွန်ုပ်သိပါ၏။ 3ပညာမရှိဘဲ အကြံအစည်တော်ကို မိုက်စေသောသူကား အဘယ်သူနည်း။ သို့ရာတွင် အကျွန်ုပ်သည် နားမလည်သော အရာတို့ကိုလည်းကောင်း၊ ကိုယ်တိုင်မသိ၊ အံ့ဩ၍မကုန်နိုင်သော အရာတို့ကိုလည်းကောင်း ပြောမိပါပြီ။ယောဘ၊ ၃၈း၂။ 4နားထောင်တော်မူပါ။ အကျွန်ုပ် လျှောက်ပါမည်။ အကျွန်ုပ်မေးလျှောက်သော အရာတို့ကို သွန်သင်တော်မူပါ။ယောဘ၊ ၃၈း၃။ 5သတင်းတော်ကို အကျွန်ုပ်သည်နားနှင့် ကြားဖူးပါပြီ။ ယခုမူကား၊ ကိုယ်တော်ကို မျက်စိနှင့် မြင်ရပါ၏။ 6ထိုကြောင့် အကျွန်ုပ်သည် ကိုယ်ကိုရွံရှာပါ၏။ မြေမှုန့်နှင့် မီးဖိုပြာ၌ထိုင်၍ နောင်တရပါ၏ဟု လျှောက်လေ၏။
7ထိုသို့ထာဝရဘုရားသည် ယောဘအားမိန့်တော်မူပြီးမှ၊ တေမန်အမျိုးသား ဧလိဖတ်အားလည်း သင်နှင့် သင်၏အဆွေခင်ပွန်းနှစ်ယောက်ကို ငါအမျက်ထွက်၏။ အကြောင်းမူကား၊ ငါ့ကျွန်ယောဘသည် ငါ့အကြောင်းအရာတို့ကို ဟုတ်မှန်စွာပြောသကဲ့သို့ သင်တို့သည်မပြော။ 8သို့ဖြစ်၍ နွားထီးခုနစ်ကောင်နှင့် သိုးထီးခုနစ်ကောင်တို့ကို ယူပြီးလျှင်၊ ငါ့ကျွန်ယောဘထံသို့ သွား၍၊ မိမိတို့မီးရှို့ရာယဇ်ကို ပူဇော်ကြလော့။ ငါ့ကျွန်ယောဘသည် သင်တို့အဖို့ ဆုတောင်းရမည်။ သူ၏မျက်နှာကို ငါထောက်မည်။ သို့မဟုတ် ငါ့ကျွန်ယောဘသည် ငါ့အကြောင်းအရာတို့ကို ဟုတ်မှန်စွာပြောသကဲ့သို့၊ သင်တို့သည် မပြောသောအပြစ်နှင့် အလျောက် ငါစီရင်မည်ဟု မိန့်တော်မူ၏။ 9ထိုသို့ ထာဝရဘုရား မှာထားတော်မူသည်အတိုင်း တေမန်အမျိုးသား ဧလိဖတ်၊ ရှုအာအမျိုးသား ဗိလဒဒ်၊ နေမတ်အမျိုးသား ဇောဖာတို့သည် သွား၍ပြုကြ၏။ ထာဝရဘုရားသည်လည်း ယောဘ၏မျက်နှာကို ထောက်တော်မူ၏။
ယောဘပြန်လည်ကြွယ်၀ခြင်း
10ယောဘသည် အဆွေခင်ပွန်းတို့အဖို့ ဆုတောင်းပြီးမှ၊ သူခံရသောဒုက္ခအကြောင်းကို ထာဝရဘုရားသည် ပယ်ရှင်း၍၊ အရင်ထက် နှစ်ဆသောဥစ္စာကို ပေးတော်မူ၏။ 11ထိုအခါ သူ၏ညီအစ်ကိုနှမများ၊ အရင်သိကျွမ်းသောသူများ၊ အပေါင်းတို့သည် သူ့ထံသို့လာ၍ သူ၏အိမ်၌ သူနှင့်အတူ စားသောက်ကြ၏။ သူ့အပေါ်မှာ ထာဝရဘုရား ရောက်စေတော်မူသော ဒုက္ခဆင်းရဲရှိသမျှကို အောက်မေ့၍ သူနှင့်အတူ ညည်းတွားခြင်းနှင့် နှစ်သိမ့်စေခြင်းကို ပြုကြ၏။ ထိုသူအပေါင်းတို့သည်လည်း၊ ငွေတစ်ပြားစီနှင့် ရွှေနားတောင်းတစ်ဖက်စီ ပေးကြ၏။
12ထိုသို့ ထာဝရဘုရားသည် ယောဘ၏ရှေ့ဖြစ်ဟန်ကို ကောင်းချီးပေးတော်မူသည်ထက်၊ နောက်ဖြစ်ဟန်ကိုသာ၍ ကောင်းချီးပေးတော်မူသဖြင့်၊ သူသည် သိုးတစ်သောင်းလေးထောင်၊ ကုလားအုတ်ခြောက်ထောင်၊ နွားရှဉ်းတစ်ထောင်၊ မြည်းမတစ်ထောင်ကို ရတတ်၏။ 13သားခုနစ်ယောက်နှင့် သမီးသုံးယောက်ကိုလည်း ရပြန်၏။ 14သမီးကြီးကား၊ ယေမိမ၊ သမီးလတ်ကား ကေဇိ၊ သမီးငယ်ကား ကေရင်္ဟပ္ပုတ် အမည်ရှိသတည်း။ 15တစ်ပြည်လုံး၌ ယောဘ၏ သမီးကဲ့သို့ လှသောမိန်းမ တစ်စုံတစ်ယောက်မျှမရှိ။ သူတို့၏အဘသည် သူတို့မောင်များနှင့် အညီအမျှ သူတို့အားအမွေဥစ္စာကို ဝေပေးလေ၏။
16ထိုနောက် ယောဘသည် အနှစ်တစ်ရာလေးဆယ် အသက်ရှင်၍ မိမိသား၊ မြေး၊ မြစ်တို့ကိုပင် မြင်ရပြီးမှ၊ 17အသက်ကြီးရင့်၍ နေ့ရက်ကာလနှင့်ကြွယ်ဝသော်၊ အနိစ္စ ရောက်လေ၏။
ယောဘဝတ္တုပြီး၏။

ယောဘ၀တ္ထု - ၄၂ (အနက်ဖွင့်)

(ဃ) ယောဘ၏နှိမ့်ချဝန်ခံသောစကား(၄၂:၁-၆)

၄၂း ၁-၆ ယောဘသည် အဆံမရှိ၊ မခွံချည်းသာဖြစ်သည်း။ အနှစ်မရှိအကာသာဖြစ်သည်။ ဘုရားသခင်၏ အချုပ်အခြာ အာဏာကြီးမားပုံကို သိရှိသွားသည်။ မလိမ်မိုးမလိမ္မာဖြစ်သည်ပြောမိခဲ့ကြောင်း ဝန်ခံသည်။ ကြားရုံသာမက မျက်ဝါးထင်ထင်တွေ့မြင်ရပြီး။ သို့ဖြစ်သူ့ကိုသူမုန်းမိသည်။ သူ့ဘဝသည် ဖုန်မှုန့်နှင့်ပြာမျှသာဖြစ်ကြောင်း နောင်တရသည်။ ဘုရားသခင်ကို မျက်ဝါးထင်ထင် မတွေ့မြင်ရသော်လည်း ဘုရားသခင်၏ ဉာဏ်ပညာတော် တန်ခိုးဖန်ဆင်းထားသောအရာများ စောင့်ရှောက်ပုံ ဘုရားသခင်၏ ကြီးမြတ်ပုံတို့ကို တွေ့မြင်ရပြီ။

၁:၁ တွင်ယောဘသည် အပြစ်တင်စရာမရှိသူ ဟုဆိုခဲ့သော်လည်း။ ကျမ်းစာအဆုံးတွင် သူ့ကိုသူ အုတ်ကြားမြက်ပေါက်၊ ရေမျှောကမ်းတင်ဖြစ်ကြောင်း ဝန်ခံသည်။ ဘုရားတရားသိသော ဘုရားသခင်၏ လူသားများ မိမိဘဝတွင် ရွေးချယ်ရမည် နမူနာပုံစံဖြစ်သည်။ ဆရာကြီး D.L Moody က “မိမိကိုယ်တိုင် တွေ့မြင်သဘောပေါက်လျှင်ပိုမိုပြည့်စုံသည်”၄၅ ဟုဆိုသည်။

၅။ နှုတ်ဆက်ခြင်း။ ယောဘအောင်ပွဲခံခြင်း(၄၂:၇-၁၇)

(က) ယောဘ၏မိတ်ဆွေများ အလင်းဝင်လာကြခြင်း (၄၂:၇-၉)

ဘုရားသခင်သည် ယောဘ၏ မိတ်ဆွေ ဧလိဖတ်နှင့် အခြားနှစ်ဦး၄၆ တို့၏ သောက်တလွဲပြောဆိုမှုများကိုလည်း အပြစ်ဆိုသည်။ ယောဘ၏ အနာရောဂါသည် အပြစ်ဒုစရိုက်၏ အဖြေဖြစ်ကြောင်း တလွဲတချော်ဆိုခဲ့ကြသည်။ ယောဘ၏ အနာရောဂါ လူးလှိမ့်ခံစားခြင်းသည် သူတို့ပြောသကဲ့သို့ မဟုတ်ပါ။ ဘုရားသခင်၏ အကြံအစည်ဖြစ်သည်။ သို့ကြောင့် အမှောက်အမှားများပြောဆိုခဲ့မှုများအတွက် ယစ်ပူဇော်ရမည်။ နွားခုနှစ်ကောင်၊သိုးခုနှစ်ကောင် ဖြစ် မီးရှို့ရာ ယစ်ပူဇော်ရသည်။ ထိုသို့ဖြင့် ယောဘ၏မိတ်ဆွေများသည်လည်း ဘုရားသခင်၏ သဘောထားအမှန်ကို သိရှိပြီးဖြစ်သည်။ အလင်းဝင်လာကြသည်။ ယောဘကိုလည်းဘုရားသခင်က ပြန်လည်လက်ခံသည်။

(ခ) ပျက်စီးနစ်နာသောစည်းစိမ်ပြန်လည်ရရှိခြင်း (၄၂:၁၀-၁၇)

၄၂း ၁၀-၁၇ သူ့မိတ်ဆွေများအတွက် ဆုတောင်းပေးပြီးသည်နှင့်တပြိုင်နက် နစ်နာဆုံးရှုံးခဲ့ရမှုများကို ဘုရားသခင်က နှစ်ဆအလျှော်ပြန်ပေးသည်။ သိုး၊ ကုလားအုပ်၊ နွား၊ မြည်းမများ အများအပြားတိုးပွားလာကြသည်.

၄၂း ၁၃-၁၇ သား (၇) ယောက်နှင့် သမီး (၃) ယောက်သည် ပြန်လည်ထွန်းကားသည်။ သားသမီး ၂ ဆရရှိသည်ဆိုခြင်းမှာ ပထမ သုတ်သားသမီးများသည် ကောင်းကင်နိုင်ငံတွင်ရှိနေကြ၍ ယခုနောက်ထပ် (၇)ဦးပြန်လည် ရရှိခြင်းဖြစ်သည်။ အသက်လည်း  ၁၄ဝနှစ် ထပ်ရှည်သည်။ ယောဘသည် ယခင်ဘဝထက် စည်းစိမ်ပိုမိုပြည့်ဝသည်။  အိုဇာတာကောင်းသည်။ သူ့သားသမီးများသည်လည်း ပြိုင်ဘက်မရှိလှပကြသည်။ သားမြေးမြစ်များကို ချီပွေ့ခဲ့သည်။  ယောဘသည် ဘုရားသခင်ကို စောဒကတတ်သော်လည်း စာတန်စေခိုင်းသလို မကျိန်ဆဲပါ။

ဘုရားသခင်၏ ကျေးဇူးတော်သည် နှစ်လိုဖွယ်ရာကောင်းလှပါသည်။ စိတ်ဆင်းရဲဖွယ်ရာ အနာရောဂါနှင့် ဆုလာဘ်များ ဆုံးရှုံးခဲ့ရသော်လည်း အသက်အရွယ် အိုခါမှ သားလှသမီးချောများရရှိသောအခါ အဘယ်မျှ ချစ်အားကြီးမည်နည်း။ သမီးများ၏ နာမည်များကိုလည်း ကြည့်ပါ။ ၄၇ ‌ယေမိမ (ခို)၊ ကေဇိ (ရနံ့သာ)၊ ကေရဟ်ပ္ပုတ် (မျက်ခုံး၊ ဦးချို)၄၈ ဟု ချစ်စနိုးပေးထားသည်။ မောင်နှမအားလုံးကိုလည်း သာတူညီမျှအမွေပေးခဲ့သည်။

၆။ နိဂုံး။ ယောဘဝတ္တုမှသင်ခန်းစာများ

လူ့ဘဝခံစားချက် ယောဘ၏ခံစားချက်များကို စာဖွဲ့၍ မပီပြင်နိုင်သည့်အကြောင်းကို Wesley Baker  က ဤသို့ထောက်ပြသည် ။

ယောဘဝတ္ထုအဆုံးရှိအဖြေစကားကို စာပန်းချီချယ်၍ မမီနိုင်ပါ။ လူ့ အတွေးအမြင် လူ့စကားဖြင့် နားလည်နိုင်စွမ်းမရှိပါ။၄၉

မည်သို့ဖြစ်စေ သေချာစွာ နားလည်နိုင်သော အချက် ၂ ချက်ရှိသည်။

ယောဘ၏ အနာဆင်းရဲဒုက္ခ ခံစားခြင်းသည့် သူ့အပြစ် ဒုစရိုက်ကြောင့်မဟုတ်ပါ ယုံကြည်ခြင်းသစ္စာမှန်ကန်ကြောင်း ဘုရားသခင်၏ ဆန်းစစ် အတည်ပြုပေးခြင်းဖြစ်သည် (၁း၈)။ ဘုရားသခင်က ယောဘ၏ မိတ်ဆွေများကိုလည်း “သူ့အပြစ်ကြောင့် ခံရခြင်း မဟုတ်ကြောင်း” (၄၂း၈) ရှင်းပြသည်။

ယောဘဝတ္ထုထဲမှ သင်ခန်းစာအချို့ကို ထုတ်နှုတ် ပြသပါမည်။

၁။ ဖြောင့်မတ်သန့်ရှင်းသူများသည်လည်း စုံစမ်းခြင်းမှမကင်းလွတ်။

၂။ စုံစမ်းခြင်း ဟူသမျှသည် အပြစ်ဒုစရိုက်ကြောင့်မဟုတ်။

၃။ ဘုရားသခင်သည် ဖြောင့်မတ်သူများအား ပစ်ပယ်မထား။

၄။ ဖျားနာခြင်းနှင့် ဆင်းရဲဒုက္ခများသည် ဘုရားသခင်ထံမှ ရောက်လာသည်မဟုတ်။ စာတန်ထံမှလာခြင်းဖြစ်သည် (လု ၁၃း၆၊ ၂ကော ၁၂း၇)။

၅။ စာတန်သည် ဒုစရိုက်နယ်မြေကို ပိုင်စိုးသည်။ (သဗျင်နှင့် ခါလဒဲလူများ)၊ သဘာဝလွန် ဘေးဆိုးများ (‌ယောဘခန္ဓာကိုယ်ပေါ်မှ အနာဆိုးများ) နှင့်သေခြင်းတရား။

၆။ ဘုရားသခင်၏ခွင့်ပြုချက်ဖြင့် ယုံကြည်သူများသို့လည်း ကျရောက်စေနိုင်သည်။

၇။ ဆင်းရဲဒုက္ခများ ရောက်လာသောအခါ “ဘုရားသခင်၏ ခွင့်ပြုချက်ဟုခံယူရမည်လား။ ညီတွားရမည်လား။”

၈။ ဘုရားသခင်၏ခွင့်ပြုချက်အရ ရောက်လာ၍ ဘုရားသခင်က ဖယ်ရှားပေးနိုင်သည်ဟု ခံယူသိမှတ်ရမည်။

၉။ ဆင်းရဲဒုက္ခခံရသည့်အကြောင်းရင်းများကို ဘုရားသခင်က အမြဲတန်းရှင်းပြလေ့မရှိ။

၁၀။ ဆင်းရဲဒုက္ခခံခြင်းက စိတ်ရှည်ခြင်းဖြစ်ပေါ်စေသည်။

၁၁။ သန့်ရှင်း သူများ၏ ဆင်းရဲဒုက္ခသည်ဆန်းစစ်ခြင်းဖြစ်သည်။ အပြစ်စီရင်ခြင်းမဟုတ်။

၁၂။ အလည်တခေါက် ရောက်ခြင်းမျိုးဖြစ်သည်။

၁၃။ လူ့နှစ်သိမ့်မှုများသည် မပြည်စုံ။ ဘုရားသခင်၌သာငြိမ်သက်ခြင်းပြည်စုံနိုင်သည်။

၁၄။ ဘုရားသခင်သည် ကရုဏာတော်၊ ကျေးဇူးတော်ကြီးမားကြောင်း ဝတ္တုအဆုံးတွင်တွေ့ရသည်။ (ယာ ၅း၁၁ ကိုလည်းကြည့်)။ ဘဝ တစ်သက်တာတွင် တခါတရံ အမှားအယွင်းများ ကြုံရတတ်သည်။ ထိုအမှားသည်ဘဝ သင်ခန်းစာယူဖို့ဖြစ်သည်။

၁၅။ ယောဘ၏ အနာရောဂါခံစားရခြင်းသည် ဘုရားသခင်၏ ခွင့်ပြုချက်အရ ခံစားရခြင်းဖြစ်သည်။

၁၆။ ယောဘ၏ သီးခံခြင်းက စာတန်၏ ကောက်ကျစ်လိမ်လည်မှုကို ဖော်ထုတ်ထင်ရှားစေသည်။

၁၇။ လူသည်ပတ်ဝန်းကျင်အရာဝတ္ထုများထက် ကြီးမြတ်သည်။ ထိုထက် ဘုရားသခင်ကြီးမြတ် ကြောင်းကို ရိုးသားစွာဝန်ခံရသည်။

၁၈။ အပေါ်ယံကြောအဆင်းအင်္ဂါရပ်များကိုသာ တန်ဖိုးမဖြတ်သင့်။

၁၉။ စာတန်သည် နေရာတိုင်းတွင်မရှိ အရာတိုင်းကိုမသိ တန်ခိုးအစုံမရှိ။

၂၀။ ဘုရားသခင်သည် အနာဒုက္ခခံစားရန် ခွင့်ပြုသော်လည်း လက်လွှတ်စပယ်မလုပ်။

လောကလူသား ယုံကြည်သူများဆင်းရဲဒုက္ခခံရသည့်အကြောင်းကို ယောဘဝတ္ထုနှင့် ယှဉ်၍ အခြားကျမ်းပိုဒ်များကို ကိုးကားဖော်ပြပါမည်။

၁။ တခါတရံလူ့လောကမှာ မပျက်စီးစေချင်သောကြောင့် တရားစီရင်သည်။ (၁ကော ၁၁း၃၂)

၂။ ဝိညာဉ်ရေးရာခွန်အားကြီးမားဖို့ စိတ်ရည်ဖို့ ၊သီးခံဖို့၊ အောက်ကျို့နှိမ့်ချဖို့၊ သွန်သင်ခြင်းဖြစ်သည်။ (ရော ၅း ၃-၄၊ ‌ယော ၁၅း ၂)။

၃။ ဘုရားသခင်က လူများအား ငြိမ်သက်ခြင်း ပေးသကဲ့သို့ ယုံကြည်သူအချင်းချင်း ခွန်အားပေးစေလိုသည်။ (၂ကော ၁း၄)

၄။ မိမိခံစားရသော ဆင်းရဲဒုက္ခအမျိုးမျိုးကို သိရှိခြင်းဖြင့် ခရစ်တော် ခံစားပေးခဲ့ရသော ဆင်းရဲဒုက္ခဝေဒနာကို သဘောပေါက်စေလိုသည်။ (ဖိ ၃း၁၀)

၅။ ကောင်းကင်နှင့် မြေကြီးခြားနားပုံ သင်ခန်းစာဖြစ်သည် (၂သက် ၁း ၄-၆)။ ဘုရားသခင်က သူ့ကိုသာ ချစ်ခင်စေချင်သည်။ သူ့ကိုဘဲ အားကိုတည်မှီစေချင်သည်။

၆။ ဘုရားသခင်က သားတော်ကို ချစ်ခင်မြတ်နိုးပုံကို သက်သေပြချင်သည် (ဟေဗြဲ ၁၂း၇-၁၁)။

၇။ မိမိအစွမ်းဉာဏ်ပညာကို အားမကိုး ဘုရားသခင်ကိုပါ ကိုးစားစေချင်သည် (၂ကော ၁း၉)။

၈။ ဘုရားသခင်က သူ့လူများအား စုစည်းခြင်းဖြစ်သည် (ဆာ ၁၁၉း၆၇)။

၉။ အနာဂတ်တွင် ဘုန်းတန်ခိုးတွေ့မြင်ထင်ရှားရာဖြစ်သည် (ရော ၈း ၁၇-၁၈)။

၁၀။ လူ့တို့မခံနိုငျသော ဆငျးရဲဒုက်ခကို ဘုရားသခငျက မခံစားခိုငျးပါ (၁ကော ၁၀း၁၃)။ “ထာဝရဘုရားသညျ မိမိအမှုကို လတျစသတျတောျမူရာမှာ အလှနျသနားစုံမကျတောျမူကွောငျးကိုလညျး သိမွငျကွရပွီ” (ယာ ၅း၁၁)။

မှတ်စု

၁။ (နိဒါန်း) Samuel Ridout, Job; An Exposition, p.5.

၂။ (နိဒါန်း) က ၁-၁၁သည် ဘီစီ ၂၀၀၀ခန့်မှ ရေတွက်ခြင်းဖြစ်၍ ထို‌နောက်မှ မျိုးရိုးစဉ်ဆက် ရေတွက်ခြင်းဖြစ်သည်။

၃။ (၁း၁-၃) Eကို မြောက်အာရေဗျရှိ ဧဒုံဒေသဟု အခြားကျမ်းချက်များအရသိရသည်။ (The Revell Bible Dictionary, ed. By Lawrance O. Richards, p.1138)

၄။ (၁း၄-၅) Charles Haddon Spurgeon, Morning and Evening, p.721.

၅။ (၁း၆-၁၂) Semitic ဘာသာစကားအရ “ဘုရားသခင်၏သားများသည်” “ကောင်းကင်တမန်များကို ဆိုလိုသည်။

၆။ (၂း ၁-၁၀) Harold St. John, Job, The Light and Shadow of Eternity, p.9.

၇။ (အခန်း ၃-၃) နိဒါန်း Ridout, Job, p.33.

၈။ (အခန်း ၃-၃၁) နိဒါန်း The New Scofield Study Bible, New King James Version, p. 595.

၉။ (အခန်း ၃-၃) နိဒါန်း Ibid, p.598.

၁၀။ (အခန်း ၄-၅) နိဒါန်း Ridout Job, pp.43,44.

၁၁။ (အခန်း ၈) နိဒါန်း Ibid, p.64.

၁၂။ (၉း၃၂-၃၅) Metthew Henry, “Job” in Matthew Henry Commentary on the Whole Bible, III : 59.

၁၃။ (၁၀း ၈-၁၂) St. John, Job. p.17.

၁၄။ (၁၁း၁-၁၂) Ridout, Job, p.31.

၁၅။ (၁၃း၂၀-၂၈) Francis 1. Anderson, Job: In Introduction and Commentary. P. 163.

၁၆။ (၁၄း၁၃-၁၇) St. John, Job, pp 17, 18.

၁၇။ (၁၅း ၁၄-၁၆) Ridout, Job, p84.

၁၈။ (၁၉း၁၅-၂၅) Spurgeon, Morning and Evening, Devotional for April 21, Morning.

၁၉။ (၁၉း၂၅-၂၇) Ibid. p.21.

၂၀။ (၂၀း၂၀-၂၉) G. Campbell Morgan, Search lights from the Words. P.145.

၂၁။ (၁၂း၂၁-၃၀) Albert Barnes, “Job” in Notes on the Old Testament. II; 3.

၂၂။ (၁၃း ၁-၉) Spurgeon, Morning and Evening, Devotioned for November 19. Evening.

၂၃။ (၂၄း ၁-၁၂) Ridout, Job, p.124.

၂၄။ (၂၄း ၁၈-၂၅) Anderson, Job. p.213.

၂၅။ (၂၄း ၁၈-၂၅) Ibid.

၂၆။ (အခန်း ၂၅ နိဒါန်း) Ridout Job. p. 127.

၂၇။ (၂၆း ၅-၁၃) Ibid, pp. 133,134.

၂၈။ (၂၈း ၁-၁၁) Ibid.

၂၉။ (၃၁း ၃၈-၄၀) Ridout, Job, p.169.

၃၀။ (၃၆း ၃၂-၃၃) Quoted by Otto Zockler, “The Book of Job”, in Lange’s Commentary on the Holy Scripture, IV: 596.

၃၁။ (၃၇း ၂၄) Anderson, Job, p.268.

၃၂။ (၃၈း ၁-၃) Ridout, Job, pp.210,211.

၃၃။ (၃၈း ၃၁-၃၃) Cited by William Kelly in Eleven Lectures on the Book of Job, p.278.

၃၄။ (၃၈း ၃၁-၃၃) Spurgeon, Morning and Evening, Devotion for March 21, Evening.

၃၇။ (၄၀း ၁၅-၂၄) ဥပမာ Barnesက ကွံ့ဟု ဘာသာပွနျသငျ့သညျဟုဆိုသညျ။ “ကွီးမားသောဦးခေါငျး၊ ပွူးဆနျသောမကြျလုံး၊ ကယြျပွနျ့သော ကိုယျလုံး၊ မွှားကဲ့သို့ တဟုနျထိုးသှားတတျသူဖွစျ၍ အကဉြျးတနျအရုပျဆိုးသညျ။ ပါးစပျ ဟသောအခါပါးစပျသညျ ဘဝကယြျပွော၍ လြှာလညျးရှညျသညျ။ အသား အရောငျမြားလညျး ပနျးနုရောငျနီရဲသညျ။ အမူအရာအလေ့အထမြားသညျလညျး ပုံသကေားခပြျမရှိ။ (‌ယောဘ ၁၁း ၂၄၇ -၂၄၈)။ Barnes ၏အယူအဆ ရှငျးပွခကြျမြားသညျလကျသငျ့ခံနိုငျဖှယျရာရှိပါသညျ။ သို့သောျလညျး ကမြျးစာတှငျ “ကွံ့”ဟူသော စကားလုံးမပါရှိပါ။ ဗဟေမုတျ၏မေးရိုး၊ ဦးခေါငျး၊ ခန်ဓာကိုယျမြား မပါရှိပါ။ (အခနျး ၄၀)

၃၈။ (၄၀း ၁၅-၂၄) Ken Han “What Happened to the Dinosaurs?” စာအုပျကိုကွညျ့ပါ။ ANSWERS to Some of the Most Asked Questions on Creation/Evolution (Sunny Bank Australia. Creation Science Foundation Ltd, 1986)/ Henry Morris/ The Remarkable Record of Job (Grand Rapids; Baker Book House 1990) ကိုလညျး ကွညျ့ပါ။

၃၉။ (၄၁း ၁-၉) Anderson, Job. p.289.

၄၀။ (၄၁း ၁၀-၁၁) Kline, “Job”, p. 488.

၄၁။ (၄၁း ၁၂-၃၄) ‌ယောဘ ၄၁ တွင် ပါရှိသည့် လေဝိသန်ငါးသည် ဒိုင်နိုဆောသတ္တဝါခေတ်ကာလတွင် ရှိခဲ့သော အင်းအားကြီးမားသော တွားသွားသတ္တဝါဟု ယူဆရသည်။ ယခုကာလတွင် မျီုးတုန်းသွားခြင်းဖြစ်ပေမည်။ ထိုသတ္တဝါမျိုး၏ သဲလွန်စသတင်းကို Loch Ness, Scotland တွင် ပေါ်ပေါက်ဘူးသည်။

၄၂။ (၄၂း ၁-၆) ဘုရားသခင်သည် ယောဘအားသိသာထင်ရှားအောင် အာရုံပြုခြင်းဖြစ်ပေမည်။

၄၃။ (၄၂း ၁-၆) အချို့ကျမ်းစာပညာရှင်များက မောရှေသို့ (ထွ ၃း၆)၊ ဟေရှာယသို့ (ဟေရှာ ၆း၅)၊ ပေတရုသို့ (လု ၅း ၈)၊ ပေါလုသို့ (တ ၉း၁၄)၊ ‌ယောဟန်သို့ (ဗျာ ၁း၁၇) ကိုယ်ထင်ရောင်ပြခြင်းမျိုးဖြစ်မည်ဟု ဆိုကြသည်။

၄၄။ (၄၂း ၁-၆) Moody, Notes from My Bible, p.62.

၄၅။ (၄၂း ၇-၉) စတုတ္ထလူ ဧလိဟုသည် စိတ်ဝင်စားဖွယ်ကောင်းသည်။ သူ့စကားသည် ယောဘအား တဖတ်စောင်းနင်း အပြစ်တင်ခြင်းမပါ။ ထို့အပြင် သူ့အကြောင်းရင်းအား များများစားစားမသိရ။ သူ့ အကြံဉာဏ် များသည် သမ္မာသမတ်ကျသည်။ ယောဘမိတ်ဆွေများ၏ အနှုတ်လက္ခဏာများနှင့် ဘုရားသခင်၏ဗျာဒိတ်တော် အကြားတွင်ရှိသည်။ သို့ကြောင့် ဧလိဟုသည် ‌ယေရှုခရစ်တော်ကြွရောက်လာခြင်း ပုံဆောင်သည်ဟု ဆိုနိုင်သည်။

၄၆။ (၄၂း ၁၃-၁၇) Ridout ကဤလူနာမည်များသည် “ဘုရားပေးနာမည်များ” ဖြစ်သည်။ ယောဘ ယုံကြည်ခြင်း သစ္စာ၏အသီးအပွင့်များဖြစ်သည်။ ခိုငှက်သည် ယဉ်ကျေးသိမ်မွေ့ခြင်း၊ ချစ်စဖွယ် ငှက်သဘောသဘာဝကို ဆောင်သည်။ ရနံ့သာသည် မွှေးကြိုင်သင်းပျံ့ခြင်း၊ နှစ်လိုဖွယ်ဖြစ်ခြင်းကို သရုပ်ဆောင်သည်။

၄၇။ (၄၂း ၁၃-၂၇) ထိုခေတ်ကာလတွင် အမျိုးသမီးများသည် မျက်ခုံးမွှေးကို အသားပေးအလှပြင်လေ့ရှိသည်။ နှုတ်ခတ်ဆေးဆိုးခြင်းထက် ဦးစားပေးကြသည်။ ရှောလမုန်စကားအရ ပြောရလျှင် “နေရောင်အောက်တွင် ထိုအလှမျိုး နောက်ထပ်ရှာမတွေ့နိုင်”။

၄၈။ (နိဂုံး) Wesly C. Baker, More Than a Man Can Take: A Study of Job, p.128.

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက  http://bbcmm.net/the-believers-bible-commentary  တွင် လေ့လာနိုင်ပါသည်။

[post-views]

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။