Isaiah -60 -

ဟေရှာယအနာဂတ္တိကျမ်း - ၆၀

ဇိအုန်မြို့၏အနာဂတ်ဘုန်းအသရေ

1သင်ထလော့။ လင်းလော့။ သင်၏အလင်းရောက်လာပြီ။ ထာဝရဘုရား၏ဘုန်းတော်သည် သင်၏အပေါ်မှာ ပေါ်ထွန်းလျက်ရှိ၏။ 2ကြည့်ရှုလော့။ မှောင်မိုက်သည် မြေကြီးကို ဖုံးလွှမ်းလိမ့်မည်။ ထူထပ်သောမှောင်မိုက်သည် လူများကို ဖုံးလွှမ်းလိမ့်မည်။ သို့သော်လည်း၊ သင်၏အပေါ်မှာ ထာဝရဘုရားသည် ပေါ်ထွန်းတော်မူ၍၊ ဘုန်းတော်သည် သင်၏အပေါ်မှာ ထင်ရှားလျက်ရှိလိမ့်မည်။ 3တစ်ပါးအမျိုးသားတို့သည် သင်၏အလင်းသို့လည်းကောင်း၊ ရှင်ဘုရင်တို့သည် သင်၌ ပေါ်ထွန်းခြင်းအရောင်သို့လည်းကောင်း လာကြလိမ့်မည်။ 4အရပ်ရပ်သို့ မျှော်ကြည့်လော့။ ခပ်သိမ်းသောသူတို့သည် စုဝေး၍ သင့်ထံသို့ လာကြ၏။ သင်၏သားသမီးတို့သည် အဝေးကလာ၍၊ သင်၏အနားမှာ မွေးစားခြင်းကို ခံကြလိမ့်မည်။ 5ထိုအခါ သင်သည် ကြောက်ရွံ့ခြင်းနှင့် ရွှင်လန်းခြင်းရှိလိမ့်မည်။ နှလုံးတုန်လှုပ်၍ ဝမ်းမြောက်လိမ့်မည်။ အကြောင်းမူကား၊ သမုဒ္ဒရာ၏ကြွယ်ဝခြင်းသည် သင့်ဘက်သို့ ပြောင်းလဲ၍၊ တစ်ပါးအမျိုးသားတို့၏စည်းစိမ်သည် သင့်လက်သို့ရောက်လိမ့်မည်။ 6ကုလားအုတ်များနှင့် မိဒျန်ပြည်၊ ဧဖာပြည်မှဖြစ်သော ကုလားအုတ်မျိုးတို့သည် သင့်ကို နှံ့ပြားကြလိမ့်မည်။ ရှေဘပြည်သား အပေါင်းတို့သည် လာကြလိမ့်မည်။ ရွှေနှင့် လောဗန်ကိုဆောင်ခဲ့၍၊ ထာဝရဘုရား၏ ဂုဏ်ကျေးဇူးတော်တို့ကို ဝမ်းမြောက်စွာ ချီးမွမ်းကြလိမ့်မည်။ 7ကေဒါပြည်၏ သိုးစုအပေါင်းတို့သည် သင့်ထံမှာ စုဝေးကြလိမ့်မည်။ နဗာယုတ်ပြည်၏ ဆိတ်တို့သည် သင်၏အမှုကို ဆောင်ရွက်၍၊ နှစ်သက်ဖွယ်သောလက္ခဏာနှင့် ငါ၏ယဇ်ပလ္လင်ပေါ်သို့ တက်ကြလိမ့်မည်။ ငါ့ဘုန်း ထင်ရှားရာဗိမာန်ကို ငါသည် သာ၍ဘုန်းပွင့်စေမည်။ 8မိုးတိမ်ကဲ့သို့လည်းကောင်း၊ မိမိတို့အိမ်သို့ပျံသော ချိုးများကဲ့သို့လည်းကောင်း ပျံလာသော ဤသူတို့ကား၊ အဘယ်သူ ဖြစ်ကြလိမ့်မည်နည်း။ 9အကယ်စင်စစ် သင်၏ဘုရားသခင် ထာဝရဘုရား၏ နာမတော်ကြောင့်လည်းကောင်း၊ သင်၏ဘုန်းကို ပွင့်စေသော၊ ဣသရေလအမျိုး၏ သန့်ရှင်းသောဘုရားကြောင့်လည်းကောင်း၊ သင်၏သားတို့နှင့်တကွ သူတို့ရွှေငွေများကို အဝေးမှဆောင်ခဲ့ခြင်းငှာ၊ တစ်ကျွန်းတစ်နိုင်ငံသားတို့သည် ငါ့ကိုစောင့်နေ၍၊ တာရှုသင်္ဘောတို့သည် အဦး ပြုကြလိမ့်မည်။ 10တစ်ပါးအမျိုးတို့သည် သင်၏မြို့ရိုးကို တည်ကြလိမ့်မည်။ ရှင်ဘုရင်တို့သည်လည်း သင့်ကို ပြုစုကြလိမ့်မည်။ အကြောင်းမူကား၊ ငါသည် အမျက်ထွက်၍ သင့်ကိုဒဏ်ခတ်သော်လည်း၊ စေတနာစိတ်နှင့် သနားဦးမည်။ 11တစ်ပါးအမျိုးသားတို့၏စည်းစိမ်ကို သင့်ထံသို့ဆောင်ခဲ့၍၊ သူတို့၏ ရှင်ဘုရင်တို့ကိုလည်း ပို့သမည်အကြောင်း၊ သင်၏တံခါးတို့ကို နေ့ညမပိတ်ဘဲ အစဉ်ဖွင့်ထားရလိမ့်မည်။ 12အကြင်ပြည်နှင့် အကြင်နိုင်ငံသည် သင်၏အမှုကိုမဆောင်၊ ထိုပြည်နှင့် ထိုနိုင်ငံသည် ပျက်စီးရလိမ့်မည်။ ထိုသို့သော တိုင်းနိုင်ငံတို့သည် သုတ်သင်ပယ်ရှင်းခြင်းကို အမှန်ခံရကြလိမ့်မည်။ 13ငါ၏ သန့်ရှင်းရာဌာနကို တင့်တယ်စေခြင်းငှာ၊ လေဗနုန်ဘုန်းနှင့်တကွ ထင်းရှူးပင်၊ တဒေရပင်၊ တာရှုရပင်တို့သည် သင့်ထံသို့ တညီတညွတ်တည်း ရောက်လာကြလိမ့်မည်။ ငါသည် ငါ၏ခြေတင်ရာအရပ်ကို ဘုန်းပွင့်စေမည်။ 14သင့်ကို ညှဉ်းဆဲသောသူတို့၏သားတို့သည် သင့်ထံသို့လာ၍ ဦးချကြလိမ့်မည်။ သင့်ကို မထီမဲ့မြင်ပြုသောသူ အပေါင်းတို့သည် သင်၏ခြေရင်း၌ ဝပ်နေကြလိမ့်မည်။ ထာဝရဘုရား၏မြို့၊ ဣသရေလအမျိုး၏ သန့်ရှင်းသောဘုရား၏ ဇိအုန်မြို့ဟူ၍၊ သင့်ကို သမုတ်ကြလိမ့်မည်။

15သင့်ကို အဘယ်သူမျှ လျှောက်၍မသွားရမည်အကြောင်း၊ သူတစ်ပါးတို့သည် သင့်ကို စွန့်ပစ်ရွံရှာကြသည်အတွက်၊ ငါသည် သင့်ကို ထာဝရအထွတ်အမြတ် ဖြစ်စေမည်။ လူမျိုးအစဉ်အဆက် ဝမ်းမြောက်စရာ အကြောင်းလည်း ဖြစ်စေမည်။ 16သင်သည် တစ်ပါးအမျိုးသားတို့၏ နို့ကို စို့ရလိမ့်မည်။ ရှင်ဘုရင်တို့၏သားမြတ်ကိုလည်း စို့ရလိမ့်မည်။ ငါထာဝရဘုရားသည်၊ သင့်ကို ကယ်တင်သောသူ၊ ယာကုပ်အမျိုး၌ တန်ခိုးကြီးသောဘုရားသည်၊ သင့်ကို ရွေးနုတ်သောသူ ဖြစ်ကြောင်းကို သင်သည် သိရလိမ့်မည်။ 17ကြေးဝါအရာ၌ ရွှေကိုလည်းကောင်း၊ သံအရာ၌ ငွေကိုလည်းကောင်း၊ သစ်သားအရာ၌ ကြေးဝါကိုလည်းကောင်း၊ ကျောက်အရာ၌ သံကိုလည်းကောင်း ငါဆောင်ခဲ့မည်။ သင်၏အရာရှိတို့ကို ငြိမ်သက်သောသဘော၊ အခွန်ခံတို့ကို ဖြောင့်မတ်သောသဘောနှင့် ပြည့်စုံစေမည်။ 18သင်၏ပြည်၌ အနိုင်အထက်ပြုခြင်းအသံကို နောက်တစ်ဖန် မကြားရ။ သင်၏နယ်အတွင်းတွင် လုယူ ဖျက်ဆီးခြင်းမရှိရ။ သင်၏မြို့ရိုးကို ကယ်တင်ခြင်းဟူ၍လည်းကောင်း၊ မြို့တံခါးတို့ကို ချီးမွမ်းခြင်းဟူ၍လည်းကောင်း သမုတ်ရလိမ့်မည်။ 19နောက်တစ်ဖန် နေ့အချိန်၌ သင်၏အလင်းသည် နေပေးသောအလင်း မဟုတ်၊ ညအချိန်၌လည်း၊ လအရောင်သည် သင့်ကို မလင်းစေရ။ အကြောင်းမူကား၊ ထာဝရဘုရားသည် သင်၌ ထာဝရအလင်း၊ သင်၏ဘုရားသခင်သည် သင်၏ဘုန်းအသရေ ဖြစ်တော်မူလိမ့်မည်။ 20နောက်တစ်ဖန် သင်၏နေသည် မဝင်ရ။ သင်၏ လသည်လည်း မဆုတ်ရ။ ထာဝရဘုရားသည် သင်၌ ထာဝရအလင်းဖြစ်တော်မူ၍၊ စိတ်မသာညည်းတွားရာ ကာလကုန်လေပြီ။ 21သင်၏လူအပေါင်းတို့သည် ဖြောင့်မတ်၍၊ ပြည်တော်ကို အစဉ်အမြဲ အမွေခံသဖြင့်၊ ငါ၏ဘုန်းပွင့်စေခြင်းငှာ၊ ငါ့ကိုယ်တိုင်စိုက်၍ ပြုစုသောပျိုးပင် ဖြစ်ရကြလိမ့်မည်။ 22သူငယ်တစ်ယောက်သည် လူတစ်ထောင်ဖြစ်ရလိမ့်မည်။ အားနည်းသောသူတစ်ယောက်သည် အားကြီးသောလူမျိုး ဖြစ်ရလိမ့်မည်။ ငါထာဝရဘုရားသည် အချိန်ရောက်လျှင် ထိုအမှုကိုနှိုးဆော်မည်။

ဟေရှာယအနာဂတ္တိကျမ်း - ၆၀ (အနက်ဖွင့်)

၃။ ဇိအုန်တောင်တွင် ဘုန်းတန်ခိုးထင်ရှားမည့် အကြောင်း(အခန်း ၆၀)

၆၀:၁-၃ မေရှိယသခင် ဘုန်းတန်ခိုးအာနုဘော်နှင့် ပေါ်ထွန်းသောအခါ ဇိအုန်တောင်သည်လည်း လင်းထိန်တောက်ပမည်။ ထို အချိန်သည် ခရစ်တော်ဘုရား ဒုတိယ အကြိမ်ပေါ်ထွန်းလာခြင်းဖြစ်သည်။ ကမ္ဘာကြီးသည် ဝိညာဉ်ရေးရာတွင် မှောင်မိုက်ပြီး မှောင်မိုက်နေဆဲ။ ဘေးဒဏ်ကြီးကာလမှာ ရုန်းကန်နေကြဆဲ။ သို့သော် ဘုရားသခင်သည် ဣသရေလလူမျိုးနှင့် ဣသရေလတို့ ကမ္ဘာတွင် ဘုန်းတန်ခိုးထင်ရှားမည်။ တပါးအမျိုးသားများ၊ ရှင်ဘုရင်များအပါအဝင် လူစုလူအုပ်ကြီးများသည် ယေရုရှလင်သို့ ရောက်ရှိလာကြမည်။

၆ဝ:၄–၇ သားသမီးများ ပြန်လည်ရောက်ရှိလာသဖြင့် ယေရုရှလင် သည် မျက်နှာပွင့်လန်းဝင်းပမည်။ တပါးအမျိုးသားများ ဆုလက်ဆောင်အမျိုးမျိုး ယူဆောင်ချဉ်းကပ်လာကြသဖြင့် ဝမ်းမြောက်ရွှင်လန်းကြမည်။ တပါးအမျိုး သားများသည် ရပ်ဝေးမြေခြားအရပ်မှ ကုလားအုပ်၊ မြင်းလားများစီးလာ၍ ရွှေ၊ နံ့သာ ဆီမွှေးများဖြင့် ယေဟောဝါဘုရားအား ပူဇော်ချီးမွမ်းလာကြမည်။ မေရှိယသခင်၏ ပြည့်စုံသော ကရာနီအမှုတော် ချီးမွမ်းရန် ကမ္ဘာအစွန် အ ဖျားမှလူများခြေချစရာမရှိအောင် ယေရုရှလင်မြို့သို့ စဝေးလာကြမည်။ အပိုဒ် ငယ် ၆ တွင် မုရန် မပါ ရှိသည်ကို သတိပြုပါ။ မုရန်သည် ပင်ပန်း ဆင်း ရဲခြင်းသင်္ကတဖြစ်သည်။ ခရစ်တော်ခံစားရသောဆင်းရဲဒုက္ခသည်ထာဝရကာ လအတွက်ဖြစ်၍နောက်တဖန်ခံစားစရာအကြောင်းမရှိ။ ဒုတိယအကြိမ်ကြွလာ သောအခါရွှေ(ဘုန်းတန်ခိုး)နှင့်အမွှေးနံ့သာ(ဂုဏ်သတင်း)များသာလျှင်ပူဇော်ကြ ရမည်။

၆၀:၈-၉ နွေပျော်ငှက်များအအုပ်လိုက်အသင်းလိုက်ပြောင်းရွှေ့ပျံသန်း ကြသကဲ့သို့ဣသရေလသားများပြန်လည်ရောက်ရှိလာကြမည်။ ပင်လယ်ရပ် ခြားမှကုန်ကူးသင်္ဘောကြီးများဖြင့်ပူဇော်သက္ကာစည်းစိမ်များနှင့်အတူရောက် လာကြမည်။

၆၀:၁၀ တပါးအမျိုးသားများကမြို့ရိုးတည်ဆောက်ပေးကြမည်။ ရှင်ဘု ရင်များကဘုရားသခင်၏လူများအားလိုလေးသေးမရှိအောင်ပြုစုကြမည်။ အ ခြေအနေအားလုံးပြောင်းပြန်ဖြစ်ကုန်မည်။ တချိန်ကကိုယ်တော်ဘုရားအရေး ယူအပြစ်ပေးခဲ့သူများသည်ကရုဏာတော်ပြန်လည်ခံစားရသည်။

၆၀:၁၁-၁၄ မြို့ဝင်တံခါးများသော့ခတ်စရာမလို။ အဘယ်ကြောင့်ဆို သော်စိုးရိမ်ပူပန်စရာမရှိ။ ထို့ထက်စာလျှင်နေ့နေ့ညဉ့်ညဉ့်တံခါးဖွင့်ထားဖို့သတိ ထားရမည်။ အခြားပြည်မှဘုရင်မင်းများသည်၊မြင်း၊ကုလားအုပ်များဖြင့်စည်း စိမ်ရတနာများနှင့်အတူ ဥဒဟိုဝင်ရောက်လာကြမည်။ ဣသရေလသည်ပျက်စီး သွားသောမြို့ကိုပြုပြင်စရာမလို။ ဗိမာန်တော်သာယာလှပဖို့လေဘာနုန်ပြည်က အလှပဆုံးသစ်ပင်များယူဆောင်စိုက်ပျိုးလာကြမည်။ တချိန်ကဣသရေလများ ကိုညှဉ်းပန်းနှိပ်စက်၊ဒုက္ခပေးခဲ့သောတပါးအမျိုးသားများသည်ဘုရားသခင် ၏မြို့တော်၊ဣသရေလတို့၏သန့်ရှင်းစင်ကြယ်သောနေရာဇိအုန်တောင်ခိုမှီးဖို့ ကျိုးနွံစွာရောက်လာကြမည်။

၆၀:၁၅-၁၆ တချိန်ကလူများမေးငေါ့မုန်းတီးခဲ့သောဇိအုန် တောင်သည်ဘုန်းတန်ခိုးပြည့်လျှံ၍ကမ္ဘာသူကမ္ဘာသားများကိုချီးမြှောက်နိုင် သောကမ္ဘာ့အချက်အချာနေရာဖြစ်လာမည်။ ယေဟောဝါဘုရားသခင်သည် ကယ်တင်ရှင်၊ရွေးနှုတ်ရှင်တန်းခိုးကြီးသောယာကုပ်၏ဘုရားဖြစ်ကြောင်း သိရှိဝန်ခံကြသည်။

၆၀:၁၇-၂၂ တန်ဖိုးဈေးအကြီးဆုံးဖြစ်သောရွှေ၊ငွေ၊ကြေး နှင့်သံများဖြင့်မြို့တော်အဆောက်အဦးများလုပ်ဆောင်ခဲ့သည်။ မြို့ကိုငြိမ်ဝပ် လုံခြုံအောင်ရဲသားများကအုပ်ချုပ်ရသကဲ့သို့ဘုရားသခင်၏ဖြောင့်မတ်ခြင်း တန်ခိုးဖြင့်အေးချမ်းသာယာမည်။ တချိန်ကရုန်းရင်းဆန်ခတ်လုယက်သောနေ ရာတိုက်ပွဲဖြစ်သောနေရာများသည်ဝတ္တကမြေ၊ဘုရားရှင်ချီးမွမ်းရာမြေဖြစ် သွားမည်။ ယေရုရှလင်မြို့တွင်နေနှင့်လ၏အလင်းရောင်များသည်လည်းအသုံး ဝင်တော့မည်မဟုတ်။ ဘုရားသခင်၏ဘုန်းတန်ခိုးအလင်းဖြင့်တမြို့လုံးနေ့ညဉ့်မ ပြတ်ထိန်လင်းမည်။ ဣသရေလတို့၏ကြေကွဲဝမ်းနည်းခြင်းလမိုက်ညများ လည်းကုန်ဆုံးမည်။ ဖြောင့်မတ်သန့်ရှင်းသူများကထိုမြေကိုအမည်ပေါက်အမွေ ခံပိုင်ဆိုင်ကြမည်။ ဘုရားသခင်၏ဘုန်းတော်ထင်ရှားတည်မြဲရာနေရာဖြစ်သွား မည်။ အောက်ကျို့နှိမ့်ချသောသူများကောင်းကြီးမင်္ဂလာကြွယ်ဝချမ်းသာကြ မည်။ အဘယ်ကြောင့်ဆိုသော်ဘုရားသခင်သည်ထိုသို့သောသူများကိုနှစ်သိမ့် လိုလားသည်။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။