Isaiah -52 -

ဟေရှာယအနာဂတ္တိကျမ်း - ၅၂

ယေရုရှလင်မြို့ကိုကယ်တင်မည်

1အို ဇိအုန်မြို့၊ နိုးလော့။ နိုး၍ ခွန်အားကို ယူလော့။ အို ယေရုရှလင်မြို့တည်းဟူသော၊ သန့်ရှင်းသောမြို့၊ သင်၏တင့်တယ်သော အဝတ်တန်ဆာတို့ကို ဝတ်ဆင်လော့။ အကြောင်းမူကား၊ နောက်တစ်ဖန် အရေဖျားလှီးခြင်းကို မခံသောသူနှင့် ညစ်ညူးသောသူတို့သည် သင်၏အထဲသို့ မဝင်ရကြ။ 2အိုယေရုရှလင်မြို့၊ ကိုယ်၌ကပ်သော မြေမှုန့်ကိုခါလိုက်၍၊ မြင့်သောအရပ်၌ ထိုင်လော့။ အို ချုပ်ထားလျက်ရှိသော ဇိအုန်သတို့သမီး၊ သင်၏လည်ကြိုးကိုချွတ်လော့။ 3ထာဝရဘုရားမိန့်တော်မူသည်ကား၊ သင်တို့သည် ကိုယ်ဖိုးငွေကိုမရဘဲ ကျွန်ခံရသည်ဖြစ်၍၊ ငွေမပေးဘဲ ရွေးခြင်းသို့ ရောက်ကြလိမ့်မည်။ 4အရှင်ထာဝရဘုရား မိန့်တော်မူသည်ကား၊ ငါ၏လူတို့သည် အထက်က အဲဂုတ္တုပြည်၌ တည်းခိုအံ့သောငှာ သွားကြ၏။ နောက်မှ အာရှုရိလူတို့သည် အကြောင်းမရှိဘဲ ညှဉ်းဆဲကြ၏။ 5ထာဝရဘုရား မိန့်တော်မူသည်ကား၊ ငါ၏လူတို့ကို အကြောင်းမရှိဘဲ ယူသွား၍၊ အစိုးရသောသူတို့သည် ဝါကြွားလျက် ငါ့နာမကို နေ့တိုင်းကဲ့ရဲ့ကြသည်ဖြစ်၍၊ ငါသည် အဘယ်သို့ ပြုရမည်နည်း။ 6သို့ဖြစ်၍၊ ငါ၏လူတို့သည် ငါ့ကိုသိကြလိမ့်မည်။ ကတိထားသောသူကား၊ ငါဖြစ်သည်ကို အချိန်ရောက်မှ သိကြလိမ့်မည်။ အကယ်စင်စစ်ငါရှိသည်ဟု ထာဝရဘုရားမိန့်တော်မူ၏။

7ငြိမ်သက်ခြင်း၏ဝမ်းမြောက်စရာ သတင်းကို ကြားပြောသောသူ၊ ကယ်တင်ခြင်း ကောင်းကျိုးချမ်းသာ၏ ဝမ်းမြောက်စရာသတင်းကို ကြားပြောသောသူ၊ သင်၏ဘုရားသခင်စိုးစံတော်မူ၏ဟု ဇိအုန်မြို့အား ပြောသောသူ၏ခြေတို့သည် တောင်ပေါ်မှာ အလွန်တင့်တယ်လှစွတကား။ 8သင်၏ကင်းစောင့်တို့၏အသံကို နားထောင်ကြလော့။ သူတို့သည် အသံကိုလွှင့်၍၊ ရွှင်လန်းသောအသံနှင့် တညီတညွတ်တည်း ကြွေးကြော်ကြ၏။ အကြောင်းမူကား၊ ထာဝရဘုရားသည် ဇိအုန်မြို့သို့ ပြန်လာတော်မူကြောင်းကို ကိုယ်တိုင်မြင်ရကြ၏။ 9ယေရုရှလင်မြို့၌ ပြိုပျက်ရာအရပ်တို့၊ တညီတညွတ်တည်း သီချင်းဆိုသံနှင့် ကြွေးကြော်ကြလော့။ ထာဝရဘုရားသည် မိမိလူတို့ကို နှစ်သိမ့်စေတော်မူပြီ။ ယေရုရှလင်မြို့ကို ရွေးနုတ်တော်မူပြီ။ 10ထာဝရဘုရားသည် ခပ်သိမ်းသော လူအမျိုးမျိုးတို့ရှေ့မှာ၊ သန့်ရှင်းသော လက်ရုံးတော်ကို ဖွင့်ပြတော်မူသဖြင့်၊ မြေကြီးစွန်းရှိသမျှတို့သည် ငါတို့ဘုရားသခင်၏ ကယ်တင်တော်မူခြင်းကျေးဇူးကို သိမြင်ကြလတ္တံ့။

11ထွက်ကြ။ ထွက်ကြ။ ထိုအရပ်မှ ထွက်သွားကြလော့။ မစင်ကြယ်သောအရာကို လက်နှင့်မျှ မတို့ကြနှင့်။ ထိုအရပ်ထဲက ထွက်သွားကြလော့။ ထာဝရဘုရား၏အဆောက်အဦတို့ကို ဆောင်ရွက်သောသူတို့၊ သန့်ရှင်းခြင်း ရှိကြလော့။ 12သင်တို့သည် အလျင်အမြန် မထွက်ရကြ။ ပြေး၍ မသွားရကြ။ ထာဝရဘုရားသည် သင်တို့ရှေ့၌ ကြွတော်မူမည်။ နောက်၌လည်း ဣသရေလအမျိုး၏ ဘုရားသခင်သည် သင်တို့အကွယ်အကာ ဖြစ်တော်မူမည်။

ဆင်းရဲဒုက္ခရောက်သောအစေခံ

13ကြည့်ရှုလော့။ ငါ့ကျွန်သည် အမှုဆောင်၍ အောင်လိမ့်မည်။ ချီးမြှောက်ချီးမြှင့်ခြင်းသို့ ရောက်၍၊ အထွတ်အမြတ် ဖြစ်လိမ့်မည်။ 14သူသည် လူမဟုတ်သကဲ့သို့ မျက်နှာပျက်ခြင်း၊ လူသားမဟုတ်သကဲ့သို့ အဆင်းအသရေပျက်ခြင်း ရှိသည်ကို၊ အများသောသူတို့သည် အံ့ဩမိန်းမောကြသည်ဖြစ်၍၊ 15ထိုအတူ သူသည် အများသောလူမျိုးတို့ကို သန့်ရှင်းစေလိမ့်မည်။ ရှေ့တော်၌ ရှင်ဘုရင်တို့သည် မိမိတို့နှုတ်ကိုပိတ်၍ နေရကြလိမ့်မည်။ သူတစ်ပါး မပြဖူးသောအရာကို သူတို့သည် မြင်ကြလိမ့်မည်။ မကြားဖူးသောအရာကိုလည်း နားလည်ကြလိမ့်မည်။

ဟေရှာယအနာဂတ္တိကျမ်း - ၅၂ (အနက်ဖွင့်)

၅၂:၁-၂ ဇိအုန်တောင်ကိုနိုးလော့၊နိုးလော့ ဟုထပ်မံလှုပ်နိုးပြန်ပြီ။ ဖမ်းဆီးချုပ် နှောင်ခြင်းတွင်အိပ်ပျော်နေရာမှထလော့၊တင့်တယ်သောအဝတ်တန်ဆာကို ဝတ်ဆင်လော့။ နောက်တဖန်သူတပါးရက်စက်အနိုင်ကျင့်ခြင်းမခံရ။ ရှေ့ကိုသာ မျှော်ကြည့်လော့။ ဘုန်းတန်ခိုးဖြင့်ထွန်းတောက်လာမည့်နိုင်ငံတော်ကိုသာရည်စူးလော့။ ထိုနိုင်ငံတော်သာလျှင်သစ္စာတရားဖြစ်သည်။

၅၂:၃-၆ ဣသရေလကိုကျွန်အဖြစ်နောက်တဖန်ရောင်းစားခြင်းမရှိရ။ အ ဖိုးစားနားမပါဘဲပြန်လည်ရွေးနှုတ်ခြင်းမကြုံရ။ ဣသရေလတို့သည်ပထမဦး စွာအဲဂုတ္တုပြည်သို့လူစိမ်းသူစိမ်းသဖွယ်ရောက်ခဲ့သည်။ ညှဉ်းပန်းနှိပ်စက်ခြင်း ခံခဲ့ရသည်။ နောက်အာရှုရိတို့၏ဖိနှိပ်မှုအောက်ရောက်ရပြန်သည်။ သို့သော်ဘာ သာရေးကိစ္စကြောင့်မဟုတ်။ ယခုတဖန်အခကြေးငွေတစ်ပြားတစ်ချက်မှမရဘဲ ဖိစီးနှိပ်စက်မှုခံနေကြရပြန်သည်။ ဘုရားသခင်၏နာမတော်ကိုလည်းကဲ့ရဲ့ကြ သည်။ သို့သော်တွေးပူခြင်းမရှိရ။ ဘုရားသခင်သည်ခွန်အားကြီးသောသူဖြစ် ကြောင်းကိုယ်တော်တိုင်ထုတ်ဖော်ပြသမည်။ ထိုသို့ဖြင့်ဘုရားသခင်သည်ကတိ တော်နှင့်ပြည့်စုံသူဖြစ်ကြောင်းသိရှိသွားကြမည်။

၅၂:၇-၁၀ နောက်ကျမ်းပိုဒ်များသည်ကမ္ဘာအနှံ့သို့ပြန့်ကြဲနေသောဂျူးလူ မျိုးများနေရပ်ဌာနေသို့ပြန်လာကြမည့်အကြောင်းဖြစ်သည်။ ပြည်တော်ဝင်သူ များသည်ဇိအုန်တောင်ပေါ်သို့လျှောက်လှမ်းလျက်မေရှိယသခင်အုပ်စိုးမည့်အ ကြောင်းသတင်းကောင်းကြေညာကြမည်။ ယေရုရှလင်မြို့ရိုးပေါ်ရှိကင်းစောင့် တပ်သားများကလည်းလူစုအုပ်ကြီးကိုဦးစီးလျက်ကြွလာတော်မူသောသခင်ကို လှမ်းမြင်ကြမည်။ ယေရုရှလင်ကိုယ်တိုင်ကလည်းသခင်ဘုရား၏ရွေးနှုတ်ခြင်း ဘုန်းတန်ခိုးတော်ကိုချီးမွမ်းကြဖို့လူများကိုဆင့်ခေါ်မည်။

၅၂:၁၁-၁၂ ပြည်တော်ဝင်များသည်အဖမ်းဆီးခံပြည်၊ဗိမာန်တော်မှအရာ များကိုမယူရ။ မသန့်ရှင်းသောမြေမှတစုံတရာမယူရ။ အမြန်ထွက်သွားကြ။ စိုး ရိမ်ပူပန်ခြင်းမရှိကြနှင့်။ ဣသရေလတို့၏ဘုရားသခင်ကရှေ့၊နောက်ဝဲယာ ကွယ်ကာစောင့်ထိန်းပေးမည်။

၄။ အပြစ်ဒုစရိုက်များကိုမေရှိယသခင်ယူဆောင်သွားခြင်း(၅၂:၁၃-၅၃:၁၂)

အခန်းကြီး၅၂၏နိဂုံးပိုင်းသည် အခန်းကြီး၅၃နှင့်ဆက်စပ်သည်။ ယေ ဟောဝါဘုရားရှင်၏အစေခံတော်၊လူ့ဘဝအသက်တာ၊လက်ဝါးကပ်တိုင် ကျောက်ရှိခြင်းနှင့်ဘုန်းတန်ခိုးထင်ရှားခြင်းစသည့်အကြောင်းများဖြစ်သည်။ ဟေဗြဲခရစ်ယာန် Adoplh Saphirကလက်ဝါးကပ်တိုင်အကြောင်းမဟာပရော ဖက်ပြုချက်ကိုစိတ်နှလုံးရွှင်လန်းစွာဤသို့ကွန့်မြူးထားသည်။

ကောင်းကြီးမင်္ဂလာပြည့်စုံသောအဖိုးတန်ကျမ်းချက်ဖြစ်သည်။ ဤကျမ်းပိုဒ်ကြောင့်ရှေးယုံကြည်သူအမြောက်အမြားသည်လက်ဝါးကပ်တိုင်ခြေရင်းသို့ရောက်ကြပေမည်။ ကားတိုင်ပေါ်တွင်ရေးထားသည့် “ယေရှုခရစ်တော်၊ယုဒတို့၏ဘုရင်”ဟူသောစာသားကိုဖတ်ရှုကြပေမည်။အလိုလေးဗျာ။ ကိုယ်တော်ဘုရားမြေကြီးပေါ်မှခွာသွားသော်လည်းဘုန်း တန်ခိုးတော်သည်မွှေးကြိုင်သင်းပျံ့နေဆဲ၊ဣသရေလများနောင်တရကြ၍ ယုံကြည်လက်ခံကြပြီ။ “စင်စစ်ယေရှုခရစ်တော်သည်ငါတို့အတွက်ဝေဒနာခံခဲ့ပြီ၊ ဝမ်းနည်းခြင်းများယူဆောင်ဖယ်ရှားပေးခဲ့ပြီ။ ကိုယ်တော်ကိုပြစ်မှားမိခဲ့ပြီ။ ကျူးလွန်မိခဲ့ကြပြီ။ ဒုက္ခပေးမိခဲ့ကြပြီ”၆၀

၅၂:၁၃ ယေဟောဝါ၏အစေခံတော်သည်မြေကြီးပေါ်တွင်ပညာသတိပြည့် စုံစွာအမှုတော်ပြုခဲ့သည်။ ရှင်ပြန်ထမြောက်ခဲ့ပြီ။ အထက်မိုးယံသို့ကြွခဲ့ပြီ။ အမြင့် ဆုံးသောနေရာဘုရားသခင်၏ လက်ယာတော်၌စိုးစံတော်မူပြီ။

၅၂:၁၄ ပထမအကြိမ်ကြွလာစဉ်တွင်ခရစ်တော်သည်ဆင်းရဲဝေဒနာ နာကျင်စွာခံစားခဲ့သည်။ ဝေဒနာ၏နာကျင်မှုကိုလူများကမျှဝေခံစားနိုင်စွမ်းမရှိ ကြ။ မျက်နှာနှင့်ခန္ဓာကိုယ်များသည်လူ့ခန္ဓာကိုယ်နှင့်မညီအောင်အဆင်းအသ ရေပျက်ခဲ့သည်။ လူနှင့်မတူအောင်ရုပ်ပျက်ဆင်းပျက်ဖြစ်ခဲ့သည်။ ထိုသို့ဆင်းရဲခံ ခြင်းကိုလူများစွာကအံ့ဩကြသည်။

၅၂:၁၅ သို့သော်နောက်တခါပြန်လာလျှင်လူများထိတ်လန့်ကြမည် (NKJV)၆၁။ ဘုန်းတန်ခိုးအပြည့်အလျှံရှိမည်။ တပါးအမျိုးသားများသည်အသက် ရှုမဝံ့အောင်တိတ်ဆိတ်ကြမည်။ ကရာနီကုန်းပေါ်လက်ဝါးကပ်တိုင်ပေါ်တွင်အ သက်စွန့်ခဲ့သူသည် ဘုရင်တို့၏ ဘုရင်၊သခင်တို့၏သခင် ဖြစ်ကြောင်းသိရှိ သွားကြမည်။

ကိုယ်တော်၏ဘုန်းတန်ခိုးတော်သည် ကြီ:မြတ်ပါစေသား၊ မျက်နှာ တော်မှ လေးနက်သော အရာ လျှို့ဝှက်ချက်ကြောင်းအရာများသည် ဘုန်းတန် ခိုးအာနုဘော်ဖြစ်ကုန်ပြီ။

Miss C Thomason

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။