၁၂။ ကတိသစ္စာနှင့်ဆယ်ဘို့တစ်ဘို့ (အခန်း၂၇)

ဤနောက်ဆုံးအခန်းသည် မိမိတို့ စိတ်အားထက်သန်ကြသည့်အတိုင်း ဘုရားသခင်၌ ကတိပြုခြင်းအကြောင်း ဖြစ်သည်။ မိမိကိုယ်တိုင်သော်၎င်း၊ မိသားစုဖြင့်၎င်း၊ အိမ်မွေးတိရစ္ဆာန်အားဖြင့်၎င်း၊ အိမ်၊ မြေဖြင့်၎င်း၊ ကတိပေးနိုင်သည်။ ထိုသို့ ကတိပြုခြင်းသည် ယုံကြည်ခြင်း မျိုးစေ့ပျိုးခြင်းဖြစ်၍ ဘုရားသခင်ထံမှ ခံစားမည့် ကောင်းကြီးမင်္ဂလာများကို ကြိုတင်ရေတွက် ခြင်းဖြစ်သည်။ ကတိပြုရမည့်အရာများကို ယဇ်ပုရောဟိတ်များသို့ ပေးရသည် (တော ၁၈:၁၄)။ ယဇ်ပုရောဟိတ်များသည် ထိုဝိညာဉ်ဆုလက်ဆောင်များအား အစဉ်သဖြင့်ရရှိကြသည်မဟုတ်။ ကတိပြုသူများသည် ငွေကြေးဖြစ်စေ။ အရာဝတ္ထုဖြစ်စေ ပေးနိုင်သည်။

၂၇:၁–၂ သစ္စာကတိသည် စင်ကြယ်၍ အထူးကိစ္စရပ်ဖြစ်သည်။

၂၇:၃–၇ ဘုရားသခင်ထံသို့ သစ္စာကတိပြုလျှင် အောက်ပါအတိုင်း တန်ဖိုးတွက်ချက်၍ ယဇ်ပုရောဟိတ်ထံသို့ အပ်နှံရသည်။

အသက်(၂၀)နှစ်မှ (၆၀)အရွယ်ယောက်ျား                                     အကျပ် (၅၀)

အသက်(၂၀)နှစ်မှ (၆၀)အရွယ်မိန်းမ                                            အကျပ် (၃၀)

အသက်(၅)နှစ်မှ (၂၀)အရွယ်ယောက်ျား                                       အကျပ် (၂၀)

အသက်(၅)နှစ်မှ (၂၀)အရွယ်မိန်းကလေး                                      အကျပ် (၁၀)

အသက်(၁)လမှ (၅)နှစ်အရွယ် ယောက်ျားကလေး                         အကျပ် (၅)

အသက် (၁)လမှ (၅)နှစ်အရွယ် မိန်းကလေး                                  အကျပ်(၃)

အသက် (၆၀)ထက် ယောက်ျား                                                    အကျပ် (၁၅)

အသက် (၆၀)ထက် မိန်းမ                                                                       အကျပ် (၁၀)

၂၇:၈ အကယ်၍ ကတိသစ္စာပြုသူသည် အထက်ပါ ဈေးနှုန်းအား မတတ်စွမ်းနိုင်လောက်အောင် ဆင်းရဲမွဲတေနေလျှင် ယဇ်ပုရောဟိတ်ထံချဉ်းကပ်၍ ဈေးညှိနှိုင်းနိုင်သည်။

၂၇:၉–၁၃ အကယ်၍ ကတိသစ္စာပြုချက်သည် တိရစ္ဆာန်ဖြစ်လျှင် အောက်ပါအတိုင်း ဆောင်ရွက်ရသည်။ စင်ကြယ်၍ ယဇ်ပူဇော်နိုင်သော တိရစ္ဆာန်ဖြစ်လျှင် ပြန်ရွေးခွင့်မပြု(ငယ်၉)။ ဘုရားသခင်အဖို့ ယဇ်ပူဇော်ရသည် (တော ၁၈:၁၇)။ ထိုတိရစ္ဆာန်နှင့်လဲ ယူမည့်ပစ္စည်းမူလပိုင်ရှင်သည် ဘုရားသခင်ဖြစ်သည် (ငယ် ၁၀၊၃၃)။ မစင်ကြယ်သောတိရစ္ဆာန်ဖြစ်လျှင် ယဇ်ပုရောဟိတ် သတ်မှတ်ထားသည့် ဈေးအတိုင်း ရွေးယူရသည့်အပြင် ငါးပုံတစ်ပုံ ထပ်ဆောင်းရသည်။

၂၇:၁၄–၁၅ အကယ်၍ နေအိမ်ကတိသစ္စာပြု၍ စိတ်ပြောင်းသွားလျှင် ပြန်လည်ရွေးယူခွင့်ရှိသည်။ ယဇ်ပုရောဟိတ်သတ်မှတ်ထားသည့်အပြင် ငါးပုံတစ်ပုံ ဆထပ်တောင်းရသည်။

၂၇:၁၆–၁၈ မြေကွက်ကို ကတိသစ္စာပြု၍ မြေကွက်တန်ဘိုးတွက်ချက်လျှင် ယုဘိလနှစ်ကိုပါ ထည့်သွင်းတွက်ချက်ရသည်။

မူပိုင်ရှင်ဖြစ်လျှင် အပိုဒ်ငယ် ၁၆-၂၁တွင် ပါရှိသည့်ထုံးနည်းနာများကိုလည်း ထည့်တွက်ရသည်။ မျိုးစေ့ကြဲသည့်တန်ဖိုး၌ မူတည်ရသည်။ ငွေအကျပ်(၅၀)ဘိုး မျိုးစေ့ကြဲရလျှင် လယ်ကွက်ဘိုးကိုလည်း ထိုပမာဏအတိုင်း ဖြစ်သည်။

အကယ်၍ လယ်ကွက်ကိစ္စသည် ယုဘိလနှစ်နှင့် နီးလျှင် အထက်ပါထုံးနည်းနာအကျိုးသက်ရောက်၍ ယုဘိလနှစ်ကျော်လွန်မည်ဆိုလျှင် ထိုနှစ်များအတွက် ဈေးလျှော့ရသည်။ တစ်နည်းအားဖြင့် လယ်ကွက်သည် ငွေအကျပ်(၃၀)တန်လျှင် ယုဘိလနှစ်နောက်တွင် အကျပ်(၂၀)ဟုသာ တန်ဘိုးတွက်ရချက်ရသည်။

၂၇:၁၉–၂၁ အကယ်၍ လယ်ကွက်ကို ပြန်ရွေးလိုလျှင် တန်ရာတန်ကြေးအပြင် ငါးပုံတစ်ပုံဆ ထပ်ဆောင်းရသည်။

ဘုရားသခင်ထံသို့ ဆက်ကပ်အပ်နှံပြီးဖြစ်လျှင် ယုဘိလနှစ်မတိုင်မီ ပြန်လည်ရွေးယူခွင့်မရှိ။ အခြားသူသို လျှို့ဝှက်စွာ ရောင်းစားလျှင်လည်း ရွေးယူခွင့်မရှိ။ သို့သော် ယုဘိလနှစ်မရောက်မချင်း ယဇ်ပူရောဟုတ်က ပိုင်ဆိုင်သည်။ ထိုမြေသည် ဆက်ကပ်ပေးသောမြေ၊ သန့်ရှင်းသောမြေအဖြစ် သတ်မှတ်ရသည်။

၂၇း၂၂-၂၅ အကယ်၍ မူလပိုင်ရှင် မဟုတ်သူထံမှ ဝယ်ယူသောလယ်ကွက်ဖြစ်လျှင် အပိုဒ်ငယ် ၂၂-၂၅ ပါအတိုင်း လိုက်နာရသည်။ ယဇ်ပရောဟိတ်က ယုဘိလနှစ်မတိုင်မီက အထွက်နှုန်းပေါ်မူတည်၍ တန်ဖိုးတွက်ချက်ပေးရသည်။ ထိုနှစ်တွင် မူလပိုင်ရှင်ထံသို့ လယ်ကွက်ပြန်အပ်နှံရသည်။

၂၇:၂၆–၂၇ ပထဦးဆုံးမွေးသော တိရစ္ဆာန်ကို ကတိသစ္စာပြုရာ၌ မသုံးရ။ မစင်ကြယ်သော တိရစ္ဆာန်ကို ပြန်လည်ရွေးယူလိုလျှင် တန်ရာတန်ကြေးအပြင် ငါးပုံတစ်ပုံဆ ထပ်ဆောင်းရမည်။ တစ်နည်းအားဖြင့် ယဇ်ပုရောဟိတ်က ရောင်းစားနိုင်သည်။

၂၇:၂၈–၂၉ သေဒဏ်သို့မဟုတ် ဖျက်ဆီးခြင်းဒဏ်သင့်သောအရာများကို ပြန်လည်ရွေးနှုတ်ခွင့်မရှိ။ ဆိုလိုသည်မှာ ဘုရားသခင်ထံသို့ ဆက်ကပ်အပ်နှံထားပြီးသည်များကို ပြန်ရွေး၍မရ သေဒဏ်ပေးရသည်။

ဤအခန်းနှင့် ပတ်သက်၍ ကျမ်းမူတစ်ခုနှင့်တစ်ခု ကွဲပြားကြသည်။ NASB ကျမ်းမူ၌ လှူဒါန်းသည်။ NKJV နှင့် KJV က ပေးဆပ်သည်ဟု သုံးနှုန်းကြသည်။ စင်ကြယ်စေသောအရာသည် ဘုရားသခင်အသုံးပြုဖို့ လှူဒါန်းခြင်းဖြစ်၍ ပြန်ရွေးခွင့်ရှိသည်။ ပေးဆပ်ခြင်း လုံးလုံးလျားလျား ပေးလိုက်ခြင်းဖြစ်၍ ပြန်ရွေးစရာလည်း အကြောင်းမရှိပြန် ရွေး၍လည်းမရ။

၂၇:၃၀–၃၁ သီးနှံသို့မဟုတ်သစ်သီး၏ဆယ်ဘို့တစ်ဘို့ကို ဘုရားသခင်ပိုင်ဆိုင်သည်။ အကယ်၍ ပိုင်ရှင်က ထိန်းသိမ်းထားလိုလျှင် ထိုပစ္စည်းနှင့် ညီမျှသော တန်ဘိုးပေးလှူနိုင်သည်။

၂၇:၃၂–၃၃ “ကြိမ်လုံးအောက်၌ သွားသမျှသော” ဆိုသည်မှာ အကောင်ရေတွက် သိမ်းဆည်းရသောဆိတ်အုပ်၊ သိုးအုပ်ဖြစ်သည်။ Leslie Flynnက ဤသို့ရှင်းပြသည်။

သိုးထိန်းသည် ယမထာ ကြိမ်တုတ်ဖြင့် ရေတွက်၍ ဆယ်ကောင်တစ်ကောင် ရေတွက်သည်။ ရေတွက်မမှားနိုင်သဖြင့် ကောင်းသော တိရစ္ဆာန်များ ရွေးမှားစရာမရှိ။ သို့ကြောင့် ဘုရားသခင်ထံသို့ ပူဇော်သည့်အခါ ဆယ်ဘို့တစ်ဘို့ မှန်ကန်စွာပေးလာရနိုင်သည်။၂၄ ပထမဆယ်ဘို့တစ်ဘို့ လေဝိသားများ ပိုင်ရသောကြောင့် လေဝိဆယ်ဘို့တစ်ဘို့ဟု ခေါ်ဆိုကြသည် (ကော ၁၈:၂၁-၂၄)။ နောက်ထပ်ဆယ်ဘို့တစ်ဘို့ ပေးလှူလျှင် တရား ၁၄:၂၂-၂၉ အတိုင်းလုပ်ဆောင်ရသည်။

၂၇:၃၄ ဘုရားသခင်က မောရှေသို့ မိန့်ဆိုသမျှဆိုသည်မှာ ဝတ်ပြုရာကျမ်းတွင် မိန့်မှာချက်များအားလုံး ဖြစ်သည်။ ဤကျမ်းစာပါ အသေးစိတ်အချက်အလက်များနှင့် အသွေးယဇ်ပူဇော်ခြင်းအကြောင်း လေ့လာပြီးစီးလျှင် Matthew Henry ကဲ့သို့ ပျော်ရွှင်နိုင်ကြပေမည်။ Henryက ဤသို့ဆိုထားပါသည်။

စာဖတ်သူတို့သည် ပညတ်တရား အမှောင်ရိပ်အောက်၌ ရှိနေသူ မဟုတ်တော့ပါ။ သတင်းကောင်း အလင်းကြောင်းထဲ၌ ပျော်ရွှင်ကျေနပ်သူဖြစ်သည်။ ပညတ်တရားထမ်းပိုးကြီးအောက်မှာ ဝန်ပိနေသူမဟုတ်။ မွှေးကြိုင်ပေါ့ပါးသော ဧဝံဂေလိသတင်းကောင်းအောက်မှာ မြူးကြွသူဖြစ်သည်။ အဘဘုရားသခင်အား ဝိညာဉ်နှင့် သစ္စာဖြင့် ကိုးကွယ်သူများဖြစ်သည်။ ယဇ်ပုရောဟိတ်ကြီး ခရစ်တော်အားဖြင့် ဗိမာန်တော်၊ ယဇ်ပလ္လင်လည်း သန့်ရှင်းစင်ကြယ်စေပြီး ပွဲတော်ကျင်းပခြင်း၊ သန့်ရှင်းစင်ကြယ်ရန် ပူဇော်ခြင်းများ အတွေးအခေါင်စရာမလိုတော့ပါ။  အချိန်ရှိသမျှ ဘုရား သခင်ထံသို့ ဆက်ကပ်ရန်သာရှိသည်။ စိတ်ဝိညာဉ် လွတ်လပ်စွာ လွှင့်တင်၍ ချီးမွမ်းရမည်။ ချစ်ခြင်းမေတ္တာနှင့် ယှဉ်၍ ပျော်ရွှင်ကြရမည်။ ဘုရားသခင်၌ စင်ကြယ်စွာ အသက်ရှင်ခြင်းကို ဦးစားပေးရမည်။ ခရစ်တော်၏ အသွေးတော်အားဖြင့် အသန့်ရှင်းဆုံးဌာနတော် ကျက်သရေဆောင်သို့ ဝင်ခွင့်ရကြပြီ။ စိတ်နှလုံးအရင်းဖြင့် အထံတော်သို့ တိုးဝင်ချဉ်းကပ်ကြပါစို့။ ယုံကြည်ခြင်းအပြည့်အဝရှိကြပါစို့။ ရွှင်လန်းချမ်းမြေ့စွာ ဂုဏ်တော်ချီးမွမ်းကြပါစို့။ မိမိကိုယ်ကို နှိမ့်ချ၍ ယုံကြည်ခြင်းပြည့်ဝကြပါစို့။ အိုဘုရားသခင်၊ ယေရှုခရစ်တော်အားဖြင့် ကောင်းချီးပေးပါသည်တကားဟု ကြွေးကြော်ကြပါစို့။၂၅

မှတ်စု

၁။        အခန်း(၁) ólãh ဟူသောဝေါဟာရသည် ‘to go up’ ဟူသော စကားလုံးမှ ဆင်းသက်လာခြင်းဖြစ်သည်။ ဆိုလိုသည့်သဘောမှာ တိရစ္ဆာန်အားလုံးသည် ဘုရားသခင်အား ယဇ်ပူဇော်ဖို့ ဖြစ်ပေါ်လာသည်ဟု အဓိပ္ပါယ်ရသည်။

၂။         အခန်း(၁) Pell, The Tabernacle, pp.102,103.

၃။        အခန်း(၂) KJV ကျမ်းမူ 1611တွင် “Meat”ဟူသောစကားလုံးကို “အရေမဟုတ်သောအစာ” ဟု ဆိုထားသည်။ ယနေ့စားသုံးနေရသောအသားဟူသည့် ဝေါဟာရသည် (၁၇)ရာစုမှ ခေါ်ဝေါ်သုံးစွဲခြင်းဖြစ်သည်။ ပညာရှင်များက Minhah ဟူသော စကားလုံး၏ မူရင်းအဓိပ္ပါယ်မှာ “ဦးဆောင်သည် လမ်းပြသည်” ဟုဆိုလိုသည်။ မူရင်းစကားလုံး “guide” မှ ဆင်းသက်လာခြင်း ဖြစ်သည်။

၄။        (၃:၁-၅) ဗဟုကိန်းဖြင့် သုံးလေ့ရှိသော Shelãmim သည် ဟေဗြဲစကား shãlôm နှင့်ဆက်နွယ်သည်ဟု အများက သိရှိကြသည်။ ဟေဗြဲဘာသာစကားသည် အဓိပ္ပါယ်ကျယ်ပြန့်သည်။ ရက်စက်မှုကင်းစင်၍ ဘုရားသခင်နှင့် ငြိမ်သက်ခြင်း ရရှိသည်ဟုလည်း အနက်ရသည်။ ဒုတိယအဓိပ္ပါယ်မှာ ဘုရားသခင်နှင့် ဆက်ဆံနှီးနွှယ်ဖို့ရာ ယဇ်ပူဇော်မိဿဟာယပြုခြင်းဖြစ်သည်။ လူအများ နတ်ကိုးကွယ်သည်မှာ မိတ်သဟာယယဇ်ဟုခံယူကြသည်။  အချို့ပညာရှင်များက မူရင်းအတိုင်း “ပြည့်စုံစေဖို့” ဟုခံယူကြသည်။ (Carr က ဤသို့သုံးသပ်ထားသည်။ “အကယ်၍ ဤစကားအတိုင်းခံယူလျှင် ဓမ္မသစ်ကျမ်းအလိုအရ ခရစ်တော်သည် လူသားတို့၏ ငြိမ်းချမ်းရာ (ဥပမာ ဧ၂:၁၄) ဖြစ်သည်။ ပိုမို၍ အဓိပ္ပါယ်ပြည့်စုံသည်။ ခရစ်တော်သည် လူသားများအတွက် နောက်ဆုံးယဇ်ပူဇော်သော ယဇ်ပုရောဟိတ်ကြီး ဖြစ်သည်။ (ဟေဗြဲ ၉:၂၇)၊ ၁၀:၁၂ နှင့်ယှဉ်ကြည့်ပါ”။ G.Loyal Carr, Shelem, Theological Wordbook of the Old Testament; II:932.

၅။        အခန်း(၃) Pell, Tabernacle, p.92.

၆။        အခန်း(၄) ထူးထူးခြားခြား ဤဟေဗြဲဝေါဟာရကို ဓမ္မဟောင်းတွင် အကြိမ်ပေါင်း(၃၀၀)နီးပါး သုံးထားသည်။ အပြစ်သို့မဟုတ် အပြစ်ဖြေပူဇော်ခြင်းဟု အနက်ရသည်။

၇။        (၅:၁၄-၆:၇) RSV နှင့် NEB ကျမ်းမူများက “guilt offering” ဟု သုံးကြသည်။ သို့သော် အများသုံးအနက်ဖွင့် စကားလုံးကို သုံးစေချင်သည်။

၈။        (၆:၈) Keil နှင့် Delitzsch တို့က ကျမ်းပိုဒ် ဒုတိယပိုင်းကို “စင်ကြယ်သောပစ္စည်းကို ကိုင်တွယ်ထိတွေ့သော သာမန်လူများသည်လည်း စင်ကြယ်သွားကြသည်။ ညစ်ညမ်းခြင်းမရှိ။ ယဇ်ပုရောဟိတ်များကဲ့သို့ စင်ကြယ်သွားကြသည်” ဟု ဖွင့်ဆိုကြသည်။ C.F.Kerl and Franz Delitzsch, “Leviticus” in Bible Commentary on the Old Testament, II;319.

၉။        (၇:၁၁-၁၈) A.G.Clarke, Precious Seed Magazine No.2, Vol. II, March, April, 1960, p.49 Ibid.

၁၀။      (၇:၁၁-၁၈) John Reid, The Chief Meeting of the Church, p.58.

၁၂။      (၇:၂၂-၂၇) Dr.S.I, McMillen, None of Those Diseases, p.84.

၁၃။      (အခန်း ၈) Mattew Henry, Matthew Henry’s Commentary on the Whole Bible, I:474.

၁၄။      (အခန်း ၁၂) George Williams, The Student’s Commentary on the Holy Scripture p.71.

၁၅။      (၁၃: Intro) Harrison, Leviticus, p.137, ဆေးဖက်ဆိုင်ရာ ဘာသာရပ် စိတ်ဝင်စားသူများက နောက်ဆက်တွဲ “A” စာမျက်နှာ ၂၄၁ရှိ ရှင်းလင်းချက်က အခန်း ၁၃ကို အထောက်အကူပေးကြောင်း တွေ့ကြရမည်။

၁၆။      (၁၃: Inro) Ibid, pp.136,137.

၁၇။      (၁၃:၃၈-၃၉) Ibid, p.245.

၁၈။      (၁၃:၄၇-၅၉) Ibid, p.146

၁၉။      (၁၃:၄၇-၅၉) Ibid.

၂၀။      (၁၆:၂၁-၂၂) G.Morrish, Publisher, New and Concise Bible Commentary. p.91.

၂၁။      (၁၇:၁-၉) G.Campbell Morgan, Searchlights from the Word, p.38.

၂၂။       (၁၈:၁၉-၂၁) Francdis A. Schaeffer, The Chruch at the end of 20th Century; p,126.

၂၃။      (၂၃:၃၃-၄၄) Moishe and Ceil Rosen, Christ in the passover, pagination unavailabe.

၂၄။      (၂၇:၃၂-၃၃) Leslie B.Flynn, Your God and Your Gold, pp.30,31.

၂၅။      (၂၇:၃၄) Henry “Leviticus” I:502.