(ဂ) တိုက်တွန်းချက်နှိုးဆော်ချက်နှင့်နှုတ်ဆက်ခြင်း (၅:၁–၁၄)

          ၅:၁ နောက်ဆုံးအခန်းကို တိုက်တွန်းနှိုးဆော်ခြင်းနှင့် နှုတ်ဆက်ခြင်းဖြင့် အဆုံးသတ်သည်။ ပထမဦးဆုံစကားမှာ သင်းအုပ်များအတွက် ဖြစ်သည်။ ပေတရုက ခရစ်တော်၏ ဆင်းရဲဒုက္ခဝေဒနာ ကိုသိမြင်သော သက်သေထင်ရှားလတံ့ ဘုန်းသရေတော်ကို ဆက်ဆံသောသူ အဖြစ်မိမိကိုယ်မိမိ မိတ်ဆက်ထားပါသည်။ အဘယ်ကြောင့် နှောင်းလူသင်းအုပ်များသို့ တိုင်တည်ပါသနည်း။ သက်သေ တစ်ဦးအနေဖြင့် သိုးထိန်းသည် သိုးများအတွက် အသတ်ခံကြောင်း ပေတရုကိုယ်တိုင် မြင်ခဲ့သည်။ သိုးများသည် သိုးထိန်း၏ မေတ္တာထားရှိမှုကို လိုအပ်ကြောင်းအမှတ်တရဖြစ်စေသည်။ ပါဝင်ဆက်ဆံ သူအနေဖြင့် ခရစ်တော်ဘုရားသည် မကြာခင်ပြန်လည်ပေါ်ထွန်းမည်။ ကျွန်ုပ်တို့သည်လည်း အထံတော်ပါး၌ ပါဝရကြမည်(ကော ၂၁:၁၅၁၇) ဟူသောမိန့်မှာချက်ကိုသတိရမိသည်။

၅:၂ သင်းအုပ်များသည် သန့်ရှင်းသောဝိညာဉ်တော်စံပယ်မှုဖြင့် အသင်းတော်ကို ဦးစီးဦးဆောင်သော ဝိညာဉ်ရေးရာရင့်ကျက်သူများဖြစ်သည်။ ဓမ္မသစ်ကျမ်းတွင် သင်းအုပ်များဟု ဗဟုကိန်းကို သုံးနှုန်းထားရာ အသင်းတော်ရှိ တစ်ပါးတည်းသော သင်းအုပ်ကို ဆိုလိုခြင်း မဟုတ်ဘဲ၊ သင်းအုပ်အရာ ထမ်းဆောင်သူများအားလုံးကို ဆိုလိုကြောင်းနားလည်ရသည် (ဖိ ၁:၁)။ သင်းအုပ်များ ၏အရည်အသွေးကို (၁တိ၃:၁-၇နှင့်တိ၁:၆-၉) တွင်ပြဋ္ဌာန်းထားသည်။ ဓမ္မသစ်ကာလမတိုင်မှီ ကနဦးအသင်းတော်များတွင်မူ သင်းအုပ်များကို တပည့်တော်များက စာချွန်လွှာဖြင့် ခန့်အပ်ရသည် ။ ဓမ္မသစ်ကာလတွင်မူ အရည်အသွေးနှင့်ပြည့်မှီသူများကို ဤအတိုင်းဆွဲခန့်ကြသည်။ ယနေ့ကာလ တွင်မူ အရည်အသွေးနှင့် ပြည့်မှီသူများကို ဤအတိုင်း ဆွဲခဲ့ကြသည်။ ယနေ့ကာလတွင် ယုံကြည်သူများ သည်သင်းအုပ်၏ အရည်အချင်းနှင့် အမှုတော်များကို အသိအမှတ်ပြု၍ နာခံပေမည်။

သင်တို့နှင့်အတူ ရှိသောဘုရားသခင်၏ သိုးတော်စု။ သိုးတော်စု ပိုင်ရှင်မှာ ဘုရားသခင်ဖြစ် သော်လည်း သိုးထိန်းများကို အနီးကပ်ကြပ်မတ်စောင့်ထိန်းစေသည်။ အတင်းအကြပ် စေခိုင်းခြင်း မဟုတ်ဘဲ၊ စေတနာပါပါ လိုလိုလားလားဖြင့် စောင့်ထိန်းစေခြင်း ဖြစ်သည်။ သိုးထိန်းကိုသိုးများက ရွေးချယ်တင်မြှောက်၍ ခန့်အပ်ရသည်မဟုတ်။ သန့်ရှင်းသော ဝိညာဉ်တော်၏ စီမံခန့်အပ်ရာဖြစ်၍ သိုးထိန်းကလည်း တလေးတစားခံယူရသည်။ (၁တိ၃:၁)တွင်လည်း “သင်းအုပ်အရာကို တောင့်တသောသူသည် ကောင်းသောအမူအရာကို တောင့်တသည် ဟူသောစကားသည် မှန်သောစကားဖြစ်၏” ဟုဆိုထားပါသည်။ သခင်၏ အလိုတော်အတိုင်း ဖြစ်ကြောင်းဝန်ခံကြရမည်။

မစင်ကြယ်သော စီးပွားကို တပ်မက်သောကြောင့် မဖြစ်စေရ။ ငွေကြေးစီးပွားမျှော်ကိုး၍ သင်းအုပ်လုပ်ခြင်း မဖြစ်စေရ။ သို့သောဒေသန္တရအသင်းတော်က ထောက်ပံ့စရာမလိုဟု မယူဆ ရပါ။ အချိန်ပြည့် အမှုတော်ဆောင်များနှင့် ပတ်သက်၍ (၁တိ ၅:၇-၁၈)တွင် ထောက်ပံ့ရမည့် အကြောင်း သွန်သင်ထားပါသည်။ အမှန်တကယ် စေတနာသဒ္ဓါရက်ရောစွာ ပေးလှူခြင်းသာ ဒါမြောက်သည်။

၅:၃ တတိယတိုက်တွန်း နှိုးဆော်ချက်မှာ အသင်းတော်တို့ကို အာဏာထား၍ အစိုးတရပြု သည်မဟုတ်ဘဲ၊ သိုးတော်စုရှေ့မှာ ပုံသက်သေပြသောသူ ဖြစ်ကြလော့ဟု ဆိုထားပါသည်။ သင်းအုပ်များကို အဖျက်သမား ဟုတ်မဟုတ် သေချာစစ်ဆေးလက်ခံရမည်။ သိုးအုပ်ကိုခေါ်ဆောင် မောင်းနှင်ခြင်း မပြုဘဲနေတတ်သည်။ မိမိသိုးအုပ်ကဲ့သို့ ခံယူရန်အလွန်အရေးကြီးပါသည်။

ခရစ်ယာန်လောကမှ သာမန်ကာလျှံကာနာခံခြင်းမျိုး(၃)မျိုးထောက်ပြသည် ။(၁) စိတ်ပါလက်ပါမရှိဘဲ အဖျက်သမား စိတ်ဓါတ် (၂) ငွေကြေး၊ စီးပွားရေးဆန်ဆန် အဆုံးသတ်ခြင်း (၃) အသင်းတော်အား သတ်ဖြတ်ခြင်းတို့ ဖြစ်သည်။

၅:၄ သင်းအုပ်ဆရာသည် စိတ်ပိုင်း၊ရုပ်ပိုင်းနှစ်ခုစလုံး ပင်ပန်းနွမ်းနယ်သောအလုပ်ဖြစ်သည်။ ဆောက်တည်ရသည်။ ပြောပြရသည်။ သွန်သင်ရသည်။ စည်းကမ်းစနစ်တကျရှိရသည်။ သတိပေး နှိုးဆော်ရသည်။ ထိုအကြားထဲမှပင် ကျေးဇူးစွပ်တတ်ကြသည်။ သို့သော်လည်းသင်းအုပ်များအတွက် ဦးရစ်သရဖူ အဆင်သင့် ရှိနေပါသည်။ သိုးထိန်းချုပ်ကြီးပေါ်ထွန်းလာသောအခါ မပျက်စီးနိုင်သော ကောင်းကြီးသရဖူ အပ်နှင်းပါမည်။ အသေအချာ နားမလည်နိုင်သော သရဖူများရှိပါသည်။ ဝါကြွားခြင်းဦးရစ်သရဖူ (၁သက်၂:၁၉)၊ ဓမ္မသရဖူ (၂တိ၄:၈) အသက်သရဖူ (ယာ ၁:၁၃၊ဗျာ ၂:၁၀) နှင့်ကောင်းကြီးမင်္ဂလာသရဖူတို့ဖြစ်သည်။ ကယ်တင်ရှင်၏ခြေတော်ရင်းရောက်သောအခါမည်သည့် သရဖူဆင်မြန်းရမည်ကို မပြောနိုင်ပါ။ ခရစ်တော်အုပ်စိုးခြင်းကာလ ရောက်သောအခါ ဤလောက၌ ခါးစည်းခံရသော မျက်ရည်မျက်ခွက်၊ ညှဉ်းဆဲခြင်းနှင့် ဆင်းရဲဒုက္ခများမရှိတော့သည်မှာ သေချာသည်။

၅:၅ ထိုနည်းတူ အသက်ပျိုသောသူတို့သည်အသက်ကြီးသူတို့၏စကားကို နားထောင်စေ။ အဘယ်ကြောင့်ဆိုသော် ထိုအသက်ကြီးသူများသည် နာမတောမြတ်၌ နှစ်ပေါင်းများစွာ အတွေ့အကြုံ ရင့်ကျက်သူများဖြစ်သည် ။နှုတ်ကပတ်၏လေးနက်မှုကို ခံယူသူများဖြစ်သည်။ ဘုရားသခင်၏ သိုးများအားစောင့်ရှောက်ရန်ဝတ္တရားရှိသည်ဟု ခံယူထားသူများဖြစ်သည်။

ယုံကြည်သူတိုင်းသည် နှိမ့်ချခြင်း တန်ဆာဝတ်ဆင်ကြရမည်။ လေးနက်သော အဖိုးတန်စကား ဖြစ်သည်။ Moffatt “နှိမ့်ချခြင်းခါးတောင်းကျိုက်ကြလော့” ဟု ထပ်ဆိုထားသည်။ ခါးတောင်းကျိုက် ခြင်းမှာ အစေခံများ၏ အပြုအမူ ဖြစ်သည်။ အိန္ဒိယပြည်သာသနာပြုဆရာ တစ်ဦးက “ဝိညာဉ်ရေးရာကြီးထွားခြင်းနှင့် ပတ်သက်၍ စကားနှစ်ခွန်း ပြောရမည်ဆိုလျှင် “မသိဘူး” နှင့် “ဝမ်းနည်းပါတယ်” ဟူသော စကားဖြစ်သည်ဟု ဆိုလိုသည်။ ထိုစကားနှစ်ခွန်းသည် မိမိကိုယ်ကိုနှိမ့်ချသော စကားများ ဖြစ်သည်ဟုသည်။ ယုံကြည်သူတိုင်း ထိုနှိမ့်ချခြင်းစိတ်သဘော ရှိသင့်သည်။ လူတိုင်း အားမိမိထက် သာလွန်သားများဟု ယူဆသင့်သည်။ အပြင်ဘက် ရောက်သည့်အခါတွင်လည်း ထိုသဘောရှိကြသင့်သည်။ သို့သော် အသင်းတော်သည် စိတ်ကူးပုံရိပ်မဟုတ်။ တကယ့်အကောင် အထည် ဖြစ်သည်ကို ခံယူရမည်။

အခြားအကြောင်းပြစရာမရှိလျှင် နှိမ့်ချခြင်းအကြောင်းလုံးလောက်မည်ထင်ပါသည်။ ဘုရားသခင်သည် ထောင်လွှားစော်ကားခြင်းကိုမကြိုက်။ စိတ်နှင့်ချသောသူကို ကျေးဇူးပြုတတ် သည်။ (သု ၃:၃၄ကို ကိုးကားခြင်းဖြစ်သည်)။ ဘုန်းတန်းခိုးကြွယ်ဝတော်မူသောဘုရားသခင်က ကျွန်ုပ်တို့၏ မာနထောင်လွှားခြင်းကို မကြိုက်၊ ကြေမွသောနှလုံးသားကိုသာ ကျေးဇူးပြုတတ်သည် ကိုစဉ်းစားကြည့်ပါ။

၅:၆ စိတ်နှိမ့်ချခြင်းသည် တစ်ယောက်နှင့် တစ်ယောက်ဆက်ဆံရေးတွင် အဆင်ပြေသည် သာမက ဘုရားရှင်တော်၏ အလိုတော်လည်း ဖြစ်သည်။ ဤကျမ်းစာရေးသားသည့်ကာလတွင် သန့်ရှင်းသူများသည် ဆင်းရဲဒုက္ခမီးလျှံတောက်လောင်ချိန်ဖြစ်သည်။ ထိုဆင်းရဲဒုက္ခသည် ဘုရားရှင် တော်ထံကမဟုတ်ပါ။ ဘုရားရှင်၌ ခံစားရခြင်း ဖြစ်သည်။ ထိုကြောင့်ကာလ အချိန်တန်ရောက်လျှင် တန်ခိုးကြီးသောလက်တော်ဖြင့် ချီးမြောက်မည့်အကြောင်း ကျမ်းစာကကတိတော်ပေးခြင်းဖြစ်သည်။

၅:၇ ယုံကြည်သူများသည် စိုးရိမ်ခြင်းအမှုဟူသမျှကို အထံတော်ပါးသို့ ယုံကြည်စိတ်ချစွာ အပ်နှံနိုင်ပါသည်။ ဤကျမ်းပိုဒ်သည်လည်း (ဆာ ၅၅:၂)ကို ကိုးကားထားသည်။

ဤအကြောင်းနှင့်ပတ်သက်၍ J Sicllow Baxter က အချက်(၂)ချက်နှုတ်ပြထားပါသည်။

“စိုးရိမ်ပူပန်ခြင်းဟူသမျှကို အထံတော်ပါးသို့ အပ်နှံခြင်း” သည်ချစ်ခင်နှစ်သက်၍ ကူညီခြင်း ဖြစ်သည်။ တစ်မျိုးသည် “ဂရုစိုက်ပေးခြင်း”ဖြစ်သည်။ ကျွန်ုပ်တို့၏ရှိရှိသမျှ ပူပင်သောကကို ကယ်တင်ရှင်ဘုရားသခင်က မပျက်မပျောက်သော ချစ်ခင်စုံမက်ခြင်းဖြင့် ဖေးမကူညီပေးပါသည်။

သောကသည် မလိုလားအပ်သောအရာ ဖြစ်သည်။ ဝန်ထုတ်ဝန်ပိုးကြီး အချည်းနှီးသက်သက် အပိုအလုပ်ဖြစ်သည်။ ပြဿနာကို မဖြေရှင်းနိုင်ပါ။ အပြစ်ဒုစရိုက် ဖြစ်သည်။ သောကသည် ဘုရားသခင် ဉာဏ်ပညာကို မယုံကြည်သောကြောင့် အပြစ်တရား ဖြစ်သည်။ ဘာမျှလည်းမလုပ်တတ် မကိုင်တတ်ပါ။ ဘုရားသခင်၏ ဉာဏ်ပညာကို မယုံကြည်သောကြောင့် အပြစ်တရားဖြစ်သည်။ ဘာမျှလည်း မလုပ်တတ်မကိုင်တတ်ပါ။ ဘုရားသခင်၏ မေတ္တာတော်ကိုလည်း သံသယရှိသည်။ ဂရုမစိုက်ဟု ပြောတတ်သည်။ ဘုရားသခင်၏ တန်းခိုးကိုလည်း မယုံသင်္ကာ ဖြစ်နေသည်။ ပူပင်သောကထဲကနေ မဆွဲထုတ်နိုင်ပါဘူးဟု ငြီးထွားတတ်သည်။ ထို့ကြောင့် အပြစ်တရားဖြစ်သည် ဟု မိတ်ဆွေတစ်ဦးက ဝေမျှသည်။ စဉ်းစားကြည့်ကြပါကုန်။

၅:၈ ပူပင်သောကမရှိကြတော့လျှင် တဏှာငြိမ်ခြင်း၊ နိုးကြားခြင်းရှိပါသည်။ အဘယ်ကြောင့် ဆိုသော် စာတန်မာရ်နတ်က ဟိန်းဟောက်လျက် ဘေးပတ်လည်တွင် အသင့်စောင့်နေသည်။ တဏှာငြိမ်းခြင်းဆိုသည်မှာ အသက်တာအတွက် အရေးကြီးသော ဆုံးဖြတ်ချက်ချနိုင်ခြင်း၊ စာတန်၏ ရန်ဆောင်မှုကို အမြဲသတိရှိနေခြင်း ဖြစ်သည်။  Pentecost Well ကဤသို့ ဆိုထားသည်။

လောကသဘာဝကို မပစ်ပယ်နိုင်ဘဲ ထိုအထဲ၌ကျင်လည်သူသည် စာတန်မာရ်နတ်၏ ဟိန်းဟောက် ခြိမ်းခြောက်မှု၌ အစဉ်သောကဗျာပါဒ ရောက်နေမည် အမှန်ပါ။ သို့သော ယေရှုခရစ်တော်ကို ဘဝပိုင်ရှင်အဖြစ် ခံယူသူများမှာမူကား အသစ်သောအသွင်အပြင်ဖြင့် တည်ငြိမ်အေးချမ်းစွာ နေထိုင်သွားလိမ့်မည်။

သတိရှိနိုးကြားခြင်းသည် စာတန်မာရ်နတ်၏တိုက်ခိုက်ခြင်းကို ရင်ဆိုင်ရန်အချိန်မရွေး အဆင်သင့်ရှိသူဖြစ်သည်။ ဤနေရာတွင် မာရ်နတ်ကိုကိုက်စားဖိုလိုက်ရှာနေသော ဟိန်းဟောက်သည့် ခြင်္သေ့အဖြစ် ဖော်ပြထားသည်။ မာရ်နတ်သည် ပုံစံအမျိုးမျိုးဖြင့် ပေါ်ထွန်းလာနိုင်သည်။ တခါတရံမြွေ ကဲ့သို့သူတပါးစိတ်ကို မြူဆွယ်သည်။ တခါတရံအလင်းသဖွယ် ပြူးပြူးပြက်ပြက် လင်းလက်တတ် သည်။ ဤကျမ်းပိုဒ်တွင်မူ ခြင်္သေ့ကဲ့သို့ ဟိန်းဟောက်သည်ဟု ဆိုသည်။ ဘုရားသခင်သားသမီးများကို ကိုက်စားဖို့ ကြံစည်အားထုတ်နေသည်။

၅:၉ စာတန်၏ မာယာကို လက်မြောက်အရှုံးပေးစရာ မလို။ ဆုတောင်းခြင်း၊ နှုတ်ကပတ်တော် ဆင်ခြင်ခြင်းဖြင့် ခုခံတွန်းလှန်နိုင်ပါသည်။ ကျွန်ုပ်တို့ကိုယ်တော်၌ တွန်းလှန်ရန်ခွန်အားမရှိ သော်လည်း ယုံကြည်မှုခိုင်မာခြင်း၊ ဘုရားသခင်၌ တည်မှီခြင်းဖြင့် ခုခံနိုင်သည်။

စာတန်၏ ပရိယာယ်တစ်ခုမှာ တစ်ယောက်နှင့်တစ်ယောက်ခံစားရသည့် ဒုက္ခမတူညီအောင် လှည့်စားခြင်း ဖြစ်သည်။ သောကမီးကို ကျော်ဖြတ်နိုင်လျှင် စာတန်၏ မာယာထောင်ချောက်အားလုံး ကို လွယ်လင့်တကူနင်းချေ ဖျက်ဆီးနိုင်ပါသည်။ ထို့ကြောင့် သမ္မာကျမ်းစာက လူ့ပြည်အရပ်ရပ်တို့၌ ရှိသောသင်တို့ ညီအစ်ကိုများတို့သည် ထိုသို့သော ဆင်းရဲကို ခံရကြသည်ဟု သိမှတ်လျက်၊ ယုံကြည် ခြင်း၌ တည်ရန်သွန်သင် သတိပေးထားသည်။

၅:၁၀ စစ်မှန်သောအောင်ပွဲသည် ဘုရားသခင်၏အံ့သြဘွယ်ရအကြံအစည်တော်ဖြစ်သည်။ ခံစားခဲ့ရသော စုံစမ်းနှောင့်ယှက်ခြင်းကို မှုစရာမလိုပါ ။ အရာခပ်သိမ်းသည် ဘုရားသခင်၏ ကျေးဇူတော်အတိုင်းသာ ဖြစ်သည်။ ဘုရားသခင်က ကျွန်ုပ်တို့အား ဆက်ဆံခြင်းသည် ကျွန်ုပ်တို့၏ လုပ်ဆောင်မှုအပေါ်မှာ မတည်ဘဲ၊ ဘုရားရှင်၏ တစ်ဘက်သတ် မေတ္တာကြောင့် ဖြစ်ပါသည်။ မည်သို့ပင် ဆင်းရဲဒုက္ခကြုံတွေ့ရစေကာမူ အပယ်ငရဲသို့ ကျရောက်ခြင်း မရှိသောကြောင့် ဘုရားရှင် တော်အား အစဉ်ချီးမွမ်းသင့်ပါသည်။

ဒုတိယနှစ်သိမ့်ငြိမ်သက်စရာ အကြောင်းမှာ ထာဝရဘုန်းသရေတော်သို့ ခေါ်ဆောင်ခြင်းဖြစ်သည်။ ဤအကြောင်းသည် ခံစားနေရသော လောကဆင်းရဲမှုများကို မျက်ကွယ်ပြု၍ ကယ်တင်ရှင်  သခင်ဘုရားနှင့်အတူ ထာဝရစိုးစံရမည့် အကြောင်း ဖြစ်သည်။ ဖရိုဖရဲဝရုန်းသုန်းကားဘဝမှ ထာဝရဘုန်းအသရေတော် ခံစားရာဘဝသို့ ခေါ်ဆောင်ခြင်းကို ဆင်ခြင်အောက်မေ့ကြည့်ပါ။

တတိယငြိမ်သက်ခြင်းမှာ ယခုခံစားနေသော ဆင်းရဲဒုက္ခသည် တစ်ခဏတာသာဖြစ်သည်။ လူ့ဘဝ ဆင်းရဲဒုက္ခများသည် ထိုယာယီ တစ်ခဏတာထက်ပိုနည်းပါသည်။

နောက်ဆုံးတိုက်တွန်းအားပေးချက်မှာ ဘုရားသခင်သည် ဆင်းရဲဒုက္ခဖြင့် ကျွန်ုပ်တို့အားပညာ ပေးပုံသွင်းခြင်းဖြစ်သည်။ ဘုရားရှင်၏အုပ်စိုးမှုခံယူရန် လေ့ကျင့်ပေးခြင်း ဖြစ်သည်။ ပုံစံ (၄)မျိုးဖြင့် သွန်သင်လေ့ကျင့်ပါသည်။

ပြည့်စုံခြင်း စုံစမ်းခြင်းသည် ယုံကြည်သမှုကိုကြံ့ခိုင်စေသည်။ အကျင့်သီလအားဖြင့်ဝိညာဉ် ရေးရာရင့်ကျက် ခိုင်မာစေပါသည်။

          ဆောက်တည်ခြင်း ဆင်းရဲဒုက္ခများက ခရစ်ယာန်များကို တည်ငြိမ်စေပါသည်။ ဖိစီးမှုအောက် မှာကောင်းမွန်သော ဝန်ချ၊နှိမ့်ချခြင်းရှိစေသည် ။ဤကျမ်းပိုဒ်သည် လု ၂၂:၃၂ “သင်သတိရပြန် သောအခါသင်၏ ညီအစ်ကိုတို့ကိုတည်ကြလေလော့” ဟူသောကျမ်းပိုဒ်နှင့် တသဘောတည်း ဖြစ်သည်။

ခွန်အားပေးခြင်း ညှဉ်းပန်းနှိပ်စက်ခြင်းနှင့်အားအင်ချိနဲ့ခြင်းသည် စာတန်၏ လက်ချက်ဖြစ်သည်။ သို့သော်ယုံကြည်သူများအတွက် ဆန့်ကျင်ဘက်အကျိုးသက်ရောက်သည့် ဇွဲ၊ သတ္တိဖြစ်စေ၍ ပိုမိုခွန်အား တောင့်တင်းစေသည်။

စနစ်ကျနခြင်း ဤစကားလုံးသည် “အုတ်မြစ်ချခြင်း” ၌အခြေတည်သည်။ ယုံကြည်သူတိုင်း အားလုံခြုံသေချာသော သားတော်နှင့်နှုတ်ကပတ်တော်တွင် စနစ်တကျအခြေချဖို့ အလိုတော်ရှိပါသည်။

Lacey ကဤသို့ရှင်းပြသည်။

ခရစ်ယာန်များ၏ ပြင်းထန်သော ဆင်းရဲဒုက္ခဝေခနာများ အစဉ်တစိုက် ခံစားရလေလေ ထပ်တူထပ်မျှ ကောင်းကြီးမင်္ဂလာ ခံစားရလေလေဖြစ်သည်။ ယုံကြည်မှုတောက်ပြောင်စေသည် အကျင့်သီလခိုင်မာစေသည်။ ဆောက်တည်ရာရစေသည်၊ ခွန်အားဖြစ်စေသည် ဘုရား၏လူများအဖြစ် စနစ်တကျရှိစေပါသည်။

၅:၁၁ ညှဉ်းပန်းနှိပ်စက်ခြင်းနှင့်ဆင်းရဲဒုက္ခများသည် ကျွန်ုပ်တို့ကောင်းစားဖို့နှင့်ဘုန်း အသရေတော် ထင်ရှားဖို့ ဘုရားသခင်စီရင်ခွဲခန့်ရာဖြစ်သည်။ အံ့သြဖွယ်ကောင်းလောက်အောင် ကျမ်းစာက “ထိုဘုရားသခင်သည် ကမ္ဘာအဆက်ဆက်ဘုန်းသရေအစွမ်းသတ္တိရှိတော်မူပါစေသတည်း အာမင်” ဟု ဆိုထားပါသည်။ တစ်ခုသည်ဘုန်းအသရေရှိခြင်းဖြစ်၍ အခြားတစ်ခုသည်ကမ္ဘာအဆက် ဆက် အစွမ်းသတ္တိရှိခြင်းဖြစ်သည်။

၅:၁၂ သိလွှာနု (သိလဟုအတိုကောက်အားဖြင့်ခေါ်သည်) သည်ဤပေတရု၏ သြဝါဒစာစောင်ကို ယူလာပေးသော ယုံကြည်သူညီအစ်ကို ဖြစ်သည်။ ဤသြဝါဒစာစောင်၏ အဓိကအာဘော်မှာ ပြန့်ကြဲနေသောယုံကြည်သူခရစ်ယာန်များ သမ္မာတရား၌ယုံကြည်ခြင်း ခိုင်မာစိတ်ချမှုရှိကြရန် တိုက်တွန်းအား ပေးခြင်းဖြစ်သည်။ ကျမ်းစာ၏ မူရင်းစကားအတိုင်းဆိုလျှင် ဘုရားသခင်၏ ကျေးဇူးတော်အမှန်၌ အာမခံချက်ရှိရမည့် အကြောင်းဖြစ်သည်။ ညှဉ်းပန်းနှိုးဆော် ထားသည်။ ဘုရားသခင်၏ သမ္မာတရားကို တွေ့ရှိကြပြီး ဖြစ်သောကြောင့် ခိုင်မြဲစွာဆွဲကိုင်ရပ်တည်ဖို့ အာပေးထားသည်။

၅:၁၃ ငါ့သားမာကုမှစ၍ ဗာဗုလုန်မြို့ရှိသောသင်တို့နှင့်အတူရွေးချယ်တော်မူသော အသင်းတော်သည် သင်တို့ကိုနှုတ်ဆက်ကြ၏” ဗာဗုလုန်မြို့ရှိသောသင်တို့နှင့်အတူရွေးချယ်တော် မူသော“ဟူသော စကားလုံးသည် ချက်ချင်းနားလည်ရန်ခက်ခဲသည်။ အချို့က (၁) ညီအစ်ကိုချစ်ခင် ခြင်း (၂:၁၇၊၅:၉)ဟုဆိုသည်။ ဂရိဝေဟာရတွင် ကြိယာနာမ်သည် ဣတ္တိလိင်လည်း ဖြစ်တတ်သည်။ (၂) ပေတရု၏ဇနီး (၃) အရပ်သူအမျိုးသမီးတစ်ဦးဦးလည်း ဖြစ်နိုင်သည် ဗာဗုလုန်၏ဆိုလိုချက်မှာ သိရှိနားလည်ရန်မလွယ်ကူပါ။ (၁) ယူဖရေးတီးမြစ်ဝှမ်းတွင်ရှိသော ရှေးဟောင်းမြို့ပြဖြစ်၍ ယုဒလူမျိုးများနှစ်ပေါင်းများစွာ နေထိုင်ခဲ့ကြသည်။ (၂) နိုင်ငံမြစ်ဘေးမှာလည်း ထိုနာမည်ဖြင့် စစ်စခန်းတစ်ခုရှိသည်။ (၃)ရောမ။ ဗျာဒိတ်ကျမ်းပါ ဗာဗုလုန်မြို့သည် ရောမနိုင်ငံကို ရည်လွန်းထားသည် (၁၇:၁-၉၊၁၈:၁၀-၂၁)။

တတိယမေးခွန်းမှာ မာကုဖြစ်သည်။ ရှင်ပေတရု၏သြရဿသားကိုဆိုလိုသလား၊ ဝိညာဉ်ရေးရာသားအဖြစ် မာကုကျမ်းကို ရေးသားသောယောဟန် မာကုကိုဆိုလိုသလား။ ဝါကျအရေဖြစ်နိုင်ခြေများသည် ပေတရု၏ သြရဿသားကို ခဏမေ့ကြစို့။ အဘယ်ကြောင့်ဆိုသော် နောက်လူသည်လူကြီး၊ လူငယ်များကြားတွင်ခရစ်တော်(သို့) ဝိညာဉ်ရေးရာကို ချိတ်ဆက်ပေးသူ ဖြစ်သည်။ ပေတရု၏သားဟူသော စကားလုံးသည်ရှင်ပေါလုနှင့်ဝိညာဉ်ရေးရာ လုပ်ဖော်ဆောင်ဖက်တိမောသေ၊ တိတုတို့ ရင်းနှီးဆက်ဆံခြင်းနှင့်မတူပါ။ မာကု၏ဒေသနာများသည် ပေတရု၏စကားကို များစွာအခြေခံထားသည်။

၅:၁၄ ညီအစ်ကိုတော်ကြီးက တိုက်တွန်းချက်ဖြင့် ကောင်းကြီးပေးပါသည်။ အချင်းချင်းတ ယောက်ကိုတစ်ယောက်မေတ္တာနမ်းခြင်းနှင့်နှုတ်ဆက်ကြလော့ ဟုဆိုထားသည်။ ညီအစ်ကိုမောင်နှမ ချစ်ခြင်းမေတ္တာသည် အသင်းတော်၏တည်မြဲအမိန့်ဖြစ်သည်။ ယဉ်ကျေးမှုအရအပြုအမူကွဲပြားချင် ကွဲပြားနိုင်သော်လည်း ချစ်ခြင်းမေတ္တာရှိရမည်။

ခရစ်တော်နှင့်ဆိုင်သောသင်တို့အပေါ်၌ ငြိမ်သက်ခြင်းရှိစေသတည်း ဟုကောင်းကြီးပေးပါ သည်။ သန့်ရှင်းသူများဘဝမုန်တိုင်းထန်ချိန်၊ဆင်းရဲဒုက္ခရောက်ချိန်တွင် ထိုမင်္ဂလာစကားသည် သာဓုချမ်းသာအမှန်ဖြစ်ပေသည်။ ဆင်းရဲဒုက္ခပင်လယ်ဝေးနေသူများအား ခရစ်တော်ကအသွေးတော် ဖြင့်ဖြန်းပက်ငြိမ်းသက်ခြင်းပေးပါသည်။

ငြိမ်သက်ခြင်း၊ပြည့်စုံသောငြိမ်သက်ခြင်း၊ သေမင်း၏အရိပ်ဘာတတ်နိုင်သေးလဲ။ ယေရှုက တန်ခိုးတော်ဖြင့် သေမင်းအရိပ်ကို လွင့်စင်ခဲပြီမဟုတ်လော။

Edward H Bickerstech

မှတ်စု

၁(၁:၂) နောက်ဖြစ်သော အခြားစင်ကြယ်ခြင်း တစ်မျိုးရှိသေးသည်။ တစ်စုံတစ်ဦးသည် အသစ်မွေးဖွားခြင်း ခံရလျှင် ခရစ်တော်၌ တည်သဖြင့် အနေအထားအားဖြင့် စင်ကြယ်ရာရောက် သွားသည် (ဟေဗြဲ ၁၀:၁၀-၁၄)။ သူသည် ခရစ်တော်နှင့် အညီခြင်းလာဖြစ်စဉ်ထဲ၌ ရှိနေသောကြောင့် သူ၏ ခရစ်ယာန်အသက်တာအားဖြင့် စင်ကြယ်ခြင်းကို တွေ့ကြုံခံစားရမည် (၁ပေ ၁:၁၅)။ ကောင်းကင်နိုင်ငံတွင်လည်း အပြစ်တရားနှင့် ထိတွေ့ပတ်သက်စရာ အကြောင်းမရှိတော့သဖြင့် ပြည့်စုံသောစင်ကြယ်ခြင်းကိုရရှိသွားလိမ့်မည် (ကော ၁:၂၂)။ ဟေဗြဲ၊ ၂:၁၁၌ စင်ကြယ်ခြင်း အကြောင်းနှင့် ပတ်သက်၍ လည်းဖတ်ကြည့်ပါ။

၂(၁:၈) အဓိကဂရိ mss ကျမ်းများတွင် “seen” (idontes)ထက် “known” (eidotes) ကိုအသုံးပိုများသည်။ သက်ရောက်သည့်အဓိပ္ပါယ်မှာ အတူတူကျသည်။ ဆိုလိုသည်မှာ-သူတို့သည် ကမ္ဘာမြေပေါ်တွင် ယေရှုနှင့်ပုဂ္ဂိုလ်ရေးအရသိကျွမ်းခြင်းမရှိကြပါ။

၃(၁:၈) William Lincoln ၏ရှင်ပေတရုသြဝါဒစာစောင်များသင်ခန်းစာ၊ p.21

၄(၁:၁၂) Ibid , p.23

၅(၁:၁၃) J.H.Jowett, The Redeemed Family of God. P.34

၆(၁:၁၇) Lincoln, Lecture, p.30

၇(၁:၂၀) Ibid, p.33

၈(၁:၂၁) W.T.P. Wolston, Simon Peter: His Life and Letters, p.270

၉(၁:၂၂) အဓိက (NU) ကျမ်း၌ “through the Spirit” ကိုဖြုတ်ချန်ထားသည်။

၁၀(၁:၂၃) F.W.Groant, အောက်ခြေမှတ်စု၊ “I Peter” The Numerical Bible, Hebrews to Revelation, p.149.

၁၁(၁:၂၃) NU ကျမ်း၌ “forever” ကိုဖြုတ်ချန်ထားသည်။

၁၂(၂:၂) The Alexandria text (NU inf NKJV footnotes) ကျမ်း၌ “grow up to salvation” ဟူ၍ပါသည်။

၁၃(၂:၆) ဂရိကျမ်းသုံးစကားမှာ lithon (stone) akro-(top or tip) goniainon (of corner) ဖြစ်သည်။ ထို့ကြောင့်အနက်မှာ “တိုက်ထောင့်အထွဋ်ကျောက်” ဖြစ်သည်။

၁၄(၂:၇) NU ကျမ်းက “မနာခံ” အစား”မယုံကြည်”ကိုအသုံးပြုရေးသားသည်။ သို့သော်သက် ရောက်သောအဓိပ္ပါယ် ပြောင်းလဲခြင်းမရှိပါ။

၁၅(၂:၁၂) တိုကျစွာပြန်ဆိုလျှင် – noble or lovely (Gk, kalos, cf. English calligraphy, beautiful writing) လှပ၊ တင့်တယ်၊ချစ်စဖွယ်။

၁၆(၂:၁၂) Charles R. Erdman. The General Epistles, p.66.

၁၇(၂:၁၂) Jowett, Redeemed family, p.88, 89.

၁၈(၂:၁၃) Leslie T.Lyall, Red Sky at Night, p.81.

၁၉(၂:၁၆) F.B. Meyer, Tried by Fire, p.91.

၂၀(၂:၂၅) ဂရိဘာသာဖြင့် episkopos, “overseer” or “bishop” အုပ်ထိန်းကြည့်ရှုသူဖြစ်၏။

၂၁(၃:၂) George Muller, အချိန်မှန်ထုတ်ဝေသော The Word စာစောင်၊ အယ်ဒီတာ Richard Burson, နေ့စွဲမသိ၊ pp.33-35

၂၂(၃:၄) Meyer, Tried, p.117.

၂၃(၃:၇) Charles Bigg, A Critical and Exegetical Commentary on the Epistle of St. Peter and St. Jude (ICC), p.155.

၂၄(၃:၈) “Courteous” (Philophrone) အစား NU text က “humble”(tapeinophrone) ကိုသုံးသည်။ နှစ်ခုစလုံးကောင်းပါသည်။ ဤကျမ်းက အစဉ်အလာ KJV ကိုလိုက်ပါသည်။

၂၅(၃:၁၅) NU Text က “သခင်ဘုရား” နေရာတွင် “ခရစ်တော်ဘုရား” ဟုသုံးသည်။ ကျမ်းပိုဒ်ဆိုလိုရင်းမှာ ဓမ္မသစ်မှခရစ်တော်သည် ဓမ္မဟောင်း Jegovag Saboath ဖြစ်သည်ဟု ဆိုလိုသည်။

၂၆(၄:၆) Albert Barnes : Notes on The New Testament : James, Peter, John and Jude, p.191.

၂၇(၄:၁၄) NU က အငယ် ၁၄ နောက်ဆုံးဝါကျကိုမထည့်ပါ။ “သင့်အပေါ်သက်ရောက်ပါ စေသား” နှင့် “ဘုန်းထင်ရှားပါစေ” ဟူသောစကားနှစ်ရပ်လုံးသည် ဂရိစကား၌ (-etai) ဖြင့်ဆုံးသည် ဖြစ်ရာ၊ ရေးကူးစဉ် ကျန်ကြွင်းနိုင်ပါသည်။ “homoeoteleuton” ဟုခေါ်တွင်ပါသည်။

၂၈(၄:၁၀) F.B. Meyer, Tried by Fire, p.27.

၂၉(၄:၁၀) G Campbell Morgan, Search Lights from the Word, p.336.

၃၀(၄:၁၈) Meyer, Tried. Pp.180, 181.

၃၁(၅:၂) NU ကျမ်းတွင် “according to God” ကို “Willingly” အစားအသုံးပြုသည်။ KJ နှင့် NKJV (TR နှင့် M) မူက ကွဲပြားထင်ရှားမူရှိသည်။

၃၂(၅:၇) Siklow Baxter, Awake, My Heart, p.294.KJ တွင်ပါသော ထိုစကားလုံးသည် မူရင်းဂရိကျမ်း၌မပါရှိပေ။ “Cares” ဟုနှစ်နေရာ၌ သုံးထားသော်လည်း အဆက်အစပ်မရှိပါ။ NT (၁၅၂၆) ပထမပုံနှိပ်ခြင်း၌ပင် စတင်အသုံးပြုခဲ့ပါသည်။ မာတုရအဖြစ် ထူးခြားစွာ အသက်စွန့်လုပ် ဆောင်သွားသော William Tyndale (1484-1536) ၏လက်ရာဖြစ်သည်။ သူပုံနှိပ်ထုတ်ဝေသော ကျမ်းစာအုပ်တွင် “Cast all your care to hym: for he care for you” ဟုသုံးနှုန်းထားခဲ့ခြင်း ဖြစ်သည်။

၃၃(၅:၈) J. Dwight Pentecost; Your Adversary the Devil, p.94.

၃၄(၅:၁၀) Harry Lacey, God and thef Nations, p.92.

၃၅(၅:၁၃) မူလဂရိဝေါဟာရ huios ကိုပေါလုက tekon ဟုသုံးထားသည်။ မွေးစကလေးငယ် (scots bairn or child) ဟုအဓိပ္ပါယ်ရသည်။