ဆာလံကျမ်း - ၅၄
ဆာလံကျမ်း - ၅၄ (အနက်ဖွင့်)
ဆာ ၅၄ ငါ့ကိုကူညီသူ ဘုရားရှင်
ဒါဝိဒ်သည် ရှောလုဘေးရန်မှပုန်းရှောင်နေစဉ် ဇိဖသားတို့ကဒါဝိဒ်ပုန်းခိုသောနေရာကို (၂) ကြိမ်တိုင်တိုင်သတင်းပေးကြသည် (၁ရာ ၂၃:၁၉၊ ၂၆:၁)။ ထိုသစ္စာဖောက်များလက်ထဲမှ ဘုရားရှင် ၏ကူမပုံကိုဒါဝိဒ်က ဆာလံသီချင်းစပ်ဆိုခဲ့သည်။
၅၄:၁ ဆာလံသီချင်း၊ ဖွင့်လျှင်ဖွင့်ခြင်းဘုရားသခင်၏ နာမတော်ဖြင့်ကယ်တင်ရန် တန်ခိုး တော်ဖြင့်တရားစီရင်ရန် အော်မြည်သံကြားရသည်။ နာမတော်သည် ကိုယ်တော်၏သဘောသဘာဝ နှင့်သွင်ပြင်လက္ခဏာကို၎င်း၊ တန်ခိုးတော်သည်နေရာတိုင်းမှာရှိတော်မူပုံကို၎င်း ပြသည်။ ကယ်တင် ခြင်းဆိုသည်မှာရန်သူများလက်ထဲမှ ကယ်ထုတ်ခြင်းကို ဆိုလိုသည်။
၅၄:၂.၃ ဆာလံဆရာသက်စွန့်ဆံဖျား သဲထိတ်ရင်ဖိုဘေးရန် ကြုံကြိုက်နေရသော ကြောင့်အပူတပြင်း ဆုတောင်းနေသည်။ ဆုတောင်းသံများကိုဘုရားရှင်နားညောင်း တော်မူပါဟု ဖုတ်ပူမီးတိုက်ဆုတောင်းသည်။
တကျွန်းတိုင်းငံသားများက (၂)ကြိမ်တိုင်တိုင်မိလုမိခင်ဝိုင်းကြသည်။ သွေးဆာဆာဖြင့် ရန်ရှာ ကြပြီ။ ဘုရားသခင်မှလွဲ၍ ကယ်နိုင်မည့်လူမရှိ။
၅၄:၄.၅ ဆုတောင်းသံကို ဘုရားရှင်ကအဖြေပေးသည်။ ဘုရားသခင်ယုံကြည်သူများ ၏ဆုတောင်းသံကို အဖြေပေးလေ့ရှိသည်။ လူများအားဒုက္ခပေးသည့်ရန်သူများကို တနေ့သောအခါ ပျက်စီးမျိုးကန်းစေမည်။
ဘုရားသခင်ကဆုတောင်းသံအတိုင်း ချက်ခြင်းအဖြေပေးသည်။ ကတိတော်ရှိသည့်အတိုင်းမ တရားသူများကို ဘဝဆုံးခန်းတိုင်းစေသည်။
၅၄:၆ အပိုဒ် ၁ မှကယ်မတော်မူပါဟုအော်မြည် တမ်းတခဲ့သူများသည် ယခုအခါ ချီးမွမ်း ထောမနာပြုသူများဖြစ်လာကြသည်။ ဒါဝိဒ်သည်အားရကျေနပ်စွာ ဘုရားသခင်ထံသို့ယဇ်ပူဇော် သည်။ နာမတော်အားချီးမွမ်းခြင်း၊ ယဇ်ပူဇော်သည်။ နာမတော်သည်ကောင်းမြတ်သော ကြောင့်ချီး မွမ်းဘွယ်ရာအတိဖြစ်ပါသည်။
၅၄:၇ နိဂုံးကျမ်းပိုဒ်တွင်ဒါဝိဒ်ကဘေးရန်လွန်မြောက်ကုန်၍ ရန်သူများအတုံးအရုံးလဲကျ သည်ကိုနှစ်ထောင်းအားရပါ၏ဟုဆိုထားသည်။ ကိုယ့်မျက်စိနှင့်မြင်ရပါ၏ဟူသောကျမ်းစကားကို Morgan ကဆုံးရှုံးသွားသောရန်သူများအလယ်မှ ချီးမွမ်းသီချင်းသီဆိုမည့်အကြောင်းဟုဆိုသည်။ ယုံကြည်ခြင်းအကြောင်းကို ဟေဗြဲ ၁၁:၁တွင် “မျှော်လင့်သောအရာကိုမျက်မှောက်ပြုခြင်းဖြစ်၏။ မမြင်သေးသောအရာကိုစွဲလန်းခြင်းဖြစ်၏” ဟုဆိုထားသည်။
ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။
တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။
