Psalms-31 -

ဆာလံကျမ်း - ၃၁

ယုံကြည်ကိုးစားခြင်းဆုတောင်း

1အိုထာဝရဘုရား၊ ကိုယ်တော်ကိုအကျွန်ုပ်ခိုလှုံပါ၏။ ရှက်ကြောက်ခြင်းနှင့် အစဉ်ကင်းလွတ်ပါစေသော။ တရားတော်နှင့်အညီ အကျွန်ုပ်ကိုကယ်နုတ်တော်မူပါ။ 2အကျွန်ုပ်ဘက်သို့ နားတော်ကိုလှည့်၍ အလျင်အမြန်၊ ကယ်နုတ်တော်မူပါ။ ကိုယ်တော်သည် အကျွန်ုပ်၌ ခိုင်ခံ့သောကျောက်၊ အကျွန်ုပ်လုံခြုံရာရဲတိုက် ဖြစ်တော်မူပါ။ 3အကယ်စင်စစ် အကျွန်ုပ်၏ကျောက်၊ အကျွန်ုပ်၏ရဲတိုက်ကား၊ ကိုယ်တော်ပေတည်း။ နာမတော်အဖို့အလို့ငှာ အကျွန်ုပ်ကိုလမ်းပြ၍ သွန်သင်ပဲ့ပြင်တော်မူပါ။ 4ကိုယ်တော်သည် အကျွန်ုပ်ခိုလှုံရာဖြစ်တော်မူ၏။ ထိုကြောင့် အကျွန်ုပ်အဖို့ဝှက်ထားသော ကျော့ကွင်းထဲက အကျွန်ုပ်ကို နုတ်ယူတော်မူပါ။ 5သစ္စာစောင့်တော်မူသော ဘုရားသခင် ထာဝရဘုရား၊ ကိုယ်တော်သည် အကျွန်ုပ်ကို ရွေးနုတ်တော်မူသည်ဖြစ်၍၊ အကျွန်ုပ်၏ဝိညာဉ်ကို ကိုယ်တော်လက်၌ အပ်ပါ၏။ 6မုသားအနတ္တကိုဆည်းကပ်သောသူတို့ကို အကျွန်ုပ်သည်မုန်း၍ ထာဝရဘုရားကို ခိုလှုံပါ၏။ 7ကရုဏာတော်ကြောင့် ဝမ်းသာရွှင်လန်းခြင်းရှိပါလိမ့်မည်။ ကိုယ်တော်သည် အကျွန်ုပ်ဆင်းရဲခြင်းကိုကြည့်ရှု၍၊ အကျွန်ုပ်၏ဝိညာဉ်တွေ့သောအမှုကို သိမှတ်တော်မူ၏။ 8အကျွန်ုပ်ကိုရန်သူလက်သို့မအပ်ဘဲ ကျယ်ဝန်းသောအရပ်၌ နေရာချတော်မူ၏။

9အိုထာဝရဘုရား၊ အကျွန်ုပ်၌အမှုရောက်ပါပြီ။ ထိုကြောင့် အကျွန်ုပ်ကိုသနားတော်မူပါ။ ပူပန်ခြင်းအားဖြင့် အကျွန်ုပ်မျက်စိ၊ စိတ်နှလုံး၊ ဝမ်းတို့သည်ပျက်ကြပါပြီ။ 10အကျွန်ုပ်သည် ပူပန်ခြင်းရှိ၍၊ အသက်ကာလကို လွန်စေရပါ၏။ နှစ်စဉ်အတိုင်း ညည်းတွားလျက်နေရပါ၏။ ကိုယ်အပြစ်ကြောင့် အကျွန်ုပ်အားလျော့၍၊ ရန်သူများကြောင့် အရိုးတို့သည် ဆွေးမြေ့ကြပါ၏။ 11အိမ်နီးချင်းတို့သည် အကျွန်ုပ်ကို အထူးသဖြင့် ကဲ့ရဲ့ကြပါ၏။ အကျွမ်းဝင်သောသူများတို့သည်လည်း ရွံကြပါ၏။ အိမ်ပြင်မှာ အကျွန်ုပ်ကိုတွေ့မြင်သောသူတို့သည် ရှောင်၍ပြေးကြပါ၏။ 12မအောက်မေ့သောအသေကောင်ကဲ့သို့၊ အကျွန်ုပ်ကို မေ့လျော့ကြပါ၏။ အိုးခြမ်းကဲ့သို့ အကျွန်ုပ်ဖြစ်ပါ၏။ 13လူများကဲ့ရဲ့ပြစ်တင်ခြင်းကို ကြားရပါ၏။ ပတ်ဝန်းကျင်အရပ်တို့၌ ကြောက်မက်ဖွယ်သောအကြောင်းရှိပါ၏။ လူများတို့သည် အချင်းချင်းသင်းဖွဲ့လျက်၊ အကျွန်ုပ်အသက်ကို သတ်မည်အကြောင်း ကြံစည်ကြပါ၏။

14သို့သော်လည်း ထာဝရဘုရား၊ ကိုယ်တော်ကို အကျွန်ုပ်ကိုးစားပါ၏။ ကိုယ်တော်သည် အကျွန်ုပ်၏ ဘုရားသခင်ဖြစ်တော်မူသည်ဟု အကျွန်ုပ်လျှောက်ဆိုပါ၏။ 15အကျွန်ုပ်၌ဖြစ်လေသမျှသော အမှုအရာတို့ကို ကိုယ်တော်စီရင်ပိုင်တော်မူ၏။ ရန်သူတို့နှင့် ညှဉ်းဆဲတတ်သော သူတို့လက်မှ အကျွန်ုပ်ကိုကယ်နုတ်တော်မူပါ။ 16မျက်နှာတော်၏အလင်းကို ကိုယ်တော်၏ကျွန်အပေါ်၌ ထွန်းလင်းစေတော်မူပါ။ ကရုဏာတော်ကြောင့်၊ အကျွန်ုပ်ကို ကယ်တင်တော်မူပါ။ 17အိုထာဝရဘုရား၊ အကျွန်ုပ်သည် ကိုယ်တော်ကို ဆုတောင်းပတ္ထနာပြုပါသည်ဖြစ်၍၊ ရှက်ကြောက်ခြင်း မရှိပါစေနှင့်။ လူဆိုးတို့မူကား၊ အရှက်ကွဲလျက် မရဏနိုင်ငံ၌ တိတ်ဆိတ်စွာနေကြပါစေသော။ 18မာနထောင်လွှားခြင်း၊ မထီမဲ့မြင်ပြုခြင်းနှင့် တကွ၊ ဖြောင့်မတ်သောသူတစ်ဖက်၌ စော်ကားသောစကားကိုပြော၍၊ မုသား၌ကျင်လည်သော နှုတ်တို့သည် တိတ်ဆိတ်စွာနေကြပါစေသော။

19ကိုယ်တော်ကို ကြောက်ရွံ့သောသူတို့အဖို့ သိုထားတော်မူ၍၊ လူသားတို့ရှေ့မှာ ကိုယ်တော်ကို ခိုလှုံသော သူတို့အဖို့ ပြုပြင်တော်မူသော ဆုကျေးဇူးတော်သည် အလွန်ကြီးလှပါ၏။ 20လူတို့ပြုတတ်သောပရိယာယ်နှင့် ကင်းလွတ်စေခြင်းငှာ ကျိန်းဝပ်တော်မူရာအတွင်းအရပ်၌ ထိုသူတို့ကို ဝှက်ထားတော်မူ၏။ ရန်တွေ့ခြင်းအသံကိုကွယ်ကာလျက်၊ တဲတော်တွင် သူတို့ကို စောင့်မတော်မူ၏။ 21ထာဝရဘုရား၌ မင်္ဂလာဖြစ်စေသတည်း။ အကြောင်းမူကား၊ ခိုင်ခံ့သောမြို့၌ အံ့ဖွယ်သောမေတ္တာ ကရုဏာတော်ကို အကျွန်ုပ်အားထင်ရှားပြတော်မူပြီ။ 22အကျွန်ုပ်သည် ကိုယ်တော်၏မျက်နှာကွယ်ရာ၌ ဆုံးရှုံးပါပြီဟု အကျွန်ုပ်တုန်လှုပ်လျက်ဆိုမိသော်လည်း၊ ကိုယ်တော်ကို အော်ဟစ်သောအခါ အကျွန်ုပ်ပြုသောပတ္ထနာစကားသံကို ကိုယ်တော် နားထောင်တော်မူသတည်း။

23ထာဝရဘုရား၏သန့်ရှင်းသူအပေါင်းတို့၊ ထာဝရဘုရားကို ချစ်ကြလော့။ ထာဝရဘုရားသည် သစ္စာရှိသောသူတို့ကို စောင့်မတော်မူ၏။ မာနထောင်လွှားသောသူတို့ကိုကား၊ အပြစ်များစွာ ဆပ်ပေးတော်မူသတည်း။ 24ထာဝရဘုရားကို ကိုးစားသောသူအပေါင်းတို့၊ အားယူ၍ ရဲရင့်သောစိတ်နှလုံးရှိကြလော့။

ဆာလံကျမ်း - ၃၁ (အနက်ဖွင့်)

ဆာ ၃၁၊ လက်တော်ထဲသို့

အပိုဒ်ငယ်၅၌ ဘုရားသခင်၏သိုးသငယ် ဆင်းရဲဒုက္ခခံရပုံတွေ့ရသည်။ ထိုစကားသံသည် ကားတိုင်ပေါ် မှနောက်ဆုံးစကားတော်ဖြစ်သည်။

“အိုအဘ၊ အကျွန်ုပ်စိတ်ဝိညာဉ်ကို ကိုယ်တော်လက်သို့ အကျွန်ုပ်အပ်ပါ၏ဟု မိန့်တော်မူလျက် အသက်ချုပ်တော်မူ၏။”

(လု ၂၃:၄၆)

အခြားကျမ်းပိုဒ်များဖြင့် မသိသာသော်လည်းဤကျမ်းပိုဒ်အားဖြင့် မေရှိယသခင်ကို ရည်ညွှန်းကြောင်း အသေအချာနားလည်နိုင်သည်။ သို့ဖြင့် ဆာလံကျမ်းတိုင်းသည် တနည်းမဟုတ်တနည်းဖြင့် ကိုယ်တော်နှင့် ဆက်စပ်ပက်သက်သည်။

ဆာလံကျမ်းကိုထခွဲခြမ်းစိတ်ဖြာသည့်အခါ အခက်အခဲတွေ့ရသည်။ ကိုယ်တော်၏ဆင်းရဲဒုက္ခခံစားရ ခြင်း၊အသေခံခြင်း၊ သဂြိုလ်ခြင်းနှင့် ရှင်သန်ထမြောက်ခြင်း များကို အစဉ်လိုက်ရေးမည့်အစား ဆာလံဆရာက ရှေ့ရောက်လိုက်၊ နောက်ပြန်ရောက်လိုက်ဖြင့် အစီအစဉ်မကျရေးထားသည်။ ထိုအကြောင်းကို C .S.Lewis က

ဆာလံကျမ်းသည် ဓမ္မဒေဝအယူအဆအရသော် ၎င်း၊ တရားဟောကောင်းအောင်၎င်း စီမန်တကျရေးသားခြင်း မဟုတ်။ တေးကဗျာဖြစ်၍ သီဆိုကောင်းအောင်ရေးဖွဲ့ထားသည်ဟု အဖြေပေးထားသည်။

ရွေးနှုတ်ဖို့ဆုတောင်း (၃၁:၁–၅က)

၃၁:၁ ကျမ်းချက်အဖွင့်တွင် သခင်ယေရှု ကကားတိုင်ပေါ်မှ ခမည်းတော်ဘုရားထံသို့ ဆုတောင်း ထားသည်။ ကိုယ်တော်သည်အစဉ်ပြီးပြည့်စုံသည့်အတိုင်း ခမည်းတော်ဘုရားကို အစဉ်တည်မှီအားကိုးသည်။ ယခု အချိန်တွင် ဘေးဒုက္ခနက်ရှိုင်းစွာ ခံစားရသည့်အချိန်နာရီရောက်နေပြီ။ သန့်ရှင်းရာဌာနတော်မှ ဘုရား ရှင်ကိုယုံ ကြည်ကိုးစားကြောင်း ထပ်မံအတည်ပြုသည်။ ရှက်ကြောက်ခြင်း အလျဉ်းကင်းစင်ရမည်ဟု ယုံကြည် သည်။ နာမတော်မြတ်၌ ရှင်ပြန်ထမြောက်မည့်အကြောင်းစိတ်ချရသောသားတော်၏ဆုတောင်းသံသည် တန်ခိုး အစွမ်းထက် မြက်သည်။ ခမည်းတော်ဘုရားသည် ဖြောင့်မတ်သည့်အတိုင်း သခင်ယေရှုအား မရဏနိုင်ငံမှ ပြန် လည်ထ မြောက်စေမည်။ အကယ်၍သာ ထိုသို့မပြုလုပ်ပေးလျှင်ကိုယ်တော်၏ ယုံကြည်ခြင်းသည် မှားယွင်း သောယုံကြည်ခြင်းဖြစ်သွားမည်။

၃၁:၂–၃ လူ့ဇာတိစိတ်အသိဖြင့်ဆုတောင်းသံသည် ကရာနီတောင်ကုန်း ကြုံတွေ့ရမည့် ဘေးဆုတောင်းသံကို နားညောင်းစေချင်သည်။ ဆုတောင်းသံကို နားညောင်း၍ အလျဉ်မနှေးကယ်မစေချင် သည်။ ဘုရားရှင် သည် ကိုယ်တော်၏ ခိုလှုံရာ ကျောက်ဆောင် ပျက်ဆီးခြင်းမှ အကာအကွယ် အခိုင်အမာ ခိုလှုံရာဖြစ်သည်။

ဘုရားသခင်သည် ကိုယ်တော်၏ကျောက်ဆောင်၊ မြို့ရိုး၊ ဘေးကင်းလုံခြုံရာ ဖြစ်ပါသည်။

ဘေးဒုက္ခသည် မိုးခိုလှုံရာမရှိ

ခိုကိုးရာမဲ့စိတ် ဝိညာဉ်အပ်နှံပါသည်

စွန့်ခွာထွက်ပြေးတော်မမူပါနှင့်

အကျွန်ုပ်ကို ဖေးမကူညီတော်မူပါအရှင်။

Charles Wesley

တဖန်ခရစ်တော်က ဘုရားသခင်ကို ကြည်ညိုသည့်အကြောင်းကို ထုတ်ဖော်ဝန်ခံထားသည်။ “ နာမ တော်ဘို့အ လို့ငှါ အကျွန်ုပ်ကို လမ်းပြသွန်သင်ပဲ့ပြင်တော်မူပါ ’’ ဖြောင့်မတ်တော်မူသော ဘုရားရှင်က ကယ် နှုတ်မည်ဟု ကတိပြုတော်မူခဲ့သည်မဟုတ်လား။ ကတိတော်ပေးခဲ့ပါသည်။ နာမတော်ထင်ရှားစေဖို့အလို့ငှါ သခင်ယေရှုက တောင်းလျှောက်နေပါသည်။

၃၁:၄ သေခြင်းကျော့ကွင်းက သခင်ယေရှုအားအုပ်မိလေပြီ။ ထိုကျော့ကွင်းမှ လွတ်မြောက်ဖို့ သခင်ယေရှုသည် ဘုရားရှင်ထံသို့ ဆုတောင်းသည်။ ယေဟောဝါဘုရားရှင်သည် ကိုယ်တော်၏ ခိုလှုံရာ၊ ဘေးကင်းရာဖြစ်တော်မူသည့်အတိုင်း၊ သချိုင်းလမ်းမှ ရွေးနှုတ်ပါရန်တောင်းဆိုသည်။

၃၁:၅က ဤကျမ်းပိုဒ်ကို ရှင်လုကာခရစ်ဝင်ကျမ်းတွင် ‘ ကြီးသောအသံဖြင့် ’ ဟုဆိုထား သည်။ မည်သည့်လူသားကမှ ခရစ်တော်၏သက်တော်ကိုလုယူဖျက်ဆီးခြင်းမပြုနိုင်။ မိမိသဘော ဆန္ဒအ လျောက် သက်တော်စွန့်ခြင်းဖြစ်သည်။ ထိုစကားရပ်ကို နောက်နှစ်ကြာလာသောအခါဘုရားသခင်၏ သန့်ရှင်း သောလူ Luther,Knox,Hus နှင့် အခြားလူများက ပြန်လည်ထုတ်ဖော်လာကြသည်။

ရှင်ပြန်ထမြောက်ခြင်းအားချီးမွမ်းကြခြင်း

(၃၁:၅ခ–၈)

၃၁:၅ခ–၆ အပိုဒ်ငယ်၆ အလယ်တွင် တဆစ်ချိုးကွေ့ရှိသည်။ သေခြင်းမှ ရှင်ပြန်ထမြောက်ခြင်း၊ ဆုတောင်းခြင်းမှ ချီးမွမ်းခြင်း ပြောင်းလဲသွားသည်။ စကားတော်ရှိသည့်အတိုင်း ဘုရားရှင်ကသန့်ရှင်းမြင့်မြတ်

တော်မူသော သားတော်အား သင်္ချိုင်းကုန်းမှ ရွေးနှုတ်တော်မူသည်။ သားတော်က အသက်ရှင်တော်မူသော ဘုရားရှင်ကိုယုံကြည်ခြင်း ယေဟောဝါဘုရား၏ အောင်မြင်ခြင်းအကြောင်း သက်သေဖြစ်သည်။ တနည်းအား ဖြင့် ရုပ်ထုဆင်းတု ဘုရားတု ကိုးကွယ်သူများ၏ အချည်းနှီးနိဂုံးချုပ်ပုံ သက်သေပြသည်။

၃၁:၇–၈ ချီးမွမ်းသီချင်းကို တောင်ပန်ခတ်ကာ ခတ်ကာသီဆိုနိုင်ပြီ။ ဘုရားသခင်၏ချစ်ခြင်း မေတ္တာတော်သည် သားတော်အပေါ်သို့ ထင်ရှားလေပြီ။ ရန်သူများလက်ထဲသို့ပစ်မထား။ ကျယ်ဝန်းသော အရပ်၌ နေရာချ ထားတော်မူပြီ။ သင်္ချိုင်းတွင်းကိုခြေဖဝါးအောက်၌ ချထားတော်မူပြီ။

၃၁:၉–၁၀ သခင်ယေရှု ဖမ်းဆီးစတေးခြင်းနှင့် လက်ဝါးကပ်တိုင်ပေါ်သို့ ပို့ဆောင်ခြင်းအကြောင်း ဖြစ်သည်။ အပြစ်သားများ၏မုန်းတီးခြင်းကို နာကျင်စွာသည်းခံလျှက် သခင်ယေရှုသည် အသဲအသန် ဆု တောင်းသည်။ လောကလူသားများက လက်မခံငြင်းဆန်ကြသဖြင့် ကိုယ်တော်သည် ယေဟောဝါဘုရားထံ သို့ စိတ်ပျက်အားငယ်မှုနှင့် နာကျင်မှုများကို တင်ပြသည်။ မျက်လုံးစုံသည် ညှိုးငယ်လျှက် စိတ်ဝိညာဉ်များ ငိုကြွေး လေပြီ။ ပတ်ဝန်းကျင်တစ်ခုလုံး ညှိုးနွမ်းနေပြီ။ အရိုးအကြေများပျော့ခွေ၍ ရိုးတွင်းခြင်ဆီလည်း ခမ်းလုကုန်ပြီ။

ကိုယ်အပြစ်ကြောင့် အကျွန်ုပ်ဘဝလျော့၍ ဆိုသည်မှာ ကိုယ်တော်တွင်အပြစ်ရှိသည်ဟု ဝန်ခံခြင်းမ ဟုတ်။ လူသားများ၏ အပြစ်များကို ဆောင်မြန်းသောကြောင့် ကိုယ်တော်ပေါ်တွင် အပြစ်ပုံလေဟန် ရှိသည်။ အခြားကျမ်းပိုဒ်များကို လေ့လာလျှင်လည်း ကိုယ်တော်တွင် ပင်ကိုယ်အပြစ်မရှိ။ လူတို့၏ အပြစ်များကို သယ် ထမ်းခြင်းကြောင့် အပြစ်ရှိလေဟန်ရှိသည်။

၃၁:၁၁-၁၃ ဆင်းရဲဒုက္ခရောက်နေသူကသူသည် ရန်သူများအလယ်တွင် ရောက်နေသည်။ အိမ်နီး ချင်းများကလည်း ကဲ့ရဲ့နေကြသည်ဟုဆိုသည်။ လမ်းပေါ်မှာတွေ့လျှင်လည်း ဝေးဝေးရှောင်ကြဉ်ကြသည်။ အဖေါ်အဖက်အပေါင်းအသင်းမလုပ်ကြ။ အိုးခြမ်းပဲ့ ကဲ့သို့သဘောထားကြသည်။ အချင်းချင်းစုဖွဲ့လျှက်သူ့ကို သတ်ဖို့ကြံစည်နေကြသည်။ နေ့ညဉ့်မပြတ်သွေးလေခြောက်ခြားရပါသည်။

ထိုသို့သော အပြုအမူ၊ ပတ်ဝန်းကျင်သည် ဝမ်းနည်းဖွယ်ရာကောင်းပါသည်။ ထိုသူသည် သာမန် အညတြလူသားမဟုတ်။ စကြာဝဠာဖန်ဆင်းရှင်၊ အသက်နှင့် ဘုန်းတန်ခိုးပိုင်ဆိုင်သူပင်ဖြစ်သည်။

၃၁:၁၄–၁ရက ယုံကြည်သူများသည် ဝမ်းနည်းကြေကွဲမှုနှင့် ပတ်ဝန်းကျင်ဖိစည်းမှု ကြုံတွေ့ရသည့် အခါ ဆုတောင်းကြရသည်။ လူများက ငြင်းပယ်ကြသော ထိုလူသားတော်သည်လည်း ယေဟောဝါဘုရားထံသို့

သူ့မျှော်လင့်ချက်ကို တင်ပြသည်။ အသက်ပေးပိုင်ရှင်ဘုရား သခင်ကိုယုံကြည်သည်။ ခမည်းတော်ဘုရား၏ လက်တော်ထဲသို့ အချိန်နာရီ ဆက်ကပ်အပ်နှံသောအခါ အတိငြိမ်သက်ချမ်းမြေ့သည်။ ဘုရားသခင်ကိုယုံကြည် သူများသည် ဝမ်းနည်းကြေကွဲခြင်းနှင့် နေရောင်ခြည်ကို မျှဝေခံစားနိုင်ကြသည်။

လက်တော်ထဲသို့အချိန်နာရီ ဆက်ကပ်လျှက်

ခမည်းတော်ပြုလိုရာပြုတော်မူပါ။

အသက်၊ ဝိညာဉ်၊ ရှိသမျှဘဝတစ်ခုလုံး

ကိုယ်တော်စောင့်ရှောက်တော်မူပါ။

William FLlyod

ထိုသို့သော ခံယူချက်ရှိသောကြောင့် ရန်သူများက ညှဉ်းပန်းနှိပ်ဆက်ကြသော်လည်း ဘုရားရှင်က ကယ်နှုတ်မည့်အကြောင်း သခင်ယေရှုကယုံကြည်လက်ခံသည်။ ခမည်းတော်ဘုရားက ကြည့်ရှုစောင့်ရှောက်ဖို့၊ သေခြင်းမှကယ်တင်ဖို့၊ မေတ္တာတော်လွှမ်းခြုံ ဖို့ဆုတောင်းသည်။ တဖန်ယေဟောဝါဘုရားကို ယုံကြည်ခြင်းဖြင့် ဘယ်သောအခါမှ စိတ်ပျက်အားငယ်ခြင်းမရှိမည့် အကြောင်းလည်း ယုံကြည်စိတ်ချသည်။ ဤကျမ်းချက်သည် စာပေသဒ္ဒါ၊ လင်္ကာအရေ ရေးသားခြင်းဖြစ်သည်။ ခရစ်တော်သည် ယေဟောဝါဘုရားကို ယုံကြည်ခြင်းကြောင့် အရှက်တကွဲအကျိုးနည်းမည်မဟုတ်။ အလုံးစုံကို သိရှိတော်မူသည့်အတိုင်း လုပ်ဆောင်သည်။ လူများကမူ စာပေသဘောတရားနှင့်လက်တွေ့ဘဝကို တခါတခါနားမလည်ကြ။ တချို့က ကပ်ဖဲ့ယက်ဖဲ့ပြောဆိုရပ်တည် ကြသည်။

၃၁:၁ရခ–၁၈ မတော်မတရားသူများအကြောင်း တဖန်ပြောဆိုသည်။ ခရစ်တော်က သူ့အားမတော် မတရားပြောဆိုပုတ်ခတ်သူများသည် အချိန်တန်သည့်အခါ ရေငုံနှုတ်ဆိတ်၍ မရဏာနိုင်ငံသို့ ရောက်ကြရမည် ဟုဆိုသည်။ ဘုရားသခင်၏သားတော်ကို မုသားပြောဆိုကြသော နှုတ်ခမ်းများသည် နှုတ်ပိတ်တိတ်ဆိတ်သွား ကြမည်။ အချို့က ဤကျမ်းပိုဒ်ကို ခရစ်ယာန်တပိုင်းလောကီတပိုင်း များကိုရည်ညွှန်း သည်ဟုဆိုကြသည်။ သေ ချာဆန်းစစ်လျှင် ရာဇဝတ်သားများ၏ ရက်စက်မှု၊ အပြစ်မဲ့သော ယုံကြည်သူများအပေါ် ကျူးလွန်မှုများနှင့် သက် ဆိုင်သည်။

ကွန်းခိုရိပ်မြုံ၊ ဘုရားရှင်(၃၁:၁၉–၂၀)

ဆာလံဆရာသည် တဖန်စိတ်ဖိစီးခံ ရရာမှ ဝမ်းမြောက်ရွှင်လန်းခြင်း၊ ဝတ်ပြုရာမှ ချီးမွမ်းခြင်းသို့ပြောင်း လဲသည်။ ခမည်းတော်ဘုရားသည် သခင်ယေရှု၏ အနှိုင်းမဲ့ ခိုလှုံကိုးကွယ်ရာ၊ နားခိုရာဖြစ်သည်။ ကိုယ်တော်၏ အမြင်တွင် ခမည်းတော်ဘုရားသည် ယုံကြည်သူများ၏ ကောင်းမြတ်ခြင်းရတနာ ဘဏ္ဍာသိုက်ဖြစ်သည်။ ဘုရား ရှင်အားခိုလှုံရာ အဖြစ်ရှာဖွေသူများသည် ထိုစည်းစိမ်ဘဏ္ဍာများကို အလျှံပယ်ခံစားသည်။ ဘုရားရှင်ထံတော် တွင် ခိုလှုံသူများသည် ရွေးကောက်ထားသောသန့်ရှင်းသူများဖြစ်၍ လူတို့၏ မတော်မတရားလုပ်ကြံခြင်းမှ ကင်းလွတ်ကြသည်။ ဆရာကြီး Knox ကမူ “ လူ့လောကဗရုတ်သုက္ခမှ ကင်းစင်ကြသည် ’’ ဟုဆိုသည်။ ပုလ်ဂိုလ် ရေးကျေးဇူးစကား (၃၁:၂၁–၂၂)။

ရန်သူများကမြို့ကို ဝိုင်းရံသကဲ့သို့ သခင်ယေရှုကို ဝိုင်းရံကြစဉ်အခါ၊ ဘုရားသခင်၏ ကောင်းမြတ်မှုကို အံ့မခန်းလိလိ တွေ့မြင်ကြုံတွေ့ရသည်။ ထိုသို့ဖြစ်ရခြင်းမှာ ယေဟောဝါ ဘုရားရှင်သို့ လုံးလုံးလျားလျားဆက် ကပ်အပ်နှံထားသည်။ သုံးနာရီ လုံးလုံးကားတိုင် ပေါ်မှာ ဒုက္ခအတိရောက်ခဲ့သော်လည်း ကိုယ်တော်၏ ဆု တောင်းသံကို ဘုရားရှင်က နားညောင်း၍ သေခြင်းမှ ပြန်လည်ထမြောက်စေသည်။ ဘုရားရှင်ကို ချစ်ခင် မြတ်နိုး လော့(၃၁:၂၃–၂၄)

သခင်ခရစ်တော်က ခမည်းတော်ဘုရား၏ ချစ်ခြင်းမေတ္တာတော် အရသာကို မြည်းစမ်းခံစားသည်။ ထို ကဲ့သို့ပင် အခြားသူများကိုလည်း ထပ်တူထပ်မျှ ခံစားစေချင်သည်။ ယေဟောဝါဘုရားရှင်သည် ယုံကြည်သူများ ကို ဘေးရန်ကာကွယ်စောင့်ရှောက်သည့်အပြင် ပုန်ကန်ခြားနားသူများ၏ ဘေးရန်မှလည်းလုံခြုံစေသည်။

ဘုရားရှင်ကို ယုံကြည်အားကိုးသူများသည် အသေးအဖွဲကိစ္စရပ်များမှစ၍ ဘေးရန်လုံခြုံကြသည်။ ခွန်အားရှိ၍ သတ္တိသွေးကြွယ် ကြသည်။ ဘုရားရှင်ကို ယုံကြည်ခြင်းသည် ဘယ်သောအခါမှ အချည်းနှီး မဖြစ်။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။

Recent Views: 0