ဆာ ၁၂၄၊ “လျှင်” ဟူသောစကားလုံးအရေးကြီးဆုံး

၁၂၄:၁ “ဘုရားသခင်သည် ငါတို့ဘက်မှာ ရှိတော်မမူလျှင်”

အရာခပ်သိမ်းသည် ထို”လျှင်”ဟူသော စကားလုံးအပေါ်မှာတည်သည်။ ကယ်နှုတ်ခြင်းနှင့် ဘေးဒုက္ခသည် ကွာခြားသည်။ ဘုရားရှင်တော်က ထိုသို့ကွာပြားခြားနားစေသည်။

အထူးသဖြင့် ယုဒများကဲ့သို့ သဘောထားကျဉ်းမြောင်းသည့်လူရှာရခတ်သည်။ နှစ်ပေါင်းကာလကြာ ရှည်စွာပညတ်တရားစောင့်ထိန်းလာကြသူများဖြစ်၍ တမူထူးခြားကြသည်။ ကျေးကျွန်ဘဝ၊ အစုလိုက်အပြုံ လိုက်သတ်ဖြတ်ခြင်း၊ ဓါတ်ငွေ့လွှတ်သတ်ခြင်း၊ပေါင်းဖိုတွင် ထည့်သတ်ခြင်း၊ ဗုံးဖောက်ခွဲခြင်းအစရှိသည့် အိပ်မက်ဆိုးများတကယ်ကြုံတွေ့ခဲ့ကြသည်။ သို့သော်မျိုးတုန်းမျိုးကန်းခြင်းမရှိ။ ရှင်သန်နေကြဆဲ။ အဘယ် ကြောင့်နည်း။ ထိုသူတို့ဘက်မှာ ဘုရားရှင်ရပ်တည်သည်။

သို့သော် အကြောင်းမလှသဖြင့် ထိုအချက်ကို အမြဲစွဲမှတ်ခြင်းမရှိကြ။ မကြာခဏ သတိလက်လွတ် ပြကြသည်။ မိမိတို့အစွမ်းအစ သတ္တိသွေးကြောင့်အောင်ပန်းဆင်သည်ဟု ထင်မှားကြသည်။ ဘုရားတရား ကိုင်းရှိုင်းသော ယုဒလူနည်းစုကမူ အစဉ်သိရှိကြသည်။

၁၂၄:၂–၅ ရန်သူ့အင်အားလှိုင်းလုံးထ၍ ဣသရေလလူတို့အား ဝါးမြိုတော့မည်ဟန်ရှိလျှင် ဆာလံ ဆရာသည် တွေးပူသည်။ အစာရေစာနပ်မှန်အောင် မည်သို့လုပ်ရပါ့။ ဆေးဝါးကုသမှုလည်းတွေးစရာ၊ ဆက်သွယ်ရေး ပြတ်တောက်ကုန်ပြီ။ အသုံးအစောင်ပစ္စည်းများ မည်သို့ဖြည့်ဆည်းရပါ့။ ရန်သူများက ဝိုင်းရံ ကုန်ပြီ။ ရန်သူများက ဣသရေလလူများအား တယောက်မကျန်ပင်လယ်သမုဒ္ဒရာထဲသို့ မောင်းချရန်ကြံဖန် နေကြပြီ။ အကြံရခက်ပြီ။

၁၂၄:၆–၇ ရန်သူများက သားရဲတိရစ္ဆာန်များသည် မာန်တဖီဖီပြင်နေကြပြီ။ အရှင်လတ်လတ် ဝါးစား မည့်ဟန်ပြုနေကြပြီ။ တပါးအမျိုးသားစစ်တပ်ကြီးသည် ပင်လယ်လှိုင်းလုံးကြီးသဖွယ် ချီတက်လာဟန် ပြုနေသည်။

မမျှော်လင့်ဘွယ်များ လက်တွေ့မြင်လာရပြီ။ ဘုရားသခင်က ရန်သူများအား အချင်းချင်းစိတ်၀မ်းကွဲ ပြားစေပါစေ။ သို့မဟုတ်ယုဒများကြားသိသောစစ်သတင်းသည် နားကြားလွဲခြင်းဖြစ်ပါစေ။ သို့မဟုတ် စစ်ရေး စစ်ရာသာလွန်ပါစေသား။ သို့မဟုတ် နှစ်ဦးနှစ်ဘက် စစ်ပြေငြိမ်းချမ်းရေးသဘောတူညီချက်ရရှိကြပါစေသော်။

အခြားတဘက်တွင် ဘုရားရှင်က ယုဒလူများအား လူတို့မမျှော်လင့်နိုင်သော အစားအစာကျွေးမွေး ချပေးပါစေ။ သို့မဟုတ် ဝှက်ထားသောလက်နက်ဆန်းလက်နက်ကောင်းများထုတ်ပေးပါစေ။ သို့မဟုတ် ပြည်ပအခြားတိုင်းပြည်ကြီးမှ စစ်ရေးအကူအညီရပါစေ။ ထိုသို့မဟုတ်လျှင်ကား မနက်ဖြန်အရေး တွေးကြည့် စရာမရှိ။ ဘုရားသခင်၏ လက်တော်ကိုသာ မျှော်လင့်အားကိုးစရာရှိပါသည်။

ဝိညာဉ်အသိမြင် ကြွယ်ဝသူများ ဘုရားသခင်၏ အံ့ဘွယ်ဘုန်းတန်ခိုးတော်ကို မြင်ရသည်။ အံ့ဘွယ်ရာ ကယ်နှုတ်ခြင်းကျေးဇူးတော်ကို တွေးဆနိုင်သည်။ အသားစား သားရဲတိရစ္ဆာန်ကြီးများဖြစ်သော တပါးအမျိုးသား သားရဲများက ဣသရေလအကောင်ငယ်လေးကို မနိုင်ကြပါလား။ ဘုရားသခင်၏လူများ သည် သေးငယ်ပေမယ့် အစွမ်းရှိသည်။ ပုရွတ်ဆိတ်ကလေးအကောင်ငယ် ပင်လယ်ကူးတတ်သည်။ တပါး အမျိုးသားများသည် မိမိတို့ထောင်သောကျော့ကွင်းတွင် မိမိခြေထောက်ပြန်မိကြသည်။ ဣသရေလတို့သည် မာယာထောင်ချောက်များကို နင်းချေဖျက်ဆီးနိုင်ကြပြီ။ တဖန်လွန်မြောက်ကြပြန်ပြီ။

၁၂၄:၈ သို့ဖြင့် အောက်ကျို့ရိုကျိုးစွာ ဤသို့၀န်ခံကြသည်-

ကောင်းကင်နှင့်မြေကြီးကို ဖန်ဆင်းတော်မူသော ထာဝရဘုရား၏နာမတော်အားဖြင့် ငါတို့သည် မစခြင်းကျေးဇူးကို ခံကြရပြီ။

မည်သို့ဆိုစေ။ ဣသရေလလူများသည် ဘုရားသခင်၏ အံ့သြဘွယ်ရာအမှုတော်များကို လက်ဝါးကြီး အုပ် မသိမ်းပိုက်ကြပါ။ အသင်းတော်က အချိန်မီဆက်ခံပါသည်။ အကယ်၍သာ ဘုရားသခင်သည် ဣသရေလ လူတို့ဘက်မှာ မရပ်တည်လျှင်လူ့လောကမှာ ဣသရေလနိုင်ငံရှိမည်မဟုတ်။ ဣသရေလလူမျိုးလည်းရှာတွေ့ မည်မဟုတ်။ ရန်သူများက အစိမ်းလိုက်ဝါးစားမြိုချကြမည်။ ကျန်ရှိသူများကိုလည်း အမှုန့် ကြိတ်ပစ်ကြမည် သေချာသည်။