Isaiah -61 -

ဟေရှာယအနာဂတ္တိကျမ်း - ၆၁

ကယ်နုတ်မည့်အကြောင်းသတင်းကောင်း

1ထာဝရဘုရား၏ဝိညာဉ်တော်သည် ငါ့အပေါ်မှာ တည်တော်မူ၏။ အကြောင်းမူကား၊ ဆင်းရဲသားတို့အား ဝမ်းမြောက်စရာသတင်းကို ကြားပြောစေခြင်းငှာ၊ ငါ့ကိုဘိသိက်ပေးတော်မူပြီ။ နှလုံးကြေကွဲသောသူတို့၏ အနာကိုစည်းစေခြင်းငှာလည်းကောင်း၊ ဖမ်းသွားချုပ်ထားလျက် ရှိသောသူတို့အား လွှတ်ခြင်းအကြောင်းနှင့်၊ အကျဉ်းခံလျက်ရှိသောသူတို့အား ထောင်တံခါးဖွင့်ခြင်းအကြောင်းကို ပြစေခြင်းငှာလည်းကောင်း၊ 2ထာဝရဘုရား၏မင်္ဂလာနှစ်နှင့်၊ ငါတို့ဘုရားသခင် အပြစ်ပေးတော်မူရာ နေ့ရက်ကာလကို ကြားပြောစေခြင်းငှာလည်းကောင်း၊ စိတ်မသာညည်းတွားသော သူတို့အား နှစ်သိမ့်စေခြင်းငှာလည်းကောင်း၊ 3စိတ်မသာညည်းတွားသော ဇိအုန်မြို့သားတို့အဖို့စီရင်၍၊ ပြာအရာ၌ ပေါင်းသရဖူ၊ ဝမ်းနည်းခြင်းအရာ၌ ဝမ်းမြောက်ခြင်းဆီ၊ ညှိုးငယ်သော စိတ်သဘောအရာ၌ ချီးမွမ်းခြင်းအဝတ်တန်ဆာကို သူတို့အားပေးစေခြင်းငှာလည်းကောင်း၊ ငါ့ကို စေလွှတ်တော်မူပြီ။ ထိုသူတို့သည် ဖြောင့်မတ်ခြင်းသပိတ်ပင်၊ ဘုန်းအသရေတော်ဖို့ ထာဝရဘုရား စိုက်ပျိုးတော်မူသောအပင်ဟူ၍ သမုတ်ခြင်းကို ခံရကြလိမ့်မည်။ 4ရှေးပြိုပျက်ရာတို့ကို ပြုပြင်ကြလိမ့်မည်။ ရှေးကာလ၌ သုတ်သင်ပယ်ရှင်းရာတို့ကို တည်ဆောက်ကြလိမ့်မည်။ ဆိတ်ညံသောမြို့ရာ၊ အစဉ်အဆက် စွန့်ပစ်ရာအရပ်တို့ကို ပြုစုကြလိမ့်မည်။ 5တစ်ပါးအမျိုးသားတို့သည် ရပ်လျက်၊ သင်တို့သိုးစုများကို ထိန်းကျောင်းကြလိမ့်မည်။ တစ်ကျွန်းတစ်နိုင်ငံသားတို့သည် သင်တို့အဖို့ လယ်လုပ်၍၊ စပျစ်ဥယျာဉ်ကိုလည်း ပြုစုကြလိမ့်မည်။ 6သင်တို့မူကား၊ ထာဝရဘုရား၏ ယဇ်ပုရောဟိတ်ဟူ၍လည်းကောင်း၊ ငါတို့ဘုရားသခင်၏ အမှုတော်ထမ်းဟူ၍လည်းကောင်း သမုတ်ခြင်းကို ခံရကြလိမ့်မည်။ တစ်ပါးအမျိုးသားတို့၏ စည်းစိမ်ကိုစား၍၊ သူတို့၏ဘုန်းအသရေ၌ ဝါကြွားဝမ်းမြောက် ကြလိမ့်မည်။ 7သင်တို့ အရှက်ကွဲခြင်းအရာ၌ နှစ်ဆသောအကျိုးကိုခံရ၍၊ အသရေပျက်ခြင်းအရာ၌လည်း၊ သူတို့အဖို့ကို ခံစားလျက် ဝမ်းမြောက်ကြလိမ့်မည်။ သူတို့မြေ၌ နှစ်ဆသောအဖို့ကိုအမွေခံရ၍၊ ထာဝရဝမ်းမြောက်ခြင်းနှင့် ပြည့်စုံကြလိမ့်မည်။ 8အကြောင်းမူကား၊ ငါထာဝရဘုရားသည် တရားသဖြင့် စီရင်ခြင်းကိုနှစ်သက်၏။ လုယူခြင်းအမှုနှင့် အဓမ္မအမှုကိုမုန်း၏။ သစ္စာအတိုင်း သူတို့အား အကျိုးကိုပေးမည်။ သူတို့နှင့် ထာဝရပဋိညာဉ်ကိုဖွဲ့မည်။ 9သူတို့အမျိုးအနွယ် သားစဉ်မြေးဆက်တို့သည် တစ်ပါးအမျိုးသား နေရာအရပ်ရပ်၌ ကျော်စောကြလိမ့်မည်။ သူတို့သည် ထာဝရဘုရား ကောင်းချီးပေးတော်မူသော အမျိုးအနွယ်ဖြစ်ကြ၏ဟု သူတို့ကို မြင်သောသူအပေါင်းတို့သည် ဝန်ခံကြလိမ့်မည်။

10ထာဝရဘုရားကြောင့် ငါသည် အလွန်ဝမ်းမြောက်၍၊ ငါ၏ဘုရားသခင်ကြောင့် ငါ့ဝိညာဉ်သည် ရွှင်လန်းမည်။ အကြောင်းမူကား၊ မင်္ဂလာဆောင်လုလင်သည် ပေါင်းသရဖူကို ဆောင်းသကဲ့သို့လည်းကောင်း၊ မင်္ဂလာဆောင်သတို့သမီးသည် တန်ဆာဆင်သကဲ့သို့လည်းကောင်း၊ ကယ်တင်ခြင်းအဝတ်တန်ဆာနှင့် ငါ့ကိုဝတ်ဆင်စေ၍၊ ဖြောင့်မတ်ခြင်းဝတ်လုံနှင့် ခြုံတော်မူပြီ။ 11မြေကြီးသည် အပင်ကို ပေါက်စေသကဲ့သို့လည်းကောင်း၊ လယ်ယာသည်မိမိ၌စိုက်သောမျိုးစေ့ကို အညှောက်ထွက်စေသကဲ့သို့လည်းကောင်း၊ ထိုအတူ ထာဝရဘုရားသည် ခပ်သိမ်းသောလူမျိုးရှေ့မှာ၊ ဖြောင့်မတ်ခြင်းနှင့် ချီးမွမ်းခြင်းကို ပေါ်ထွန်းစေတော်မူလိမ့်မည်။

ဟေရှာယအနာဂတ္တိကျမ်း - ၆၁ (အနက်ဖွင့်)

၄၊၊မေရှိယသခင်၏အမှုတော်(အခန်း၆၁)

၆၁:၁-၄ ဤကျမ်းပိုဒ်တွင်စကားပြောသူသည်သခင်ယေရှုခရစ်တော်ဖြစ် သည်။ နာဇရက်တရားစရပ်တွင်ပြောခဲ့သောစကား(လု၄:၁၆-၂၁)ကိုအခန်း ငယ်၁-၂တွင်ပြန်လည်ဖော်ပြထားသည်။ ”ယနေ့ပင်ဤကျမ်းစာချက်သည် သင်တို့ကြားသည့်အ တိုင်းပြည့်စုံလေပြီ”(လု၄:၂၁)။ ခရစ်တော်သည်ယော်ဒန် မြစ်တွင်နှစ်ခြင်းမင်္ဂလာခံယူစဉ်သန့်ရှင်းဝိညာဉ်တော်ဖြင့်ထပ်မံဘိသိက်ပေး ထားသည်။ လူ့လောကတွင်အမှုတော်ပြုနေစဉ်တွင်လည်းကောင်းမှုကုသိုလ်အကျင့်သီလများပြုခဲ့သည်။ ဆင်းရဲသားများကယ်တင်သည်။ စိတ်နှလုံးကြေ ကွဲဝမ်းနည်းသူများငြိမ်သက်ဆောက်တည်ရာပေးသည်။ အပြစ်ဒုစရိုက်နွံနစ်သူ များလွတ်မြောက်စေသည်။ အကျဉ်းခံရသူများမျက်စိပွင့်လင်းစေသည်။ အချုပ်ခံရသူများလွတ်မြောက်စေသည်။ သို့သော်ထာဝရဘုရား၏မင်္ဂလာနှစ်နောက် တွင်အပြစ်ပေးရာနေ့ရက်ကာလရောက်လာမည်။ အဘယ့်ကြောင့်ဆိုသော်ဘု ရားသခင်၏အရေးယူအပြစ်ပေးမည့်ကာလရောက်လာဦးမည်ဟုဆိုထားသည်။ ထိုအမှုအရာများသည်ခရစ်တော်ဘုရားဒုတိယအကြိမ်ပြန်လည်ကြွလာသည့် အချိန်တွင်ပြည့်စုံမည်။ ဘုန်းတန်ခိုးနှင့်ပေါ်ထွန်းလာသောအခါဘုရားသခင်၏ တရားစီရင်မည့်နေ့ကြေညာမည်။ ဇိအုန်တောင်ပေါ်တွင်ငြိမ်သက်ချမ်းသာရ မည့်အကြောင်းနှစ်သိမ့်မည်။ ပြာအိုးနေရာ၌ပေါင်းသရဖူ၊ဝမ်းနည်းခြင်းအရာ၌ ဝမ်းမြောက်ခြင်းဆီ၊ညှိုးငယ်သောစိတ်သဘောအရာ၌ချီးမွမ်းခြင်းအဝတ်တန်ဆာတို့ကိုပေးမည်ဟုကတိတော်ပြုထားသည်။ ရွေးကောက်ထားသူများကို ဖြောင့်မတ်ခြင်းသစ်ပင်ဟုသမုသ်ကြမည်။ ဘုရားသခင်စိုက်ပျိုးထာခြင်းဖြစ်၍ ဘုန်းတန်ခိုးနှင့်ပြည့်စုံမည်။ ပျက်စီးသွားသောအရာများကိုလည်းကတိတော်မြေ ပေါ်တွင်ပြန်လည်တည်ဆောက်ကြရမည်။

၆၁:၅-၉ နိုင်ငံရပ်ခြားတိုင်းတပါးသားများကဣသရေလတို့မြေအားချီး မွမ်းစကားဆိုကြမည်။ ယဇ်ပုရောဟိတ်များနှင့်ဘုရားသခင်၏အစေခံများပီသ ပါပေသည်ဟုဂုဏ်ပြုကြမည်။ တပါးအမျိုးသားတို့၏ကြွယ်ဝချမ်းသာသူများ သည်ယုဒများထံသို့ဓာတ်ကူးလာမည်။ စစ်သူကြီးများ၏အခန်းကဏ္ဍာပြီးဆုံး မည်။ ဘုရားသခင်၏လူများကရရှိကြသောကြောင့်နှစ်ထပ်ကွမ်းပျော်ရွှင်ကြ မည်။ (အပိုဒ်ငယ်၇တွင်ပါရှိသော”သင်”နှင့်”သူတို့”သည်အတူတူဖြစ်သည်။ ယုဒများကိုရည်ညွှန်းသည်)။ ဘုရားသခင်၏လူများမတရားမှုအနိုင်အထက် ပြုမှု၊ဆင်းရဲမှုခံစားခံရပုံကိုဘုရားသခင်ကလက်ဆောင်ဖြင့်ဖြေသိမ့်မည်။ ထိုလက်ဆောင်မှာထိုသူများနှင့်အတူထာဝရကာလဘုရားသခင်စိုးစံမည့် အကြောင်းဖြစ်သည်။ ထို့သို့ဖြင့်ကောင်းကြီးပေးတော်မူသောယေဟောဝါဘုရားကိုပိုမိုသိကျွမ်းကြမည်။ ထိုကျမ်းစကားသည်ဘုရားသခင်၏ပဋိညာဉ်အသစ် ဖြစ်သည်(ယေ၃၁:၃၁-၃၄၊ဟေဗြဲ၈:၈-၁၂)

၆၁:၁၀-၁၁ မေရှိယသခင်ကရွေးနှုတ်ထားသောလူနည်းစုအားဦးဆောင် ၍ဘုန်းတန်ခိုးပြည့်စုံသောကယ်တင်ခြင်းနှင့်ဖြောင့်မတ်ခြင်းအဝတ်တန်ဆာဆင် မြန်းကြမည်။ ဘုရားသခင်ပေးထားသောထိုအခမ်းအနားဝတ်စုံများဆင်မြန်း ၍တိုင်းနိုင်ငံများအနှစ်တစ်ထောင်နိုင်ငံတော်ထဲသို့မဝင်မီ၊ဣသရေလလူများနှင့် ချီးမွမ်းသီဆိုကြမည်။ (အပိုဒ်ငယ်၁၀-၁၁ တွင်စကားပြောသူသည်ဟေရှာယ ကဇိအုန်တောင်ပေါ်မှပြောခြင်းဖြစ်သည်။ သို့မဟုတ်မေရှိယကိုယ်တိုင်လည်း ဖြစ်နိုင်သည်။ အပိုဒ်ငယ်၁-၃တွင်စကားပြောသူနှင့်အတူတူဖြစ်သည်ဟုဆိုချင် ပါသည်)။

ယခုအနက်ဖွင့်ကျမ်းကို သက်ဆိုင်ရာတို့၏ ခွင့်ပြုချက်ဖြင့် ဝေမျှပေးထားခြင်းဖြစ်ပါသည်။ မူရင်းကို သွားရောက်ကြည့်ရှုလေ့လာလိုပါက http://bbcmm.net/the-believers-bible-commentary တွင် လေ့လာနိုင်ပါသည်။

တစ်စုံတစ်ခုကို မှတ်ချက်ပြုရေးသားလိုပါက အောက်တွင်ရေးသားဖေါ်ပြနိုင်ပါတယ်။