၅။ ဟဗက္ကုတ်၏ ဆုတောင်းခြင်းနှင့်ယုံကြည်ခြင်း (အခန်း၃)၈

(က) သူ့လူများအတွက် ဘုရားသခင်ထံလျှောက်လဲခြင်း(၃:၁– ၂)

ဘုရားသခင်က သူ့လူများ၏ ရန်သူများအပေါ် အတိတ်ကဆက်ဆံခဲ့ပုံတို့ကို သိမြင်ခဲ့ပြီဖြစ်သည်။ ယခုလည်း ကိုယ်တော့်လူမျိုးတော်အား ကယ်တင်ရန် ရန်သူများကို ဆုံးမအပြစ်ပေးခြင်းဖြင့် အမှုတော်ပြန်လည်နှိုးထလာစေဖို့ ဘုရားသခင်ထံတော်သို့ ဟဗက္ကုတ်ဆုတောင်းလျောက်လဲသည်။

(ခ) ဣသရေလများ အဲဂုတ္တုမှ ခါနန်ပြည်သို့ ပို့ဆောင်ပေးတော်မူခြင်းအား စားမြုံ့ပြန်ခြင်း(၃:၃–၁၅)

          ၃:၃–၇ ဟဗက္ကုတ်၏ ကျမ်းပိုဒ်ငယ်များသည် ဘုရားသခင်ဘုန်းအာနုဘော် ကြီ:မားပုံကို ဖော်ကျူးထားသော “Theophanic Ode”၉ (ဘုရားသခင်၏ထင်ရှားခြင်း) တေးအဖြစ်  Scroggie က တင်စားခေါ်ဝေါ်ခဲ့သည်။ ဘုရားသခင်သည် မဟာဘုန်းတန်ခိုးတော်ဖြင့် ရန်သူများအပေါ်  အနိုင်ယူအောင်ပွဲ ခံခဲ့သည့်အကြောင်း ဟဗက္ကုတ်က စာပန်းချီခြယ်ထားသည်။ အတိတ်ကာလက ဣသရေလတို့ အဲဂုတ္တုပြည်မှ ထွက်လာစဉ် ရန်သူအဲဂုတ္တုများအပေါ်  ဘုရားသခင်အပြစ်ပေးစီရင်ပုံ၊ ကတိတော်ထားရာ ခါနန်ပြည်သို့ အဝင်လမ်းတလျှောက်၌ ဆန့်ကျင်ဟန့်တားသော တိုင်းပြည်များကို ဆုံးမအရေးယူပုံ၊ ယောရှု၏ခေါင်းဆောင်မှုဖြင့် ခါနန်မြေမှလူမျိုးများကို ဖယ်ရှားမောင်းထုတ်ရာ၌ ဘုရားသခင်၏ဘုန်းတန်ခိုး မစပုံတို့ကို တဖွားဖွားပြန်လည်မြင်ယောင်မိသည်။

ဟဗက္ကုတ်၏ ဆုတောင်းချက်ပထမပိုင်းတွင် ကောင်းကင်နှင့်မြေကြီးနှစ်ခုလုံး၌ ဘုရားသခင်ဘုန်းတန်ခိုး ထွန်းတောက်ပုံကို တွေ့ရသည်။

ပထဝီအနေအထားအရ အတိအကျပြောရာတွင် တေမန်၊ ပါရန်တောင်၊ ကုရှန်ပြည်၊  မိဒျန်ပြည်အစရှိသော တိုင်းပြည်များသည် ဣသရေလ၏ရန်သူများ ဖြစ်သည်။ ဥဒါဟရုဏ်အားဖြင့် တေမန်သည် ဧဒုံပြည်၏ မြို့တော်ဖြစ်၍ ဧဒုံလူမျိုးအားလုံးကို ကိုယ်စားပြုသည်။ ကုရှန် “ကုရှ” သို့မဟုတ် အဲသယောပိ ပြည်ကို ရည်ညွှန်းသည်။

          ၃:၈–၁၁ ဘုရားသခင်၏ ဘုန်းတန်ခိုးအာဏာတော်သည် “မြစ်၊ ပင်လယ်နှင့် တောင်တန်းများ၌ သက်ရောက်အုပ်စိုးကြောင်း ဖော်ကျူးထားသည်။

အပိုဒ်ငယ် ၁၁ မှာ ယောရှုအား ဂေဗြုန်စစ်ပွဲတွင် ဘုရားရှင်ကူညီမစစဉ် (ယောရှု ၁၀:၁၂) ဘုရားရှင်ပြုသော အံ့ဖွယ်တန်ခိုးအာဏာဖြစ်သည်။

          ၃:၁၂–၁၅ ဣသရေလတို့၏ ရန်သူများအားချေမှုန်းရန် ဘုရားသခင်သည် တပြည်လုံးသို့ အမျက်တော်ဖြင့်ချီတက်မည်။

အပိုဒ်ငယ် ၁၅ မှာ ဣသရေလလူများ ပင်လယ်နီဖြတ်ကျော်ခြင်း (ထွ၊ ၁၄) ကို ရည်ညွှန်း၏။ ဣသရေလတို့ပင်လယ်ထဲသို့ ခြေချလိုက်သည်နှင့်တပြိုင်နက် ပင်လယ်သည် လှိုင်းလုံးကြီးများပမာ တစ်ဘက်ဆီသို့ လိပ်သို့လျက် မြေကြီးပေါ်လာရန် တစ်ဖက်ကမ်းတိုင်အောင် ခြောက်ခြောက်သွေ့သွေ့ ဖြတ်ကူးခဲ့သည်။ ထိုနည်းတူ ကိုယ်တော်သည် မြင်းတော်များကိုစီ:၍ ရေဟုန်းဟုန်းမြည်သောပင်လယ် အလယ်သို့ ချီသွားမည်ဟု ဟဗက္ကုတ် မြင်ယောင်သည်။

(ဂ) ရန်သူများအားအရေးယူပေးရန် စောင့်မျှော်ခြင်း(၃:၁၆)

ကျူးကျော်လာသော ဗာဗုလုန်သားများအား ဘုရားသခင်က တရားစီတော်မူလိမ့်မည်ဟူသော ဗျာဒိတ်စကားကိုကြားသိသောအခါ ဟဗက္ကုတ်သည် တုန်လှုပ်ချောက်ခြားစွာ ငြိမ်သက်နှုတ်ဆိတ်သွားသည်။ စီရင်တော်မှုမည့်နေ့ရက်၌ ဖြစ်လာမည့်အရာကိုသာ ငံ့လင့်မျှော်ယောင်မိတော့သည်။

(ဃ) မည်သည့်ဘဝရောက်စေ၊ ဘုရားသခင်ကို ယုံကြည်ခိုလှုံမည့်အကြောင်း(၃:၁၇–၁၉)

ထိုကာလ၌ ဟဗက္ကုတ်နှင့် သူ့လူများအား မည်ကဲ့သို့သောစုံစမ်းခြင်း ကျရောက်လာပါစေ၊ ယုံကြည်ချက်မပျက် ကြံ့ကြံ့ခံ ရပ်တည်ကြမည်။ ဗာဗုလုန်ကျူးကျော်မှုကြောင့် သင်္ဘောသဖန်းပင်မပွင့်၊ စပျစ်သီးမသီး၊ သံလွင်ပင်အကျိုးမဖြစ်ထွန်း၊ လယ်သီးနှံမအောင်၊ သိုးနွားခြံများမှာ သိုးနွားများမရှိ၊ ဟောင်းလောင်း ဖြစ်နေသည့်တိုင် ဟဗက္ကုတ်နှင့် သူ့လူများသည် ကယ်တင်တော်မူသော ဘုရားသခင်ကို အမှီပြု၍ ဝမ်းမြောက်ရွှင်လန်းနေသည်။ ထိုအပိုဒ်ငယ်ကို  Boxter  ကဤသို့ဆိုပါသည်။

ဤ၌ သာမန်စကားပြေဖြင့်ပြန်ဆိုရလျှင် “မြူးတူးခုန်ပေါက်၍ ဘုရားသခင်အားချီးမွမ်းနေမည်၊ လှည့်ပတ်ကခုန်၍ ဘုရားသခင်၏ဘုန်းတန်ခိုး၌ ဝမ်းမြောက်နေမည်” ဟုပြန်ဆိုရမည်။ ယုံကြည်ခြင်းက အပြီးသတ်အောင်ပွဲကို ကျွန်ုပ်တို့ပိုင်ဆိုင်ဖို့ စိတ်ချမှုရရှိလျက် အဆိုးရွားဆုံး ဝန်းကျင်အ‌ခြေအနေ၌ပင် အကောင်းဆုံးသောဝမ်းမြောက်ရွှင်လန်းခြင်းကို ပေးနိုင်ပါတကား။၁၀

မှတ်စု

၁။ (နိဒါန်း)  Charles Lee Feinberg, Habakkuk, Zephaniah, Haggai and Malachi, p. 12.

၂။  (နိဒါန်း) အများက ပထမသရကို ဖိဆိုကြသည်။ အင်္ဂလိပ်စာ၌ ဒုတိယသရကို လေပြင်းဆိုရသည်။ ဟေဗြဲအသံထွက်၌ နောက်ဆုံးသရကို  Ha-ba-KOOKဟုဖိဆိုရသည်။

၃။ (နိဒါန်း)  Feinberg, Habakkuk, p.11.

၄။ (၁:၅-၁၁) Ibid (ရင်းမြစ်ကျမ်းတူ),p.17.

၅။ (၁:၁၂-၁၇) J. E. Evans, နောက်ထပ်အထောက်အထားမရရှိပါ။

၆။ (၂:၃) A. J. Pallock, နောက်ထပ်အထောက်အထားမရရှိပါ။

၇။ (၂:၅) C. E. Keil, “Habakkuk”, In Biblical Commentary on the Old Testament, Vol.25,pp.74-75.

၈။ (အခန်း၃) ဤနှစ်လိုဖွယ်ရာအခန်းကို ဂျူးဘာသာဝင်တို့က သံစဉ်ထည့်၍ ဝတ်ပြုသီချင်းအဖြစ် သီဆိုလေ့ရှိသည်။

၉။ (၃:၃-၇) Scroggie, “Habakkuk” in Know Your Bible, Vol 1, The Old Testament, p. 196.

၁၀။ (၃:၁၇-၁၉) J. Sidlow Baxter, Explore the Book, p. 212.