ဆာ ၁၂၁၊ စောင့်ထိန်းထား

၁၂၁:၁–၂။ KJVကျမ်းမူတွင် ဤသို့ဆိုထားသည်။-

“အဘယ်ကမစခြင်းအကြောင်း ပေါ်ပါလည်လဲဟုတောင်ရိုးတို့ကိုမျှော်ကြည့်ပါ၏။ ကောင်းကင်နှင့် မြေကြီးကိုဖန်ဆင်းသောဘုရားရှင်ထံမှ ပေါ်ထွန်းလာပါသည်”။

စာရေးသူအနေဖြင့် ရုပ်တုဝါဒီအတွေး၀င်သွားသည်ဟု ထင်သည်။ ဘုရားသခင်ထံမှမဟုတ်ဘဲ တောင် ရိုးပေါ်မှ မစခြင်းအကြောင်းပေါ်လာသည်ဟု ဆိုသည်။ (ယေ ၃:၂၃)။ အပိုဒ်ငယ် (၁)ဒုတိယပိုင်းသည် စဉ်းစားစရာဖြစ်ပါသည်။ NKJV ကျမ်းမူက “ငါ့ကိုမစခြင်းအကြောင်း အဘယ်ကပေါ်လာမည်လဲဟု တောင်ရိုးကိုမျှော်ကြည့်၏။ ကောင်းကင်နှင့်မြေကြီးဖန်ဆင်းသော ဘုရားသခင်ထံတော်မှ ပေါ်ထွန်းလာသည်“ ဟုဆိုသည်။

စာရေးသူက KJVကျမ်းမူကို ရည်ညွှန်းချင်ပါသည်။ ယေရုရှလင်ဗိမာန်တော်သည် ကမ္ဘာမြေကြီး ပေါ်တွင် ဘုရားရှင်စိုးစံတော်မူရာ ဌါနတော်အဖြစ် ခံယူထားသည်။ ဘုရားတော်တိမ်တောင်တိမ်ရိပ်သည် သူ့လူများအကြားတွင် ဘုရားရှင်တော်စိုးစံသည့် အထိမ်းအမှတ်ဖြစ်သည်။ ယေရုရှလင်သည် တောင်များဝိုင်းရံ လျက်ရှိသော တောင်ပေါ်တွင်တည်သည်။ ဆာလံဆရာသည် ဘုရားသခင်၏ အကူအညီလိုအပ်နေသဖြင့် တောင်ရိုးကို မျှော်ကြည့်သည်။ ဘုရားရှင်ကို မော်ကြည့်ခြင်းနှင့်အတူတူဖြစ်သည်။ ဖန်းဆင်းရှင်သခင်သည် ယေရုရှလင်တောင်ပေါ်တွင် စိုးစံသဖြင့်သူ့ကို ကူမမည့်တောင်ရိုးကိုမော်ကြည့်သည်။

ဤကျမ်းပိုဒ်နှစ်ခုတွင် စကားပြောသူသည် ဆာလံဆရာဖြစ်သည်။ ကောင်းကင်နှင့်မြေကြီးကို ဖန်ဆင်းရှင်သခင်အပေါ်သို့ ဘဝတခုလုံးပုံအပ်ပုံကို ဝန်ခံထားသည်။

၁၂၁:၃။ အပိုဒ်ငယ် (၃)တွင် စကားပြောသူသည် နောက်တယောက်ဖြစ်သည်။ သန့်ရှင်းဝိညာဉ်တော် ဖြစ်သည်။ နောက်တယောက်ဖြစ်သည်။ သန့်ရှင်းဝိညာဉ်တော်ဖြစ်သည်။ ဘုရားရှင်ကို ယုံကြည်ကိုးစားသူ သည် ထာဝရလုံခြုံရေးရရှိသည်။ သို့သော် မည်သည့်နေရာသို့မျှ လှုပ်ရှားသွားလာခြင်း မပြုဘဲမိမိနေရာတွင် အဆင်ပြေဇိမ်ကျမည်ဟုမဆိုလို။ ယုံကြည်သူများ၏ ခြေထောက်သည်လည်း လှုပ်ရှားသွားလာနေမည်။ ဘုရား ရှင်ကို ယုံကြည်ကိုးစားသူ၏ ခြေလှမ်းတိုင်းသည် မြဲမြံမှန်ကန်သည်။ မတော်တဆလိမ့်ကျခြင်း၊ ချော်လဲခြင်း မရှိ။ ဘေးဆိုးကြမ္မာဆိုး မကြုံရ။

၁၂၁:၄။ ယုံကြည်သူကို ထောက်မကြည့်ရှုသောသူသည် ငိုက်မြည်းအိပ်ပျော်ခြင်းမရှိ။ စစ်သူကြီးမဟာ အလက်ဇန္ဒားက သူ့စစ်သားအား “အိပ်ပါ။မင်းကိုငါကင်းစောင့်ပေးမည်”ဟုဆိုသည်။ မှောင်မိုက်ညဉ့်နက်ချိန် ခါတွင် မိမိတို့ပတ်၀န်းကျင်၌ ဘေးဥပါဒ် ပယောဂပေါင်းစုံ ဝိုင်းရံနေပါသည်။ ဘုရားရှင်သည် ထိုစစ်သူကြီး အလက်ဇန္ဒားထက်ကြီးမြတ်သည် မဟုတ်လား။ ကိုယ်တော်က ကင်းစောင့်ပေးနေမှဖြင့် မည်သည့်ဘေးရန် တွေးပူရအံ့နည်း။

၁၂၁:၅–၆။ ထိုသို့ ကင်းစောင့်ပေးကြောင်း ကတိတော်ပေးသူသည် တခြားလူမဟုတ်။ ဘုရားရှင် ကိုယ်တော်တိုင်ဖြစ်သည်။ စကြာဝဋ္ဌာ ကမ္ဘာမိုးမြေဖန်ဆင်းသခင်က ကင်းစောင့်ပေးသည်ဖြစ်၍ သန့်ရှင်း သူများအတွက် စိတ်ပူတွေးပူစရာမရှိတော့ပါ။

ဘေးရန်ပေါင်းစုံမှ ကာကွယ်ပေးမည်ဟု ကတိတော်ပေးထားပါသည်။ လက်ယာဘက်၌ရှိသော သင်ခိုလှုံရာအရိပ်ဆိုသည်မှာ နေ့ညဉ့်မရှောင်၊ ကိုယ်ရံတော်အဖြစ်လိုက်ပါကြောင်း ဆိုလိုသည်။ နေ့အချိန်၌ နေအားဖြင့် ထိခိုက်မရှိရဆိုသည်မှာ စကားပြော အတိုင်းယူရလျှင် နေပူရှိန်ကြောင့်ဖြစ်တတ်လာရောဂါအန္တ ရာယ် ဟုယူဆနိုင်သည်။ ညဉ့်အချိန်၌ လအားဖြင့်ထိခိုက်ခြင်းမရှိရဆိုသည်မှာ ကျမ်းစာပညာရှင်များက ရှေးလူကြီးသူမများ၏ပုံပြင်ဒဏ္ဍာရီကို ယူထားခြင်းဟု ဆိုကြသည်။ မည်သို့ပင်ဖြစ်စေ ထိုနေနှင့်လကို မကောင်းဆိုးဝါး၊ပယောဂဟု ယူမှတ်ကြစို့။ ထိုဘေးရန်များမှာ ကွယ်ကာစောင့်ရှောက်သည်။ နာနာဘ၀၊နာမ် လောက၏ တိုက်ခိုက်ခြင်းမှ ကင်းလွတ်သည်။

၁၂၁:၇–၈။ မကောင်းသောအမှုအရာမသင့်စေရန် လုံခြုံမှုအာမခံချက် ပေးထားပြီးဖြစ်သည်။ ဘုရားသခင်၏ ခွင့်ပြုချက်မရှိဘဲ၊ ယုံကြည်သူထံသို့ စုံစမ်းနှောက်ယှက်ခြင်းမရောက်နိုင်။ မတော်တဆမှုများ ဘေးဆိုးကံကြမ္မာဆိုး၊ မမျှော်လင့်သောဂြိုလ်ကောင်များရောက်မလာနိုင်။ ဘုရားရှင်သည် အနာရောဂါ ဆင်းရဲ ဒုက္ခနှင့်မရဏပြည်ရွာ အကြောင်းရင်းမဟုတ်။ သို့သော်ရည်ရွယ်ချက်ရှိသည့်အတိုင်းပြုနိုင်စွမ်းတန်ခိုးရှိသည်။ အုပ်စိုးချယ်လှယ်နိုင်သည်။ ဘုရားသခင်၏သားသမီးများက ဘုရားသခင်ယုံကြည်သူများ၏ ကောင်းစားရေး ကိုသာ လုပ်ဆောင်နေကြောင်း သိရှိနားလည်ကြသည်။ သို့ကြောင့်ဘုရားရှင်ကို ချစ်ခင်မြတ်နိုးကြသည်။ ထိုသို့ လုပ်ဆောင်ကြရန် ရည်ရွယ်ချက်ထားရှိခေါ်ထားသည် (ရော ၈:၂၈ကိုကြည့်ပါ)။

နောက်ဆုံးကတိစကားမှာ ဘုရားရှင်က လှုပ်ရှားသွားလာမှုတိုင်းကို တချိန်လုံးကြည့်ရှုနေသည်။ ထွက်သက်ဝင်သက်တို့ကိုလည်း အစဉ်မပြတ်စောင့်တော်မူသည်။ ဤအခန်းတို့တွင် “စောင့်ထိန်း”၊ “စောင့်ထိန်း”သူဟူသော စကားလုံးကို (၃)ကြိမ်စီသုံးထားသည်။ ကွယ်ကာဟူသော ဝေါဟာရကို (၃)ကြိမ် သုံးထားသည်။ အားလုံးခြုံလိုက်လျှင် ဘုရားသခင်ကို မျှော်လင့်ချက်ထားရှိသူသည် အစဉ်အမြဲဘေးရန် ကင်းစင်၍ ဘ၀အိုးအိမ်လုံခြုံသည်။

ယေရှုသခင်ကို မှီခိုအားထားလျှင်

ရန်သူများ မချဉ်းမသီဝံ့ပါပြီ။

မရဏပြည်ရွာများလျှင်

တုန်လှုပ်ချောက်ခြားသည်။

ဘယ်ဆိုဘယ်သောအခါမှ မချဉ်းဝံ့။

Richard Keen (1782)