၂၅:၁–၇                  ဇေဒကိမင်း၏ အဲဂုတ္တုသားများ အားကိုးမှုသည် ဗာဗုလုန်တပ်အား ယေရုရှလင်မြို့သို့ ဖိတ်ခေါ်ခြင်းဖြစ်သည်။ နေဗုပ်ခနေဇာက (၁၈) လ လုံးလုံး ယေရုရှလင်မြို့ကို ဝိုင်းရံပိတ်ဆို့ထားသဖြင့် မြို့သူမြို့သားများ ငတ်မွတ်ကြသည်။ ဇေဒကိမင်းနှင့်အပေါင်းပါ များသည် ညချမ်းချိန်တွင် မြို့ရိုးဖောက်၍ ပင်လယ်သေနားရှိတော်ကြီးထဲသို့ ထွက်ပြေးကြသည်။ ခါလဒဲစစ်သားများက လိုက်လံဖမ်းဆီးမိ၍ ရိဗလရှိ နေဗုခပ်နေဇာထံသို့ ပို့ဆောင်ကြသည်။ ဇေဒကိမင်းရှေ့မှောက်တွင် သူ့သားများကို သတ်ပစ်ပြီးနောက် ဇေဒကိမင်း၏ မျက်လုံးစုံကို ဖောက်ပစ်သည်။ သံကြိုးဖြင့်ချည်နှောင်၍ ဗာဗုလုန်သို့ ခေါ်ဆောင်သွားကြသည်။ ထိုဖြစ်စဉ်နှင့် ပက်သတ်၍ ရှေးပရောဖက်ပြုချက်များ ပြန်လည်တွေးမှတ်စရာ (၂)ခု ရှိသည်။ ပရောဖက်ယေရမိက ဇေဒကိမင်းအား ဗာဗုလုန်မင်းနှင့်မျက်နှာချင်းဆိုင်ရမည်ဟု (ယေ ၃၂:၄၊ ၃၄:၃) ပရောဖက်ပြုခဲ့သည်။ ထိုပရောဖက်ပြုချက်သည် ရိဗလအရပ်တွင် ပြည့်စုံခဲ့ပြီ။ ဗာဗုလုန်သို့ ခေါ်ဆောင်ခြင်းခံရသော်လည်း ဘာမှမမြင်ရဘဲသေမည်( ယေဇ ၁၂:၁၃) ဟု ပရောဖက်ယေဇကျလက ဟောခဲ့ဘူးသည်။ ဗာဗုလုန်မြို့မရောက်ခင် ဇေဒကိမင်းသည် မျက်လုံးဖောက်ခံရသဖြင့် ဘာမှမမြင်ရ။ ဗာဗုလုန် တွင် တကယ်သေလွန်သည်။

(စျ) ယေရုရှလင်ကျဆုံးခြင်း (၂၅:၈–၂၁)

၂၅:၈–၁၂       ဘီစီ ၅၈၆ ခုနှစ်တွင် ဗာဗုလုန် ဘုရင် နေဗုပ်ခနေဇာ၏ လက်ချက်ဖြင့် ယေရုရှလင်မြို့ ပျက်သုဉ်းသည်။ နန်းတော်ရာ၊ ဗိမာန်တော်နှင့် အဓိကအဆောက်အဦးများကို မီးရှို့ဖျက်ဆီးပစ်သည်။ မြို့ရိုးကို ဖြိုဖျက်ပစ်သည်။ လက်လုပ်လက်စား အညတြလူတန်းစားမှလွဲ၍ အခြားလူများကို ဖမ်းဆီးခေါ်ဆောင် သွား သည်။

၂၅:၁၄–၁၇     ဤကျမ်းချက်သည် ဗိမာန်တော်ရတနာများ ဖျက်ဆီးသိမ်းဆည်းကြသည့် အနိဌာရုံဖြစ်သည်။ အလုံးလိုက်၊ အခဲလိုက်မသယ်ဆောင်နိုင်သော ဝန်ကျယ်ပစ္စည်းများကို ခုတ်ပိုင်း၍ သယ်ဆောင်သွားကြသည်။ အထူးသဖြင့် ကြေးထည်ပစ္စည်းများသည် ထုတည်ကြီးမားလွန်းသဖြင့် ပိုင်းဖြတ်ရသည်။ ခါလဒဲသားများသည် ရွှေ၊ငွေ အစရှိသည်များကို အစမကျန်ကပ်ခွာ၍ ကောက်သင်းကောက် သွားကြသည်။

၂၅:၁၈–၂၁     နေဗုပ်ခနေဇာသည် ယေရုရှလင်မြို့လူကြီးသူမ မျက်နှာဖုံး (၇၂)ဦးကို ရိဗလသို့ ဖမ်းဆီးခေါ်ဆောင်သွားသည်။ သူတို့အားလုံးကို သတ်ပစ်သည်။၂၇

(ည) ဇေဒကိအုပ်စိုးခြင်း (၂၅:၂၂–၂၆)

၂၅:၂၂–၂၆     ဗာဗုလုန်မင်းသည် ယုဒပြည်ကို အုပ်စိုးဖို့ ဇေဒကိအားခန့်အပ်သည်။ ထိုသတင်းကို ကြားသိသော စစ်သူကြီးလေးပါးသည် မိဇပါ သို့လာကြသည်။ လူထုအား အဲဂုတ္တုပြည်သို့ ထွက်ပြေးစေဖို့ဖြစ်သည်။ ဇေဒကိက ဗာဗုလုန်တို့၏ အုပ်စိုးခြင်းအား ဝန်ခံကြရန် ဖျောင်းဖျသည်။ သို့သော် တော်ဝန်မိသားစုဝင် ဣသရေလစစ်သူကြီးက ဇေဒကိအား ကွပ်မျက်လိုက်သည်။ ပြည်သူများသည် အမိမဲ့သား ရေနည်းငါးကဲ့သို့ ခိုကိုးစရာမရှိသဖြင့် အဲဂုတ္တုပြည်သို့ ထွက်ပြေးကြသည်။

(ဋ) ယေခေါနိ ဘုရင် (၂၅:၂၇ –၃၀)

၂၅:၂၇–၃၀     ဤကျမ်းကို ခွန်အားပေးနှစ်သိမ့်ပေးခြင်းဖြင့် အဆုံးသတ်ထားသည်။ ယေရမိအနာဂတ္တိ ကျမ်းနှင့် နှိုင်းယှဉ်ဖတ်ရသည် (၂၅:၂၇-၃၀ ကို ယေ ၅၂:၃၁-၃၄ နှင့် ယှဉ်ဖတ်ပါ)။ ယေခေါနိမင်းသည် ဗာဗုလုန်တွင် (၃၇)နှစ်တိုင်တိုင် ဖမ်းဆီးချုပ်နှောင်ခံ ရသည်။ စိတ်ရှည်သီးခံခြင်းသည် မျှော်လင့်ချက် ရောင်ခြည်ပေးနိုင်သည်ဟု သင်ခန်းစာပေးပါသည်။

ဓမ္မရာဇဝင် တတိယစောင်ကို ဒါဝိဒ်မင်း နတ်ရွာစံခြင်းဖြင့် ပြည်ဖုံးကားဖွင့်လှစ်၍ ဓမ္မရာဇဝင် စတုတ္ထစောင်ကို ယုဒပြည်ပျက်သုန်းခြင်းဖြင့် ပြည်ဖုံးကားချသည်။ ယုဒလူများသည် မောရှေ၊ တရားသူကြီး ရှင်ဘုရင်များဖြင့် ခေတ်အဆက်ဆက်တွင် ဘုရားသခင်၏ နှုတ်ကပတ်တော်နားမထောင်ကြ။ ပရောဖက်များကိုလည်း မျက်ရည်တပေါက်ပေါက် စီးကျစေခဲ့ကြသည်။ စိတ်နှလုံး မာကြောခက်ထန်ကြသဖြင့် ဘုရားသခင်က အာရှုရိ လူများနှင့် ဗာဗုလုန်တို့အား အသုံးပြု၍ ယုဒလူများကို ပညာပေးဆုံးမခြင်းဖြစ်သည်။ အပြစ်၏ အဖိုးအခသည် သေခြင်းဖြစ်ပါသည်။ တိုင်းတပါးသားများ ဖမ်းဆီးကျွန်ပြုခံရခြင်းသည် အလိုတော် အရဖြစ်သည်။ ရုပ်တု ဘုရားတု ကိုးကွယ်သော စိတ်နှလုံးများသည် ပျော့ပြောင်း လာ၍ ဘုရားသခင်ထံသို့ ခြေဦးလှည့် လာစေဖို့ ဖြစ်ပါသည်။

မှတ်စု

(၁:၂) John C. Whitcomb, Jr, Solomon to the Exile, p.64, Baal-zebul ကျမ်းစာပညာရှင် အများစုက “exalted Baal” ဟု ပြန်ဆိုကြသည်။

(၂:၇-၉) George Williams, The Student’s Commentary on the Holy Scriptures, p.200

(၃:၄-၉) See Unger’s Bible Dictionary pp.217, 226,227

(၃: ၂၆-၂၇) Harold Sitgers, “II Kings” in the Wycliffe Bible Commentary,p.344.

(၅:၁-၄) D.L.Moody, Notes from My Bible, p.58.

(၅:၁၃) Ibid.

(၆:၂၄-၃၁) အချို့က ငှက်ချီးဟု အနက်ယူကြသော်လည်း လောင်စာအတွက်သုံးသည်။

(၇:၁-၂)Moody,Notes,p.58.

(၇:၃-၇)Matthew Henry, “II Kings” in Matthew Henry’s Commentary on the whole Bible, II ;745, 746.

(၈:၁၃-၁၅)Williams, Commentary, p,207.

(၈:၁၃-၁၅) Merrill.C. Tenney, The Zordervan Pictorial Encyclopedia of the Bible.

(၉:၃၀-၃၇)  G.Campbell Morgan, Searchlighs from the Word, p.209

(၁၀:၁၅-၁၇) Ibid, 104.

(၁၁:၁၄-၁၁) Williams, Commentary,p.210.

(၁၂:၁-၅) Whitcomb, Solomon,p.103.

(၁၂:၁-၅)Williams, Commentary.p.211.

(၁၅:၃၂-၃၈) Flavius Josephus, Summarizef by Matthew Henary, “2King” , Matthew Henry’s Commentary II: 785.

(၁၆:၁၀-၁၆) E.C Cook, ed, Barnes’ Notes on the Old and New Testaments, I Samuel-Esther, p.273.

(၁၇:၂၉-၃၄) Such a mixed religion is called “Syncretistic”

(၁၇:၄၁) လု ၂:၃၆ တွင် ပရောဖက်မ အန္နသည် ဆယ်မျိုးနွယ် ထဲမှ “အာရှာမျိုးနွယ်” ဟုဆိုထားသည်။ အချို့ကမူ လူမျိုးနွယ် အချို့ပြန်လာကြသည်ဟုဆိုသည်။ ယာကုပ်သြဝါစာ ၁:၁ တွင်လည်း မျိုးနွယ် တစ်ဆယ့်နှစ်မျိုး ပြန့်ကြဲကြသည်ဟု ဆိုသည်။ ထို့ကြောင့် ဣသရေလ (၁၀)မျိုးသည် ရှေးမဆွကတည်းက ပျံ့နှံ့ ကွဲပြားကြခြင်းမဟုတ်ကြောင်း နားလည်ရသည်။

(၁၈:၁၇-၁၉) KIV ကျမ်းမူက လူနာမည်များဟု သတ်မှတ်သည်။

(၁၉:၃၅-၃၇) ခရစ်တော်လူဇာတိမခံယူမီ ဘဝဟု ယူဆရသည်။ NKJV ကျမ်းမူအောက်ခြေမှတ်စုတွင် Angel ကို စကားလုံးအကြီးဖြင့် ရေးထားသည်။

(၂၀:၁-၇) Whitcomb, Solomon,p.127.

(၁၉:၃၅-၃၇) The text of the Inscription can be found in Unger’s Bible Dictionary, pp.481, 482, and First Kings and Second Kings by Richard I. McNeely,p.145.

(၂၃:၁၅-၁၈) Whitcomb, Commentary,p.221

(၂၄:၁-၄) Whitcomb.Solomon.p.146.

(၂၅:၁၈-၂၁) အခန်း၂၅တွင် ဂဏန်းများကူးယူခြင်း (၃)ခုရှိသည်။ ၃ရာနှင့် ယေရမိကျမ်းနှင့် ယှဉ်ဖတ်ရသည်။ ဂဏန်းမှားခြင်းသည် အဓိကပြဿနာဖြစ်သည်။ (၆ရာတွင် အသေးစိတ်ကြည့်ပါ)။ ယေရုရှလင် မီးရှို့ရက်ကို အငယ်၈တွင် လ၏သတ္တမနေ့ဟုဆို၍ ယေ၅၂:၁၂ တွင် ဆယ်ရက်နေ့ဟုဆိုသည်။ မြို့ရိုးတိုင်အမြင့်ကို ငယ် ၁၇တွင် ၄ပေခွဲဟုဆို၍ ၃ရာ ၇:၁၆ တွင် ၇ပေခွဲဟု ဆိုသည်။