ယောဘ၀တ္ထု-၃

မိမိဖွားသောရက်ကိုကျိန်ဆဲခြင်း

1ထိုနောက်၊ ယောဘသည် နှုတ်ကိုဖွင့်၍ 2မိမိဖွားသောနေ့ရက်ကို ကျိန်ဆဲလျက် မြွက်ဆိုသည်ကား။ 3ငါဖွားသောနေ့ရက် ပျက်စီးပါစေ။ သားယောက်ျားကို ပဋိသန္ဓေယူပြီဟု သတင်းကြားပြောသောညလည်း ပျက်စီးပါစေ။ 4ထိုနေ့ရက် မိုက်ပါစေ။ ဘုရားသခင်သည် မျက်နှာပြုတော်မမူပါစေနှင့်။ အလင်း မပေါ်ထွန်းပါစေနှင့်၊ 5မှောင်မိုက်၊ သေမင်းအရိပ်သည် ထိုနေ့ရက်အသရေကို ရှုတ်ချပါစေ။ မိုးတိမ်ထပ် လွှမ်းမိုးပါစေ။ မွန်းတည့်အရှိန်ဖြင့် ကြောက်မက်ဖွယ် ဖြစ်ပါစေ။ 6ထိုညသည်မှောင်မိုက်၌ ပျောက်ပါစေ။ နှစ်စဉ်နေ့ရက်တို့နှင့် မပေါင်းပါစေနှင့်၊ 7လအရေအတွက်၌ မဝင်ပါစေနှင့်။ အော်၊ ထိုညသည် ဆိတ်ညံပါစေ။ ရွှင်လန်းသောအသံ မရှိပါစေနှင့်။ 8နေ့ရက်ကိုရွေး၍ ကျိန်ဆဲတတ်သောသူ၊ မိကျောင်းကို ထစေတတ်သောသူတို့သည် ထိုညကို ကျိန်ဆဲပါစေ။ 9ညဉ့်ဦးယံကြယ်တို့သည် မိုက်ပါစေ။ ထိုညသည် အလင်းကိုတောင့်တ၍ မရပါစေနှင့်။ နံနက်မိုးလင်းကို မမြင်ပါစေနှင့်။ အကြောင်းမူကား၊ 10ငါ့အမိ၏ဝမ်းကို ပိတ်မထား၊ ဒုက္ခဆင်းရဲကို ငါမမြင်စေခြင်းငှာ မကွယ်မကာ။

11ငါသည်မွေးစက အဘယ်ကြောင့် မသေသနည်း။ အမိဝမ်းထဲမှထွက်စက အဘယ်ကြောင့် အသက်မချုပ်သနည်း။ 12ငါ့ကိုအဘယ်ကြောင့် ပိုက်ပွေ့ရသနည်း။ အဘယ်ကြောင့် နို့တိုက်ရသနည်း။ 13ထိုသို့မပြုလျှင် ငါသည်အိပ်၍ ငြိမ်းပြီ။ ပျော်လျက်နေရပြီ။ 14မြို့ပျက်တို့ကို ပြင်ဆင်ပြုစုသော လောကီရှင်ဘုရင်၊ 15မှူးမတ်တို့နှင့်လည်းကောင်း၊ ရွှေကိုရတတ်၍ ဘဏ္ဍာတိုက်၌ ငွေကိုအပြည့်သိုထားသော မင်းတို့နှင့်လည်းကောင်း ငါငြိမ်းရပြီ။ 16သို့မဟုတ် အချိန်နေ့လမစေ့မီ မွေးသောသူငယ်၊ အလင်းကို မမြင်ရသောသူငယ်ကဲ့သို့ ငါပျက်စီးရပြီ။ 17ထိုအရပ်၌ လူဆိုးတို့သည် နောက်တစ်ဖန် မနှောင့်ယှက်ရ။ ပင်ပန်းသောသူတို့သည် ချမ်းသာရကြ၏။ 18အချုပ်ခံရသောသူတို့သည်လည်း အတူငြိမ်ဝပ်ရကြ၏။ ညှဉ်းဆဲသောသူ၏ စကားသံကို မကြားရကြ။ 19ထိုအရပ်၌ ကြီးသောသူနှင့် ငယ်သောသူရှိကြ၏။ ကျွန်သည်လည်း သခင်လက်နှင့် လွတ်ရ၏။

20ဒုက္ခဆင်းရဲခံရသောသူအား အဘယ်ကြောင့် အလင်းကိုပေးသနည်း။ စိတ်နှလုံးခါးသောသူအား အဘယ်ကြောင့် အသက်ကိုပေးသနည်း။ 21သူတို့သည် သေခြင်းကို တောင့်တ၍မရနိုင်။ ဝှက်ထားသောဥစ္စာကို ဖော်ခြင်းငှာ တူးသည်ထက် သေခြင်းအကြောင်းကို ဖော်ခြင်းငှာ သာ၍တူးကြ၏။ 22သူတို့သည် သင်္ချိုင်းတွင်းကို တွေ့သောအခါ အလွန်ဝမ်းမြောက်၍ အထူးသဖြင့် ရွှင်လန်းကြ၏။ 23မိမိသွားသောလမ်း ကွယ်ပျောက်သောသူ၊ ဘုရားသခင် ဆီးကာချုပ်ထားသောသူအား အလင်းနှင့်အသက်ကို အဘယ်ကြောင့် ပေးသနည်း။ 24အစာစားခြင်းအရာ၌ ငါညည်းတွားခြင်း ရှိ၏။ ငိုကြွေးမြည်တမ်းခြင်း မျက်ရည်သည်လည်း ရေစီးသကဲ့သို့ဖြစ်၏။ 25ငါကြောက်သောအမှုသည် ငါ၌ရောက်လာပြီ။ ငါအလွန်ကြောက်သောဘေးသည် ငါ့ကိုတွေ့မိပြီ။ 26ငါသည် ငြိမ်ဝပ်ခြင်းမရှိ။ ချမ်းဧခြင်းမရှိ။ သက်သာခြင်းမရှိ။ ဒုက္ခဆင်းရဲသက်သက် ရှိသည်ဟု မြွက်ဆိုလေ၏။

‌ယောဘ၀တ္ထု-၃ အနက်ဖွင့်

၂။ ယောဘနှင့်မိတ်ဆွေများစကားဖောင်ဖွဲ့ခြင်(အခန်း၃-၃၁)

အခန်း(၃)သည် ယောဘနှင့်သူ့မိတ်ဆွေများ အချေအတင်စကားဖောင်ဖွဲ့လက်ဆုံကျခြင်းဖြစ်သည်။ အကြီးမားဆုံးနှင့်အကျယ်ပြန့်ဆုံးဖြစ်သည်။ကျမ်းစာ၏အနှစ်သာရဖြစ်သည်။ထိုအကြောင်းကို Ridout ကဤသို့ဆိုသည်

အမေဘုတ်၏ချည်ခင်ထုတ်စကားဖြစ်သည်။ကန့်ကွက်ချက် အပြစ်တင်ချက် စွပ်စွဲချက် သံသယများ တွေ့မြင်ရသကဲ့သို့ ဓမ္မယူဆ မျှော်လင့်ချက်ရောင်ခြည်နှင့် ယုံကြည်ခြင်းသစ္စာများရောထွေးရှက်တင်သည်။ စကားလုံးများသည် အရှေ့တိုင်းသားများ ထုံးစံအတိုင်း ဥပမာ ဥပမေယျ တင်စားချက်များနှင့်ရောပြွမ်းထုံသင်းသည်။ စာရှုသူများအတွက် တိုက်ရိုက်မပတ်သတ်သော်လည်း သင်ခန်းစာရယူစရာများစွာရှိပါသည်။ယုံကြည်သူခရစ်ယာန်များအနေဖြင့် ဘုရားသခင်အား အစဉ်ဝန်ခံမည့် သင်ခန်းစာရရှိမည်ဖြစ်ပါသည်။ ကိုးကားထိုက်သောကျမ်းချက်ဖြစ်ပါသည်။၇

ဤတွေ့ဆုံခန်းကို အပိုင်း ၃ ပိုင်းခွဲခြားနားလည်နိုင်သည်။ပထမဦးစွာ ယောဘ၏ဖြစ်စဉ်အကြောင်းအရာဖွင့်စကားဖြစ်၍သူ့မိတ်ဆွေများက စကားတုန့်ပြန်သည်။ ယောဘက စကားချေပ၍ အခြားမိတ်ဆွေတစ်ဦးက စကားကိုဝင်ကောက်သည်။ ယောဘကသူ့စကားကိုကာကွယ်၍ တတိယမိတ်ဆွေက ဝင်ရောက်ဆွေးနွေးသည်။

သို့ဖြစ်အောက်ပါအတိုင်းလေ့လာနိုင်သည်။

ပထမအချီ

ယောဘ အခန်း ၃

ဧလိဖတ် အခန်း ၄၊၅

ယောဘ အခန်း ၆၊၇

ဗိလဒတ် အခန်း ၈

ယောဘ အခန်း ၉၊၁၀

ဇောဖာ အခန်း ၁၁

ဒုတိယအချီ

ယောဘ အခန်း ၁၂၊၁၄

ဧလိဖတ် အခန်း ၁၅

ယောဘ အခန်း ၁၆၊၁၇

ဗိလဒတ် အခန်း ၁၈

ယောဘ အခန်း ၁၉

ဇောဖာ အခန်း၂၀

တတိယအချီ

ယောဘ အခန်း ၂၁

ဧလိဖတ် အခန်း၂၂

ယောဘ အခန်း ၂၃၊၂၄

ဗိလဒတ် အခန်း ၂၅

ယောဘ အခန်း ၂၆-၃၁

(တတိယအချီတွင် ဇောဖာစကားမချေတော့ပါ)

ယောဘ၏မိတ်ဆွေများ၏ပြောစကားကိုအောက်ပါအတိုင်း အကျဉ်းချုံးနားလည်နိုင်သည်။

ဧလိဖတ်၏စကားသည် “ငါသည်မြင်သည့်အတိုင်း — ဟုအတွေ့အကြုံ၊ အသိအမြင်ပေါ်တွင်အခြေခံသည်။(၄:၈၊၁၅၊၅:၃၊၁၅:၇၊၂၂:၁၉)

ဗိလဒတ်၏စကားသည် ရှေးဝါဒထုံးတမ်းစဉ်လာ(၈း၈)အပေါ်တည်ရှိသည်။ ဤစကားတွင် စကားအလိမ္မာနှင့်စာချိုးများ အခေါက်တရာကြားနေကြသောစကားများလည်တွေ့ရမည်(၉:၁-၃:၁၃:၂)။၈

ဇောဖာစကားသည် ယုတိယုတ္တာကျ၍ တရားဓမ္မဆန်သည်(၁၁:၁၄၊၁၅)။ “လူတိုင်းအတွက် ဘုရားသခင်၏အစီအစဉ်တစ်ခုစီရှိကြောင်းနှင့် ထိုသို့ပြုလုပ်ရခြင်းအကြောင်းလည်းရှိသည်။ အကြံအစည်တော်အတိုင်းပြုလုပ်သည်”၉ ဟုတွေးမြင်သည်။ သူ့အယူအဆသည် တရားဓမ္မဆန်သည်။

ထို့အပြင် လူငယ်ဧလိ၏စကားကြောရှည်သွားပုံကိုလည်း (အခန်း ၃၂-၃၇)တွင်တွေ့ရသည်။ ဘုရားသခင်နှင့်ယောဘအကြား အပြန်အလှန်ပြောဆိုကြပုံ ကိုလည်း (အခန်း ၃၈-၄၂)တွင်တွေ့ရသည်။ ယောဘ၏လေပြေစကားဖြင့်အဆုံးသတ်ထားသည်။

(က) ပထမအချီ(အခန်း ၃-၁၄)

၁။ယောဘ၏မျက်ရည်စကား (အခန်း၃)

၃:၁-၉ ဤအခန်းကို မိမိမွေးနေ့တွင် မပျော်ရွှင်နိုင်သောကျက်သရေမရှိနေ့ရက်ဖြင့် စာမျက်နှာဖွင့်လှစ်သည်။အဘယ်ကြောင့်ဆိုသော် ယောဘက သူ့မွေးရက်ကို ကျိန်တွယ်သည်။ သေချင်ပါလျက်မသေနိုင်ဟု သေခြင်းတရားကို ကောင်းကြီးပေးသည်။ သူကိုယ်တိုင်အပါအဝင်သားယောက်ျားများ ပဋိသန္ဓေတည်ခြင်းကိုလည်း ရမ်းသမ်းကျိန်ဆဲသည်။

၃:၁၀-၁၂ အမိဝမ်းထဲမှ သန္ဓေတည်စဉ်က၊ လူ့ဘဝသို့မွေးဖွားသန့်စင်ကတည်းက မသေရကောင်းလားဟု ငြီးညူသည်။(ထိုသို့ကျိန်ဆို ခြင်းသည် လောကလူသား၊ ယောကျ်ားသားများအား သေစေလိုခြင်းသက်သက်မဟုတ် ခံစားရသောအနာဒုက္ခသက်သာလို သက်သာငြား၊ ဒေါသပေါက်ကွဲခြင်းဖြစ်သည်။ ကိုယ်ဝန်ပျက်ကျ မွေးမွေးခြင်း သေခြင်းသည် ထို့ခေတ်ကာလတွင် နတ်ဆိုးဝင်ခြင်းဟု ခံယူကြသည်။ယနေ့အနောက်တိုင်းတွင် ထိုအတွေးအခေါ်ပြန်လည် ပေါ်ပေါက်လာပြန်သည်။)

၃:၁၃-၁၉ သောကငြိမ်းအေးရာ၊ ယုတ်မြတ်မရွေးရောက်ရှိသောနေရာ သခင့်ဖိစီးမှုအောက်မှ ကျေးကျွန်များလွတ်မြောက်သည့်နေရာဟု သေခြင်းတိုင်းပြည်ကို ယောဘကချီးမွမ်းခန်းဖွင့်သည်။

၃:၂၀-၂၆ ဆင်းရဲဒုက္ခရောက်၍ သေလုမတတ်ဝေဒနာခံစားနေသူကို အဘယ်ကြောင့် အသက်ရှင်ခွင့်ရနေသည်။(သူကိုယ်တိုင်ဖြစ်သည်) သေခြင်းကိုလက်ကမ်း၍တောင့်တနေသော်လည်းမရရှိနိုင်ကြပါလားဟုဆိုသည်။

အပိုဒ်ငယ် ၂၅ သည်ပေါ်လွင်ထင်ရှားသောဂန္တဝင်ကျမ်းစာဖြစ်သည်။

ငါကြောက်သောအမှုသည် ငါ၌ရောက်လာပြီ။ ငါအလွန်ကြောက်သောဘေးသည် ငါ့ကို တွေ့မိပြီ။

ယောဘ၏ စည်းစိမ်ဥစ္စာနှင့်ပျော်ရွှင်သောနေ့ရက်များ လက်လွှတ်ဆုံးရှုးရတော့မည်ဟု ဆိုလိုခြင်းလား။လူကုံထံလူချမ်းသာများ၏ ပြောနေကြစကားလား။ဥစ္စာပစ္စည်းဆုံးရှုံး၍ ဆင်းရဲမှုကြောက်လန့်ခြင်းသည် လူ့ဘဝကိုတိုတောင်းစေပါသည်။ ချမ်းသာခြင်း ကလူ့ဘဝကို လုံခြုံမှုမပေးနိုင်ပါ။ လူ့ဘဝနှင့် စည်းစိမ်ဥစ္စာလုံခြုံရေးကိုဘုရားသခင်တစ်ပါတည်းကလာလျှင်အာမခံနိုင်သည်။

ယောဘ၀တ္ထု-၃

‌ယောဘ၀တ္ထု-၃ အနက်ဖွင့်

"
Our Visitor
0 0 1 8 2 5

Users Today : 4
Users Yesterday : 9
Users This Year : 929
Views Today : 4
Views This Month : 503
Views This Year : 3447
"

Our Visitor

ယောဘ၀တ္ထု-၃

‌ယောဘ၀တ္ထု-၃ အနက်ဖွင့်

"Our Visitor 0 0 1 8 2 5 Users Today : 4 Users Yesterday : 9 Users This Year : 929 Views Today : 4 Views This Month : 503 Views This Year : 3447"

Our Visitor

"
Our Visitor
0 0 1 8 2 5

Users Today : 4
Users Yesterday : 9
Users This Year : 929
Views Today : 4
Views This Month : 503
Views This Year : 3447
"